Wɩlʋʋ 5:9 - New Testament

⁹ Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.

Wɩlʋʋ 5:9 ပူးပေါင်းရင်းမြစ်များ

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Maatiyee 26:28

Sʋlʋm pʋnɛ lɛ man-calɩm mbʋ́ pɩkpɛdɩɣ ɛyáa sakɩyɛ yɔɔ se Ɛsɔ ɛpɩzɩ ekpeɣ-wɛ pa-kɩwɛɛkɩm yɔ. Pʋ-yɔɔ ɛtɩŋɩɣna nɛ ɛɖʋ nɔɔ haʋ.

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

1 Kɔrɛntɩ 6:20

Mbʋ́ pʋyɔɔ yɔ, ɩkɛ ɛyáa mbá Ɛsɔ yabɩ-wɛ yɔ. Pʋ-yɔɔ lɛ, ɩkpaɣ mi-tomnasɩ nɛ ɩɖʋnɩ Ɛsɔ hɩɖɛ.

1 Kɔrɛntɩ 7:23

Ɩkɛ ɛyáa mbá Ɛsɔ yabɩ-wɛ yɔ. Pʋ-yɔɔ lɛ, ɩtaapɩsɩ mɩ-tɩ ɛyáa yomaa.

Efɛɛzɩ 1:7

Đa nɛ ɩ ɖɛ-kpɛndʋʋ taa Ɛsɔ tɩŋnɩ ɛ-calɩm yɔɔ nɛ eholi-ɖʋ kɩdɛkɛdɩm nesi taa nɛ ekpeɣ-ɖʋ ɖa-kɩwɛɛkɩm. Ḿbʋ́ wɩlɩɣna se e-lootiye fɛyɩ ɖaɣʋ.

Efɛɛzɩ 5:19

Ɩkpɛndɩ ɖama nɛ ɩma keɣsi nɛ itee hendu ndʋ́ Fezuu Kiɖeɖeu wɩlɩɣ-mɩ yɔ. Itee hendu nɛ ɩyɩɣyɩ Kɩpaɣlʋ nɛ mɩ-laŋɩyɛ tɩŋa pilim.

Koloosi 1:14

Ɛ́lɛ́ holini-ɖʋ nɛ ɖa-kɩwɛɛkɩm taa nɛ ekpeɣ-ɖʋ-pʋ.

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Ebree 11:14

Mbá pɔyɔɔdʋʋ ḿbʋ́ yɔ, pawɩlɩɣ kpaagbaa se pañɩnɩɣ pɔ-cɔzɔnaa tɛtʋ natʋyʋ se pɛwɛɛ tɩ-taa.

2 Pɩyɛ 2:1

Ɛzɩma mbʋ́ mbá pɛcɛtaɣ se pɛkɛ mbá posusuu tɔm ndʋ́ tɩlɩnɩ Ɛsɔ cɔlɔ yɔ paasʋ Ɛsɔ ñɩma taa yɔ, ḿbʋ́ ɖɔɖɔ mbá pawɩlɩɣ ɛyáa cɛtɩm tɔm yɔ pɔkɔŋ mɩ-hɛkʋ taa sʋʋ mɛsaɣ tɛɛ. Pɔkɔŋ pawɩlɩ-mɩ tɔm ɛzaɣ́tʋ ndʋ́ tilesiɣ ɛyáa yɔ. Halɩ pɔkɔŋ kizuu ɖa-Wɩlɩyʋ sɔsɔ weyi ɛyabɩ pa-ñʋʋ yɔ. Pʋ-yɔɔ pɩtɩŋɩɣna nɛ asayʋʋ nakʋyʋ tudi-wɛ.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.

1 Yohanɛɛsɩ 2:2

Ɛ-maɣmaɣ ɛ-calɩm kpɛdɩnɩ se Ɛsɔ ɛtɩŋnɩ pʋ-yɔɔ nɛ ekpeɣ-ɖʋ ɖa-kɩwɛɛkɩm. Pɩtasɩɩnɩ ɖe-ɖeke, ɛlɛ́, ekpeɣ ɖɔɖɔ kedeŋa yɔɔ ɛyáa tɩŋa payɩ pa-ñɩmbʋ.

Wɩlʋʋ 10:11

Ɛlɛ́, nɔɔ ŋ́gá keheyi-m se: «Pʋwɛɛ se ŋɖaɣnɩ susuu samaɣ ndɩ ndɩ nɛ ajɛya sakɩyɛ nɛ kʋnʋmɩŋ sakɩyɛ nɛ awiya sakɩyɛ pɔ-tɔm ndʋ́ Ɛsɔ kɔŋ-ŋ heyuu yɔ.»

