Wɩlʋʋ 4:2 - New Testament

² Kpaagbaa ḿbʋ́ lɛ, Fezuu Kiɖeɖeu tii mɔ-yɔɔ nɛ manaɣ kewiyaɣ kpelaɣ nakɛyɛ ɛsɔdaa peeɖe. Nɔɔyʋ caɣ kɔ-yɔɔ.

Wɩlʋʋ 4:2 ပူးပေါင်းရင်းမြစ်များ

Maatiyee 22:43

Peeɖe ɛpɔzɩ-wɛ se: «Yee ḿbʋ́, pɩlabɩ ɛzɩma nɛ Fezuu Kiɖeɖeu tii Daaviidi yɔɔ nɛ ɛpɩzɩ ɛ́yáa-ɩ se: ‹Kɩpaɣlʋ?›

Ebree 8:1

Tɔm ndʋ́ meheyiɣ-mɩ yɔ, tɩ-taa ndʋ́ tɩkɩlɩ wazaɣ yɔ lɛ se: ɖɩwɛnɩ cɔjɔ sɔsɔ nɔɔyʋ. Ɛcaɣ Ɛsɔ Đoŋ Tɩŋa Tʋ kewiyaɣ kpelaɣ cɔlɔ lone kɩbanɖɛ taa ɛsɔdaa.

Wɩlʋʋ 1:10

Peeɖe Fezuu Kiɖeɖeu tibi mɔ-yɔɔ Kɩpaɣlʋ kɩyakʋ nakʋyʋ wiye nɛ manɩɣ puholuu nɛ ma-wayɩ ɖoŋ ɛzɩ pahʋlʋʋ ɛgandɩyɛ yɔ se:

Wɩlʋʋ 12:5

Peeɖe halʋ ɛnʋ ɛlʋlɩ abalɩbɩɣa nɛ Ɛsɔ cobi-kɛ nɛ ɛkpazɩ ɛ nɛ e-kewiyaɣ kpelaɣ pɔ-cɔlɔ. Ŋ́gá kɔŋnɩ ɖiyuu ajɛya kpeekpe taa ñɩma nɛ awiya nɛ ɖaʋ ñɩ́ɣ́yʋ́ʋ ñɩŋgʋ.

Wɩlʋʋ 17:3

Ɛlɛ́, Fezuu Kiɖeɖeu tii mɔ-yɔɔ nɛ e-tiyiyu ɛnʋ ɛkpaɣ-m nɛ ewoni lakʋ nakʋyʋ taa. Peeɖe mana halʋ nɔɔyʋ, ɛcaɣ kpɩnɛ kɩsɛmɖɩyɛ cɩɩɩ naɖɩyɛ yɔɔ. Đɩwɛnɩ hɩla wena atʋʋ Ɛsɔ yɔ ɖɩ-yɔɔ tɔtɔ nɛ ñʋŋ lʋbɛ nɛ hɩŋ hiu.

Wɩlʋʋ 19:4

Peeɖe sɔsaa ḿbá pa-nɩɩlɛ nɛ naanza nɛ kpɩna ana a-naanza poluŋ Ɛsɔ weyi ɛcaɣ kewiyaɣ kpelaɣ yɔɔ yɔ ɛ-tɛɛ nɛ pasaŋ-ɩ se: «Aleluuya! Pɩla ḿbʋ́!»

Wɩlʋʋ 20:11

Pʋwayɩ lɛ, mana kewiyaɣ kpelaɣ sɔsɔɔ kʋhʋlʋmaɣ nakɛyɛ nɛ weyi ɛcaɣ kɔ-yɔɔ yɔ. Ɛsɔdaa nɛ tɛtʋ pese ɛ-ɛsɩndaa, patatasɩ-wɛ naʋ.

