Wɩlʋʋ 4:4 - New Testament

⁴ Kewiyaɣ kpelisi nɩɩlɛ nɛ naanza kɔcɔ kewiyaɣ kpelaɣ ŋ́gá nɛ sɩta nɛ sɔsaa nɩɩlɛ nɛ naanza nabɛyɛ caɣ sɩ-yɔɔ. Posu wondu kʋhʋlʋmʋtʋ nɛ paba sika hulasi.

Wɩlʋʋ 4:4 ပူးပေါင်းရင်းမြစ်များ

Maatiyee 19:28

Peeɖe ecosi-wɛ se: «Toovenim lɛ, mankaɖɩɣ-mɩ se alɩwaatʋ ndʋ́ Ɛyʋ Pɩyalʋ ma mɔnkɔŋ mancaɣ men-kewiyaɣ kpelaɣ yɔɔ koboyaɣ taa yɔ, mbá mɩ ɩtɩŋaɣ ma-wayɩ yɔ, ɩkɔŋ caɣʋ awiya kpelisi hiu nɛ naalɛ yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ.

Luka 22:30

Ɩkɔŋ caɣʋ awiya kpelisi yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ. Đɔɖɔ lɛ, mɔnkɔŋ-mɩ yaʋ nɛ ma nɛ mɩ ɖɩcaɣ nɛ ɖɩtɔɔ nɛ ɖɩñɔɔ men-Kewiyaɣ taa.»

2 Timootee 4:8

Lɛɛlɛɛyɔ lɛ, ɛsɩ man-kɩhɛyʋʋ nɛ ɛɖaŋnɩ-m: ŋ́gʋ́ lɛ tʋʋzʋʋ hulaɣ ŋgá Kɩpaɣlʋ kɔŋ-m cɛlʋʋ kɩyakʋ ŋgʋ́ ɛɖʋwa yɔ. Ɛtʋʋzɩ ɛ-tɔm hʋʋ taa. Pɩtɛkɛ men-ɖeke ɛkɔŋ-kʋ cɛlʋʋ, ɛlɛ́, ɛcɛlɩɣ-kʋ ɖɔɖɔ mbá patɩŋa payɩ paɖaŋnɩ sɔɔlɩm alɩwaatʋ ndʋ́ ɛkɔŋ yɔ.

Wɩlʋʋ 11:16

Peeɖe sɔsaa nɩɩlɛ nɛ naanza mbá paacaɣ Ɛsɔ ɛsɩndaa pe-kewiyaɣ kpelisi yɔɔ yɔ, poluŋ ɛ-tɛɛ nɛ paka pɛ-ɛsɛ nɛ tɛtʋ

Wɩlʋʋ 14:3

Ɛyáa ḿbá, peteɣ hendu kɩfatʋ kewiyaɣ kpelaɣ nɛ kpɩna ana a-naanza nɛ sɔsaa pɛ-ɛsɩndaa. Nɔɔyʋ tapɩzɩɣ se ɛkpɛlɩkɩ-tʋ nɛ pɩtasɩnɩ-wɛ. Pa-ñʋʋ paayabɩnɩ tataa.

Wɩlʋʋ 19:14

Sɔɔjanaa sakɩyɛ mbá pɛwɛ ɛsɔdaa yɔ, posu wondu kʋhʋlʋmʋtʋ ndʋ́ tɩwɛ fɛlɛ fɛlɛ nɛ tɩwɛɛ cɩɖɩcɩɖɩ yɔ nɛ pacaɣ kpaŋnaŋ kʋhʋlʋmɩŋ nɛ patɩŋɩɣ-ɩ.

Wɩlʋʋ 19:4

Peeɖe sɔsaa ḿbá pa-nɩɩlɛ nɛ naanza nɛ kpɩna ana a-naanza poluŋ Ɛsɔ weyi ɛcaɣ kewiyaɣ kpelaɣ yɔɔ yɔ ɛ-tɛɛ nɛ pasaŋ-ɩ se: «Aleluuya! Pɩla ḿbʋ́!»

