Wɩlʋʋ 3:5 - New Testament

⁵ ‹Weyi ɛwakɩ yɔ, ɛkɔŋ suu wondu kʋhʋlʋmʋtʋ ḿbʋ́. Maahɩzɩɣ ɛ-hɩɖɛ wezuu takayaɣ taa. Mɔnkɔŋ kaɖʋʋ man-Caa nɛ e-tiyiyaa pɛ-ɛsɩndaa se pʋdʋ kɛ ma-ñɩnʋ.

Wɩlʋʋ 3:5 ပူးပေါင်းရင်းမြစ်များ

Maatiyee 10:32

Đɔɖɔ lɛ, Yesu yɔɔdaa se: «Yee nɔɔyʋ ɛkaɖɩ ɛyáa taa se mantɩnɩ-ɩ yɔ, mankaɖɩɣ man-Caa weyi ɛwɛ ɛsɔdaa yɔ ɛ-ɛsɩndaa ɖɔɖɔ se mantɩnɩ-ɩ.

Luka 10:20

Paa ḿbʋ́ yɔ, pɩtaalabɩ-mɩ leleŋ se aleewaa ñaŋ-mɩ. Ɛlɛ́, pɩlabɩ-mɩ leleŋ se Ɛsɔ ma mɩ-hɩla ɛ-takayaɣ taa.»

Luka 12:8

«Meheyiɣ-mɩ se weyi ɛkaɖɩɣ ɛyáa taa se mantɩnɩ-ɩ yɔ, Ɛyʋ Pɩyalʋ ma mankaɖɩɣ ɖɔɖɔ Ɛsɔ tiyiyaa ɛsɩndaa se mantɩnɩ-ɩ.

Filiipu 4:3

Piyele weyi ña ŋkɛ man-taabalʋ siŋŋ tʋmɩyɛ taa yɔ, mentendiɣ-ŋ ɖɔɖɔ se ŋsɩnɩ-wɛ. Mbʋ́ pʋyɔɔ yɔ, ma nɛ wɛ ɖɩlʋbɩnɩ Laŋhɛzɩyɛ Tɔm yɔɔ nɛ pɩkpɛndɩnɩ Klemaɣ nɛ taabalaa lɛlaa mbá pa-hɩla wɛ wezuu takayaɣ taa yɔ patɩŋa payɩ.

Yuudi 1:24

Pasa weyi ɛpɩzɩɣ ehuuzi mɩ-yɔɔ se ɩtaatɔlɩ kaʋ yɔ. Ɛnʋ yekina se ɩwɛɛ cɩɖɩcɩɖɩ nɛ iwolo ɛ-cɔlɔ e-koboyaɣ taa nɛ mɩ-laŋa hʋlʋmɩ poyi poyi. Ɛnʋ lɛ Ɛsɔ kʋɖʋm koŋ weyi ɛwɛɛ yɔ. Ɛnʋ tɩŋnɩnɩ ɖa-Kɩpaɣlʋ Yesu Krɩstʋ yɔɔ nɛ ɛya ɖa-ñʋʋ. Pasam-ɩ nɛ paɖʋ-ɩ hɩɖɛ. Ɛwɛnɩ ɖoŋ tɩŋa nɛ ɛcɔŋnɩ pɩtɩŋa pʋ-yɔɔ. Ḿbʋ́ pɩɩwɛ ɖooo kiɖe tɛɛ. Pʋwɛɛ ḿbʋ́ lɛɛlɛɛyɔ, pʋwɛɛ ɖɔɖɔ ḿbʋ́ tam! Pɩla ḿbʋ́!

Wɩlʋʋ 13:8

Pʋ-yɔɔ kedeŋa yɔɔ ɛyáa kpeekpe kɔŋ luŋuu ɖɩ-tɛɛ. Ḿbá lɛ mbá patɩŋa payɩ patama pa-hɩla wezuu takayaɣ taa ɖooo ɛzɩ Ɛsɔ labʋ kedeŋa yɔ. Takayaɣ ŋ́gá lɛ Heɣa ŋgá palawa yɔ ka-ñɩŋga.

Wɩlʋʋ 17:8

Kpɩnɛ nɖɩ́ ŋna ḿbʋ́ yɔ, ɖɩɩwɛɛ, ɛlɛ́, lɛɛlɛɛyɔ ɖɩfɛyɩ. Đɩkɔŋ lɩnaʋ asayʋʋ pɔʋ taa nɛ ɖiwolo tɛŋɛlʋʋ taa. Ɛlɛ́, kedeŋa yɔɔ ñɩma mbá patama pa-hɩla wezuu takayaɣ taa ɖooo ɛzɩ kedeŋa wɛʋ yɔ, panaɣ-ɖɩ lɛ, pɩɖɩɣzɩɣ-wɛ. Mbʋ́ pʋyɔɔ yɔ, ɖɩɩwɛɛ nɛ lɛɛlɛɛyɔ ɖɩfɛyɩ, ɛlɛ́, ɖɩkɔŋ ɖaɣnʋʋ lɩʋ.

