Wɩlʋʋ 3:21 - New Testament

²¹ ‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.

Wɩlʋʋ 3:21 ပူးပေါင်းရင်းမြစ်များ

Maatiyee 19:28

Peeɖe ecosi-wɛ se: «Toovenim lɛ, mankaɖɩɣ-mɩ se alɩwaatʋ ndʋ́ Ɛyʋ Pɩyalʋ ma mɔnkɔŋ mancaɣ men-kewiyaɣ kpelaɣ yɔɔ koboyaɣ taa yɔ, mbá mɩ ɩtɩŋaɣ ma-wayɩ yɔ, ɩkɔŋ caɣʋ awiya kpelisi hiu nɛ naalɛ yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ.

Maatiyee 25:21

Peeɖe ɛ-caa yɩɣyɩ-ɩ nɛ eheyi-i se: ‹Pʋwɛ ɖeu. Ŋkɛ tʋmlaɖʋ kɩbanʋ. Mɛncɛlɩ-ŋ mbʋ́ pʋwɛɛ ñɩɩɩ yɔ nɛ ŋɖɔkɩ-pʋ camɩyɛ nɛ ŋlabɩnɩ-pʋ mbʋ́ pʋpɔzʋʋ yɔ. Pʋ-yɔɔ lɛ, meyekini-ŋ mbʋ́ pʋɖɔwa pɩtɩɩfɛyɩ yɔ. Kɔɔ nɛ ma nɛ ŋ ɖɩwɛɛ laŋhʋlʋmɩyɛ taa.›

Maatiyee 28:18

Peeɖe Yesu woba pɔ-cɔlɔ nɛ eheyi-wɛ se: «Ɛsɔ ha-m ɖoŋ tɩŋa payɩ ɛsɔdaa nɛ tataa.

Luka 22:30

Ɩkɔŋ caɣʋ awiya kpelisi yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ. Đɔɖɔ lɛ, mɔnkɔŋ-mɩ yaʋ nɛ ma nɛ mɩ ɖɩcaɣ nɛ ɖɩtɔɔ nɛ ɖɩñɔɔ men-Kewiyaɣ taa.»

Yohanɛɛsɩ 13:32

Yee pɩtɩŋnɩ ɛ-yɔɔ nɛ Ɛsɔ hɩɖɛ sɛɛ yɔ, ɛ́lɛ́ ñeyeki nɛ pɩtɩŋnɩ ɛ-maɣmaɣ ɛ-yɔɔ nɛ ɛnʋ ñɩnɖɛ ñɛsɛɛ. Pɩkazɩ alɩwaatʋ pazɩ, ɛlakɩ ḿbʋ́.

Yohanɛɛsɩ 16:33

Meheyi-mɩ tɔm ńdʋ́ tɩtɩŋa payɩ se ɩwɛɛ laŋhɛzɩyɛ taa ma nɛ mɩ ɖɛ-kpɛndʋʋ taa. Ɩkɔŋ nɩʋ siziŋ kedeŋa yɔɔ cɩnɛ. Ɛlɛ́, ɩɖɔkɩ mɩ-tɩ kpam! Mbʋ́ pʋyɔɔ yɔ, mɛntɛm kɔ-yɔɔ ɖoŋ tɩŋa wabʋ!»

2 Timootee 2:12

Yee ɖɩɖɔkɩ ɖa-tɩ ḿbʋ́ kpam yɔ, ɖa nɛ ɩ ɖɩkɔŋnɩ tɔɔʋ kewiyaɣ ɖɔɖɔ. Yee ɖikizi-i yɔ, ɛkɔŋ-ɖʋ kizuu ɖɔɖɔ.

Wɩlʋʋ 1:6

nɛ eyele ɖɩkɛ kewiyaɣ taa ñɩma nɛ cɔjɔnaa ɛ-Caa Ɛsɔ tʋmɩyɛ taa. Ɛnʋ lɛ, ɛwɛɛ koboyaɣ taa nɛ ɛwɛɛ ɖoŋ pɩnzɩ ɛgbaŋ ɛgbaŋ! Pɩla ḿbʋ́!