Wɩlʋʋ 2:10

Sɔɔndʋ ɛtaakpa-wɛ nɛ kʋñɔŋ ŋgʋ́ pɔkɔŋ tɔɔʋ yɔ. Nɩɩ se eleeu kɔŋ ñɛ-ŋgbɛyɛ taa ñɩma nabɛyɛ ɖʋʋ salaka se ɛtakɩ-mɩ nɛ ɛna. Ɩkɔŋ nɩʋ siziŋ kɩyakɩŋ hiu. Ɩla mbʋ́ pʋpɔzʋʋ yɔ nɛ pʋkɔɔ pɩsɩɩnɩ mɩ-sɩm wiye nɛ maha-mɩ wezuu hulaɣ.

Wɩlʋʋ 20:4

Mana ɖɔɖɔ kewiyisi kpelisi nasɩyɩ: mbá powokaɣ pacakɩ sɩ-yɔɔ yɔ, paha-wɛ ɖoŋ se pahʋʋnɩ ɛyáa tɔm. Đɔɖɔ lɛ, mana mbá pɛsɛtɩ pa-ñʋŋ yɔ pa-ciyamnaa. Paakʋ-wɛ, mbʋ́ pʋyɔɔ yɔ, palɩzaɣ Yesu aseɣɖe nɛ posusuu Ɛsɔtɔm. Ḿbá taaluŋni kpɩnɛ yaa ɖɩ-sɩʋ kpelaɣ pɛ-tɛɛ, patala pe-kila taa yaa pe-nesi yɔɔ ɖɩ-yʋsaɣ. Pefema nɛ pa nɛ Krɩstʋ pɔtɔɔ kewiyaɣ pɩnzɩ kutoku.

Wɩlʋʋ 3:18

Pʋ-yɔɔ mantasɩɣ-wɛ tɔm se pɔkɔɔ mɔn-cɔlɔ nɛ paya sika ŋgá pɔhɔbɩ-kɛ miŋ nɛ kañɩlɩsɩɣ camɩyɛ yɔ nɛ papɩsɩ ñɩm tɩnaa. Pɔkɔɔ paya wondu kʋhʋlʋmʋtʋ nɛ posuu nɛ pataawɛɛ tombolo nɛ pana pɛ-fɛyɛ. Pɔkɔɔ paya ɖɔɖɔ kɔyɛ nɛ pelizi pɛ-ɛsɛ taa nɛ papɩzɩ pana.

Wɩlʋʋ 4:10

sɔsaa ḿbá pa-nɩɩlɛ nɛ naanza paba ñoluŋuu weyi ɛwɛ wezuu pɩnzɩ ɛgbaŋ ɛgbaŋ yɔ ɛ-ɛsɩndaa. Ɛcaɣ kewiyaɣ kpelaɣ yɔɔ nɛ pasaŋ-ɩ nɛ pɔlɔʋ po-hulasi kewiyaɣ kpelaɣ ɛsɩndaa nɛ pɔtɔŋ se:

Wɩlʋʋ 4:6

Nabʋyʋ kɛwɛ kewiyaɣ kpelaɣ ŋ́gá kɛ-ɛsɩndaa ɖɔɖɔ. Pʋwɛ ɛzɩ teŋgu yɔ nɛ pɩñɩlɩzɩɣ ɛzɩ ñɩñʋʋ yɔ. Pɩnɩɣzɩnɩ pɩyɛ kʋhʋlʋmɩyɛ nɖɩ́ ɖɩñɩlɩzɩɣ pelu pelu yɔ. Kewiyaɣ kpelaɣ ŋ́gá, kɛ-hɛkʋ taa nɛ kɔ-cɔlɔ kpɛɛɛ lɛ, kpɩna naanza naayɛ kɛwɛɛ, awɛnɩ ɛsɛ tɔtɔ, taa nɛ wayɩ.