Wɩlʋʋ 19:8

Paha-ɩ waɖɛ se esuu wondu ndʋ́ tɩwɛ fɛlɛ fɛlɛ nɛ tɩñɩlɩzɩɣ nɛ tɩwɛɛ cɩɖɩcɩɖɩ yɔ.» Fɛlɛ fɛlɛ wondu ńdʋ́ lɛ tʋma kɩbana wena Ɛsɔ ñɩma laba yɔ.

Wɩlʋʋ 2:11

‹Weyi ɛwɛnɩ nɩŋgbaaŋ lɛ, ɛnɩɩ ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ! ‹Weyi ɛwakɩ yɔ, sɩm naalɛ ñɩmbʋ ɛɛnaɣ ɛ-yɔɔ kaʋ.› »

Wɩlʋʋ 2:7

‹Weyi ɛwɛnɩ nɩŋgbaaŋ lɛ, ɛnɩɩ ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ! ‹Weyi ɛwakɩ yɔ, mahaɣ-ɩ waɖɛ se ɛtɔɔ tɩʋ ŋgʋ́ kʋwɛ Ɛsɔ kaɖaɣ taa nɛ kɩhaɣ wezuu yɔ ki-pee.› »

Wɩlʋʋ 20:12

Mana ɖɔɖɔ sɩɖaa: ɖoŋ tɩnaa nɛ ajamaa pasɩŋ kewiyaɣ kpelaɣ ŋ́gá kɛ-ɛsɩndaa. Pukuli takayɩsɩ nasɩyɩ. Pukuli lɛɛka ɖɔɖɔ, ŋ́gá lɛ wezuu takayaɣ. Mbʋ́ sɩɖaa laba yɔ, pʋ-tɔm paama takayɩsɩ ńzɩ́ sɩ-taa, pʋ-yɔɔ pahʋʋnɩ-wɛ.

Wɩlʋʋ 20:15

Weyi patana ɛ-hɩɖɛ wezuu takayaɣ taa yɔ, pɛpɛɖɩ-ɩ miŋ sɔsɔŋ taa.

Wɩlʋʋ 21:27

Azuluma pʋyʋ yaa weyi ɛlakɩ kʋsɔɔtʋ yɔ yaa weyi ɛcɛtɩɣ yɔ, ɛɛkaɣ sʋʋ tɛtʋ ńdʋ́ tɩ-taa. Ɛlɛ́, mbá pama pa-hɩla wezuu takayaɣ ŋgá kɛkɛ Heɣa ñɩŋga yɔ ka-taa yɔ, pe-ɖeke koŋ pasʋʋna.

Wɩlʋʋ 22:19

Đɔɖɔ lɛ, yee nɔɔyʋ ɛpasɩ tɔm ndʋ́ tɩlɩnɩ Ɛsɔ cɔlɔ nɛ pama-tʋ takayaɣ kanɛ ka-taa yɔ tɩ-yɔɔ yɔ, Ɛsɔ pasɩɣ tɩʋ ŋgʋ́ kɩhaɣ wezuu yɔ kʋ-hɔɔlʋʋ ŋgʋ́ kɩkɛ pʋdʋ ñɩŋgʋ yɔ nɛ ɛ-tɛtʋ hɔɔlʋʋ ŋgʋ́ kɩkɛ pʋdʋ ñɩŋgʋ yɔ pɔ-yɔɔ. Tɩʋ ŋ́gʋ́ nɛ tɛtʋ ńdʋ́ pɔ-tɔm pama takayaɣ kanɛ ka-taa.

Wɩlʋʋ 3:12

‹Weyi ɛwakɩ yɔ, meyeki nɛ ɛkɛ mɛ-Ɛsɔ ɖɩɣa taa sisika, ɛɛtasɩɣ lɩʋ. Mamaɣ ɛ-yɔɔ mɛ-Ɛsɔ ɛnʋ ɛ-hɩɖɛ nɛ ɛ-tɛtʋ ñɩnɖɛ: ńdʋ́ʋ́ lɛ Yeruusalɛm kɩfalʋʋ ŋgʋ́ kɩlɩɣnɩ ɛsɔdaa mɛ-Ɛsɔ cɔlɔ nɛ kitiki yɔ. Mamaɣ ɛ-yɔɔ ɖɔɖɔ ma-hɩɖɛ kɩfaɖɛ.

Wɩlʋʋ 3:4

Ŋgʋ́, nabɛyɛ wɛ mɩ-tɛ Saardɩ peeɖe nɛ petepisi po-wondu. Pɔkɔŋ suu wondu kʋhʋlʋmʋtʋ nɛ ma nɛ wɛ ɖɩɖɔ, mbʋ́ pʋyɔɔ yɔ, pamʋnɩ ḿbʋ́.

Wɩlʋʋ 6:11

Peeɖe pɛcɛlɩ paa pa-taa weyi toko kʋhʋlʋmʋʋ kitibuu waaa. Ɛlɛ́, peheyi-wɛ se pɛwɛɛ pe-ɖeɖe nɛ pʋkɔɔ pɩsɩɩnɩ alɩwaatʋ ndʋ́ pɛtɛzɩ kʋʋ pa-taabalaa nɛ mbá pa nɛ wɛ palakɩ tʋmɩyɛ, nɛ pɩɩwɛɛ se pakʋ-wɛ ɛzɩ ḿbá yɔ.