Wɩlʋʋ 12:11

Pɩtɩŋnɩ Heɣa calɩm nɛ aseɣɖe nɖɩ́ ɖa-taabalaa lɩzaa yɔ pɔ-yɔɔ nɛ pawabɩ-ɩ. Đɔɖɔ lɛ, patakpaɣ pe-wezuu payaa pʋyʋ nɛ petisi se yee paa sɩm yɔ, pasɩ.

Wɩlʋʋ 17:14

Pɔkɔŋ yonaʋ Heɣa, ɛlɛ́, kawakɩ-wɛ. Mbʋ́ pʋyɔɔ yɔ, kɛkɛ kɩpaɣlaa taa Kɩpaɣlʋ nɛ awiya taa Wiyaʋ. Mbá Ɛsɔ ya-wɛ nɛ ɛlɩzɩ-wɛ nɛ pɔɖɔŋ ɛ-nʋmɔʋ taa nɛ pa nɛ kɛ pɛwɛɛ yɔ, pawakɩ-wɛ ɖɔɖɔ.»

Wɩlʋʋ 2:7

‹Weyi ɛwɛnɩ nɩŋgbaaŋ lɛ, ɛnɩɩ ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ! ‹Weyi ɛwakɩ yɔ, mahaɣ-ɩ waɖɛ se ɛtɔɔ tɩʋ ŋgʋ́ kʋwɛ Ɛsɔ kaɖaɣ taa nɛ kɩhaɣ wezuu yɔ ki-pee.› »

Wɩlʋʋ 20:4

Mana ɖɔɖɔ kewiyisi kpelisi nasɩyɩ: mbá powokaɣ pacakɩ sɩ-yɔɔ yɔ, paha-wɛ ɖoŋ se pahʋʋnɩ ɛyáa tɔm. Đɔɖɔ lɛ, mana mbá pɛsɛtɩ pa-ñʋŋ yɔ pa-ciyamnaa. Paakʋ-wɛ, mbʋ́ pʋyɔɔ yɔ, palɩzaɣ Yesu aseɣɖe nɛ posusuu Ɛsɔtɔm. Ḿbá taaluŋni kpɩnɛ yaa ɖɩ-sɩʋ kpelaɣ pɛ-tɛɛ, patala pe-kila taa yaa pe-nesi yɔɔ ɖɩ-yʋsaɣ. Pefema nɛ pa nɛ Krɩstʋ pɔtɔɔ kewiyaɣ pɩnzɩ kutoku.

Wɩlʋʋ 20:6

Mbá pefeŋ kajalaɣ fem ḿbʋ́ pɩ-taa yɔ, pɛkɛ Ɛsɔ ñɩma, pehiɣ pa-tɩ! Sɩm naalɛ ñɩmbʋ fɛyɩnɩ ɖoŋ pɔ-yɔɔ. Ɛlɛ́, pɛkɛɣ Ɛsɔ nɛ Krɩstʋ pɔ-cɔjɔnaa nɛ pa nɛ Krɩstʋ ɛnʋ, pɔtɔɔ kewiyaɣ pɩnzɩ kutoku.

Wɩlʋʋ 5:10

Ŋyeba nɛ pɛkɛ kewiyaɣ taa ñɩma. Ŋyeba nɛ pɛkɛ cɔjɔnaa ɖɛ-Ɛsɔ tʋmɩyɛ taa. Pɔkɔŋ tɔɔʋ kewiyaɣ tataa.»

Wɩlʋʋ 6:2

Peeɖe mana kpaŋnɔ kʋhʋlʋm nɔɔyʋ. Weyi ɛcaɣ-ɩ yɔ, ɛɖɔkɩ tɔʋ nɛ mana pɛcɛlɩ-ɩ wabɩyɛ hulaɣ nɛ ɛɖɛɛ ɛzɩ waɖʋ yɔ se ɛwɛɛ wabʋ yɔɔ.

Wɩlʋʋ 7:17

Mbʋ́ pʋyɔɔ yɔ, Heɣa ŋgá kɛwɛ kewiyaɣ kpelaɣ hɛkʋ taa yɔ, keɖiyiɣ-wɛ nɛ kowoni-wɛ wezuu lɩm hiɖe cɔlɔ nɛ Ɛsɔ hɛzɩ pɛ-ɛsɩtɛɣlɩm tɩŋa.»