Wɩlʋʋ 5:11

Mɔncɔnaa lɛ, mana ɖɔɖɔ Ɛsɔ tiyiyaa sakɩyɛ nɛ manɩɩ pɔ-nɔɔ. Pɔcɔ kewiyaɣ kpelaɣ nɛ kpɩna nɛ sɔsaa pata. Pɔɖɔwa pɩfɛyɩ kalʋʋ, pɛwɛ kutokiŋ ɛgbaŋ ɛgbaŋ.

Wɩlʋʋ 5:14

Peeɖe kpɩna ana a-naanza acosaa se: «Pɩla ḿbʋ́!» Nɛ sɔsaa ñoluŋ pa-nɩmbɔla yɔɔ nɛ pasaŋ-wɛ.

Wɩlʋʋ 5:6

Peeɖe mana ɖɔɖɔ Heɣa nakɛyɛ sɩŋ kewiyaɣ kpelaɣ nɛ kpɩna ana a-naanza nɛ sɔsaa pɛ-hɛkʋ taa. Kɛwɛ ɛzɩ pala-kɛ yɔ. Kɔñɔ hɩŋ lʋbɛ nɛ kɛwɛnɩ ɛsɛ lʋbɛ. Ana lɛ Ɛsɔ feziŋ lʋbɛ weyi etiyi-i kedeŋa kpeekpe yɔɔ yɔ.

Wɩlʋʋ 5:8

Kamʋ-kɛ lɛ, kpɩna ana a-naanza nɛ sɔsaa ḿbá pa-nɩɩlɛ nɛ naanza poluŋ kɛ-ɛsɩndaa. Paa weyi ɛɖɔkɩ cɩmʋʋ nɛ sika caɖasɩ, sɩ-taa nɛ tɩlaaɖɩnaa mbá pɔhɔkɩ yɔ ɖo. Ḿbá lɛ Ɛsɔ ñɩma Ɛsɔ sɛtʋ.

Wɩlʋʋ 6:11

Peeɖe pɛcɛlɩ paa pa-taa weyi toko kʋhʋlʋmʋʋ kitibuu waaa. Ɛlɛ́, peheyi-wɛ se pɛwɛɛ pe-ɖeɖe nɛ pʋkɔɔ pɩsɩɩnɩ alɩwaatʋ ndʋ́ pɛtɛzɩ kʋʋ pa-taabalaa nɛ mbá pa nɛ wɛ palakɩ tʋmɩyɛ, nɛ pɩɩwɛɛ se pakʋ-wɛ ɛzɩ ḿbá yɔ.

Wɩlʋʋ 7:11

Ɛsɔ tiyiyaa tɩŋa kɔcɔ kewiyaɣ kpelaɣ nɛ sɔsaa nɛ kpɩna ana a-naanza nɛ pata. Peeɖe poluŋ Ɛsɔ tɛɛ kɛ-ɛsɩndaa nɛ paka pɛ-ɛsɛ nɛ tɛtʋ nɛ pasaŋ-ɩ

Wɩlʋʋ 7:9

Pʋwayɩ mantasɩ cɔnaʋ lɛ, manaɣ ɛyáa samaɣ nakɛyɛ, kɔɖɔwa pɩtɩɩfɛyɩ, kɛfɛyɩ kalʋʋ: ajɛya kpeekpe nɛ cejewee tɩŋa taa ɛyáa nɛ samaɣ tɩŋa nɛ kʋnʋmɩŋ tɩŋa. Pasɩŋ kewiyaɣ kpelaɣ nɛ Heɣa pɛ-ɛsɩndaa. Posu tokonaa kʋhʋlʋmaa waa waa nɛ pɔ́ɖɔ́kɩ paatʋ pe-nesi taa

Wɩlʋʋ 9:7

Kutoloŋ ŋ́gʋ́, kɩnɩɣzɩnɩ kpaŋnaŋ weyi pɔñɔɔzɩ-ɩ se ɩɖɛɛ you yɔ. Nabʋyʋ kɛwɛ kʋ-ñʋŋ taa ɛzɩ sika hulasi yɔ nɛ kɩ-ɛsɩndaa wɛɛ ɛzɩ ɛyáa yɔ.