Wɩlʋʋ 21:10

Ɛlɛ́, Fezuu Kiɖeɖeu tii mɔ-yɔɔ nɛ e-tiyiyu ɛnʋ ɛkpaɣ-m nɛ ɛkpazɩ-m pʋʋ sɔsɔʋ nakʋyʋ ñʋʋ taa. Peeɖe ɛwɩlɩ-m Ɛsɔ tɛtʋ, Yeruusalɛm ŋgʋ́ kɩlɩnɩ ɛsɔdaa Ɛsɔ cɔlɔ nɛ kitiki yɔ.

Wɩlʋʋ 21:5

Peeɖe weyi ɛɛcaɣ kewiyaɣ kpelaɣ yɔɔ yɔ, ɛtɔm se: «Na! Malakɩ wondu tɩŋa payɩ nɛ tɩpɩsɩ kɩfatʋ. Ma tɔm ńdʋ́, mbʋ́ pʋyɔɔ yɔ, tɩkɛ toovenim, tɩlakɩ ḿbʋ́.»

Wɩlʋʋ 3:21

‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.

Wɩlʋʋ 4:10

sɔsaa ḿbá pa-nɩɩlɛ nɛ naanza paba ñoluŋuu weyi ɛwɛ wezuu pɩnzɩ ɛgbaŋ ɛgbaŋ yɔ ɛ-ɛsɩndaa. Ɛcaɣ kewiyaɣ kpelaɣ yɔɔ nɛ pasaŋ-ɩ nɛ pɔlɔʋ po-hulasi kewiyaɣ kpelaɣ ɛsɩndaa nɛ pɔtɔŋ se:

Wɩlʋʋ 4:5

Tɛʋ ñɩlɩsʋʋ nɛ kɔkɔɖɛ nɛ tɛʋ nazʋʋ palɩɣaɣnɩ kewiyaɣ kpelaɣ ŋgá kɛwɛ hɛkʋ taa yɔ kɔ-yɔɔ. Pɔsɔbɩ kanɖʋnaa lʋbɛ mbá panaɣ camɩyɛ yɔ kɛ-ɛsɩndaa: ḿbá lɛ Ɛsɔ feziŋ lʋbɛ.

Wɩlʋʋ 4:9

A-naanza asaŋ weyi ɛcaɣ kewiyaɣ kpelaɣ yɔɔ nɛ ɛwɛɛ wezuu pɩnzɩ ɛgbaŋ ɛgbaŋ yɔ nɛ aɖʋʋ-ɩ hɩɖɛ nɛ asɛɣ-ɩ. Alɩwaatʋ ndʋ́ alakɩ ḿbʋ́ yɔ,

Wɩlʋʋ 5:1

Mana ɖɔɖɔ weyi ɛcaɣ kewiyaɣ kpelaɣ yɔɔ yɔ e-nesi kɩbanzɩ taa takayaɣ nakɛyɛ, pama ka-taa nɛ ka-wayɩ nɛ pataaɖɩ-kɛ nɛ nesi ñɩɣʋ tam lʋbɛ taa.

Wɩlʋʋ 5:13

Manɩ ɖɔɖɔ mbʋ́ pʋwɛ ɛsɔdaa nɛ tataa nɛ tɛtɛɛ nɛ teŋgu taa nɛ mbʋ́ pɩtɩŋa payɩ pʋwɛ kedeŋa yɔɔ yɔ, pɔyɔɔdaɣ se: «Pasa weyi ɛcaɣ kewiyaɣ kpelaɣ yɔɔ yɔ nɛ Heɣa nɛ paɖʋ-wɛ hɩɖɛ, ḿbá tɩnɩ koboyaɣ nɛ ɖoŋ pɩnzɩ ɛgbaŋ ɛgbaŋ!»

Wɩlʋʋ 6:16

Peheyaɣ pʋŋ nɛ ɛwasɩ se: «Ɩkpɛzɩ ɩɖa ɖɔ-yɔɔ nɛ ihuuzi ɖɔ-yɔɔ nɛ weyi ɛcaɣ kewiyaɣ kpelaɣ yɔɔ yɔ, ɛtaana-ɖʋ. Đɔɖɔ lɛ, Heɣa pana ɛtaakpanɩ-ɖʋ.