Wɩlʋʋ 3:8 - New Testament

⁸ Mansɩm mbʋ́ ñɛ-ŋgbɛyɛ taa ñɩma lakɩ yɔ. Na: mantʋlɩ nɔnɔɔ ŋgá nɔɔyʋ ɛɛpɩzɩɣ ɛɖɩɣ yɔ ñɛ-ɛsɩndaa. Mbʋ́ pʋyɔɔ yɔ, pɛwɛnɩ ɖoŋ pazɩ, ɛlɛ́, pɔɖɔkɩ mɔn-tɔm nɛ pɛtɛkpɛzɩ se patasɩm-m.

Wɩlʋʋ 3:8 ပူးပေါင်းရင်းမြစ်များ

Luka 12:9

Ɛlɛ́, weyi ɛkpɛzɩɣ ɛyáa ɛsɩndaa se pɩtɛkɛ mantɩnɩ-ɩ yɔ, mɔnkɔŋ kpɛzʋʋ ɖɔɖɔ Ɛsɔ tiyiyaa ɛsɩndaa se pɩtɛkɛ mantɩnɩ-ɩ.

Yohanɛɛsɩ 15:20

Ɩtɔzɩ tɔm ndʋ́ meheyi-mɩ yɔ tɩ-yɔɔ. Ńdʋ́ lɛ se: ‹Tʋmlaɖʋ nɔɔyʋ fɛyɩ se ɛkɩlɩɣ ɛ-caa.› Yee ɛyáa ɩwɛ ma-wayɩ kaŋ kaŋ yɔ, pɔkɔŋ mɩ-wayɩ wɛʋ ɖɔɖɔ ḿbʋ́. Yee pɔɖɔm mɔn-tɔm yɔɔ yɔ, pɔkɔŋ ɖɔm ɖɔɖɔ mɩ-ñɩndʋ yɔɔ.

Yohanɛɛsɩ 17:6

Meyeba nɛ ɛyáa mbá ŋlɩzɩ kedeŋa kanɛ kɔ-yɔɔ nɛ ŋɖʋzɩ me-nesi taa yɔ, pasɩm-ŋ. Ñaatɩnɩ-wɛ nɛ ŋɖʋzɩ-wɛ me-nesi taa nɛ pɔɖɔŋ ñɔ-tɔm yɔɔ.

Tʋma Labʋ 14:27

Patalaa lɛ, pekpeɣli Krɩstʋ ŋgbɛyɛ taa ñɩma nɛ pɛkɛdɩ-wɛ mbʋ́ pɩtɩŋa Ɛsɔ tɩŋnɩ pɔ-yɔɔ nɛ ɛla yɔ nɛ ɛzɩma mbʋ́ ɛha mbá pɛtɛkɛ Yuda ñɩma yɔ waɖɛ nɛ pɛwɛnɩ lidaʋ Yesu yɔɔ yɔ.

1 Kɔrɛntɩ 16:9

Mbʋ́ pʋyɔɔ yɔ, paa koyindinaa ɛɖɔwa yɔ, pɩha-m waɖɛ se mala tʋmɩyɛ sɔsɔɖɛ nɖɩ́ ɖɩwɛ wazaɣ yɔ.

2 Kɔrɛntɩ 2:12

Alɩwaatʋ ndʋ́ mantalɩ Trowaasɩ se monsusuu Krɩstʋ Laŋhɛzɩyɛ Tɔm yɔ, Kɩpaɣlʋ kaha-m nʋmɔʋ.

Filiipu 4:13

Krɩstʋ haɣnɩ-m ɖoŋ, ɛ-yɔɔ manpɩzɩɣ malakɩ pɩtɩŋa payɩ.

Koloosi 4:3

Itendi-i ɖɔɖɔ ɖɔ-yɔɔ nɛ ɛha-ɖʋ nʋmɔʋ nɛ ɖisusi ɛ-tɔm nɛ ɖɩpɩzɩ ɖɩlɩzɩ Krɩstʋ tɔm ndʋ́ tɩwɛ ɛyáa tɩŋa mɛsaɣ tɛɛ yɔ tɩ-tɔbʋʋ. Tɩ-yɔɔ mɛwɛ salaka taa lɛɛlɛɛyɔ.

1 Timootee 5:8

Yee nɔɔyʋ ɛɛcɔŋnɩ ɛ-ñɩma yɔɔ, kɔzɩkɔzɩ ɛ-maɣmaɣ ɛ-hɔʋ taa ñɩma yɔɔ yɔ, pɩwɩlɩɣ se ɛlɔ lidaʋ ŋgʋ́ ɛwɛnɩ Krɩstʋ yɔɔ yɔ. Weyi ɛfɛyɩnɩ lidaʋ Krɩstʋ yɔɔ yɔ, ɛ́lɛ́ ñakɩlɩ-ɩ wee wee.