Wɩlʋʋ 11:9

Samaɣ nɛ cejewee nɛ kʋnʋmɩŋ nɛ ajɛya pa-taa ɛyáa nabɛyɛ kɔŋ cɔnaʋ po-tomnasɩ kɩyakɩŋ naadozo nɛ hɔɔlʋʋ. Paakɔŋ haʋ nʋmɔʋ se pepim-wɛ.

Wɩlʋʋ 13:7

Đɔɖɔ lɛ, ɛha-ɖɩ waɖɛ se ɖiyooni Ɛsɔ ñɩma nɛ ɖɩwabɩ-wɛ. Ɛha-ɖɩ ɖɔɖɔ ɖoŋ cejewee tɩŋa nɛ samaɣ tɩŋa nɛ kʋnʋmɩŋ tɩŋa nɛ ajɛya tɩŋa pa-taa ñɩma yɔɔ.

Wɩlʋʋ 13:8

Pʋ-yɔɔ kedeŋa yɔɔ ɛyáa kpeekpe kɔŋ luŋuu ɖɩ-tɛɛ. Ḿbá lɛ mbá patɩŋa payɩ patama pa-hɩla wezuu takayaɣ taa ɖooo ɛzɩ Ɛsɔ labʋ kedeŋa yɔ. Takayaɣ ŋ́gá lɛ Heɣa ŋgá palawa yɔ ka-ñɩŋga.

Wɩlʋʋ 14:6

Pʋwayɩ lɛ, mana Ɛsɔ tiyiyu lɛlʋ, ɛkʋyaɣ ɖooo ɛsɔdaa. Ɛɛwɛnɩ Laŋhɛzɩyɛ Tɔm ndʋ́ tɩwɛ tam yɔ se esusuu kedeŋa yɔɔ ɛyáa nɛ ajɛya tɩŋa nɛ cejewee tɩŋa nɛ kʋnʋmɩŋ tɩŋa nɛ samaɣ tɩŋa.

Wɩlʋʋ 15:3

Peteɣaɣ hendu ndʋ́ Ɛsɔ tʋmlaɖʋ Mooyiizi ketewa yɔ. Ńdʋ́ ɖɔɖɔ Heɣa ketewa. Ńdʋ́ lɛ se: «Kɩpaɣlʋ Ɛsɔ, Đoŋ Tɩŋa Tʋ! Tʋma wena ŋlakɩ yɔ, apaɣlaa kpem, pɩfɛyɩ yɔɔdʋʋ! Ajɛya Wiyaʋ! Ña-nʋmɔŋ tʋʋzaa, ɩnʋ lɛ nʋmɔŋ siŋŋ.

Wɩlʋʋ 17:15

Ɛlɛ́, Ɛsɔ tiyiyu ɛnʋ eheyi-m se: «Lɩm mbʋ́ ŋnawa nɛ halʋ weyi ɛpɛdɩɣ ɛ-tɩ yɔ ɛcaɣ pʋ-yɔɔ yɔ, ḿbʋ́ lɛ samaɣ nɛ ɛyáa tikasɩ nɛ ajɛya nɛ kʋnʋmɩŋ ndɩ ndɩ pa-taa ñɩma.

Wɩlʋʋ 4:11

«Hayɩ Kɩpaɣlʋ yee, ɖɛ-Ɛsɔ, ŋmʋnaa se ña-hɩɖɛ ɛsɛɛ, paɖʋ-ŋ pɩ-taa yee pɛcɛlɩ-ŋ ɖoŋ nee. Ñalabɩna pɩtɩŋa payɩ ñe-liu wɛna nɛ pala pɩtɩŋa nɛ pʋwɛɛ.»

Wɩlʋʋ 5:12

Poholaɣ se: «Heɣa ŋgá Ɛsɔ yeba nɛ palaa yɔ, kamʋnaa se ɛha-kɛ ɖoŋ nɛ ñɩm, nɛ lɔŋsɩnɖɛ, nɛ abalɩtʋ, nɛ ɛɖʋ-kɛ hɩɖɛ, nɛ eyele kɛwɛɛ koboyaɣ taa nɛ pasam-kɛ.»

Wɩlʋʋ 5:6

Peeɖe mana ɖɔɖɔ Heɣa nakɛyɛ sɩŋ kewiyaɣ kpelaɣ nɛ kpɩna ana a-naanza nɛ sɔsaa pɛ-hɛkʋ taa. Kɛwɛ ɛzɩ pala-kɛ yɔ. Kɔñɔ hɩŋ lʋbɛ nɛ kɛwɛnɩ ɛsɛ lʋbɛ. Ana lɛ Ɛsɔ feziŋ lʋbɛ weyi etiyi-i kedeŋa kpeekpe yɔɔ yɔ.