2 Timootee 4:7

Malʋbɩ lʋbɩyɛ kɩbanɖɛ nɛ mense nɛ mantalɩ men-seya tɩnaɣ yɔɔ nɛ mɔnɖɔkɩ lidaʋ ŋgʋ́ mɛwɛnɩ Ɛsɔ yɔɔ yɔ.

Yuudi 1:4

Mɔyɔɔdʋʋ ḿbʋ́, mbʋ́ pʋyɔɔ yɔ, mbá paañaŋ Ɛsɔ yɔ pa-taa nabɛyɛ sʋ mɩ-hɛkʋ taa mɛsaɣ tɛɛ. Papɩsɩɣ ɖɛ-Ɛsɔ lootiye tɔm kiŋgila nɛ yaayala se peɖezini pa-acɛyɛ lakasɩ pe-wezuu caɣʋ taa. Pɔlɔʋ Yesu Krɩstʋ weyi e-ɖeke koŋ ɛkɛ ɖa-Wɩlɩyʋ nɛ ɖa-Kɩpaɣlʋ nɛ ɛcɔŋnɩ pɩtɩŋa pʋ-yɔɔ yɔ. Đooo lɔŋ pama ɛzɩma mbʋ́ pakʋʋ pɔ-tɔm yɔ.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.

Wɩlʋʋ 2:2

mansɩm mbʋ́ ñɛ-ŋgbɛyɛ taa ñɩma lakɩ yɔ nɛ pa-pana ñaɣʋ nɛ ɛzɩma mbʋ́ pɔɖɔkʋʋ pa-tɩ yɔ. Manawa se paacaɣ se pa nɛ kañadɩnaa pɛkpɛndɩ. Pamaɣzɩ mbá pɔtɔŋ se pɛkɛ Yesu tiyiyaa yɔ nɛ pana se pɛkɛ cɛtɩyaa.

Wɩlʋʋ 22:7

Yesu tɔŋ se: «Na, pɩkazɩ pazɩ, mɔnkɔŋ! Weyi ɛɖɔŋ tɔm ndʋ́ tɩlɩnɩ Ɛsɔ cɔlɔ nɛ pama takayaɣ kanɛ ka-taa yɔ tɩ-yɔɔ yɔ, ehiɣ ɛ-tɩ!»

Wɩlʋʋ 3:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Saardɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ Ɛsɔ feziŋ ɩnʋ ɩ-lʋbɛ nɛ tɩɩnzɩ ńzɩ́ sɩ-lʋbɛ yɔ, mɔntɔŋna se: mansɩm mbʋ́ ñɛ-ŋgbɛyɛ taa ñɩma lakɩ yɔ: pa-hɩɖɛ sɛwa se pɛwɛ wezuu, ɛlɛ́, pasɩba.

Wɩlʋʋ 3:10

Ɛzɩma mbʋ́ meheyi-wɛ se pɔ́ɖɔ́kɩ pa-tɩ nɛ petisi pɔ́ɖɔ́kɩ tɔm ńdʋ́ yɔ, ma ɖɔɖɔ mɔnɖɔkʋʋ-wɛ. Mɔnɖɔkʋʋ-wɛ alɩwaatʋ ndʋ́ pʋkɔŋ takʋʋ kedeŋa kpeekpe yɔɔ ɛyáa se pɩna pa-wayɩ yɔ.

Wɩlʋʋ 3:15

mansɩm mbʋ́ ñɛ-ŋgbɛyɛ taa ñɩma lakɩ yɔ: pɛfɛyɩ niŋkaɣ, pɛfɛyɩ ɖɔɖɔ miŋ. Yee paatɩɩwɛ niŋkaɣ yaa miŋ yɔ!

Wɩlʋʋ 3:7

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Filaadɛlfii Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Ɛsɔ ñɩnʋ nɛ toovenim tʋ nɛ mɔnɖɔkɩ wiyaʋ sɔsɔ Daaviidi nɔnɔɔ ñɩmɩyɛ nɛ yee mantʋlaa, nɔɔyʋ ɛɛpɩzɩɣ ɛɖɩɣ nɛ yee manɖɩɣaa, nɔɔyʋ ɛɛpɩzɩɣ ɛtʋlɩ yɔ, mɔntɔŋna se: