Wɩlʋʋ 3:19 - New Testament

¹⁹ Ma lɛ, mɔhɔŋ mbá patɩŋa payɩ mɔnsɔɔlɩ-wɛ yɔ pa-nɩŋgbaaŋ nɛ mansɩɣzɩ-wɛ lɔŋ. Pʋ-yɔɔ lɛ, pakpa pa-tɩ nɛ pɛlɛɣzɩ wɛtʋ.

Wɩlʋʋ 3:19 ပူးပေါင်းရင်းမြစ်များ

Maatiyee 25:7

Peeɖe pɛlaa ḿbá pakʋyɩ patɩŋa se pɔñɔɔzʋʋ pa-kanɖʋnaa

Yohanɛɛsɩ 2:17

Peeɖe ɛ-tɔmkpɛlɩkɩyaa tɔzɩ tɔm ndʋ́ pama Ɛsɔtɔm Takayaɣ taa yɔ tɩ-yɔɔ. Ńdʋ́ lɛ se: «Hayɩ Ɛsɔ, mɔnsɔɔlɩ ña-ɖɩɣa sɔɔlʋʋ mbʋ́ yɔ, pʋkɔŋ-m kʋʋ.»

Room 12:11

Ɩla tʋmɩyɛ, fendu ɛtaakpa-mɩ. Ɩla Kɩpaɣlʋ tʋmɩyɛ nɛ mɩ-laŋa tɩŋa pilim.

1 Kɔrɛntɩ 11:32

Ɛlɛ́, Kɩpaɣlʋ hʋʋnɩ-ɖʋ nɛ ɛhɔŋ ɖa-nɩŋgbaŋʋʋ se ɛñɔɔzɩ-ɖʋ nɛ pataakɔɔ pakʋ mbá paañaŋ Krɩstʋ yɔ pɔ-tɔm nɛ pɩkpɛndɩnɩ-ɖʋ.

2 Kɔrɛntɩ 6:9

Palakɩ ɛzɩ paasɩŋ-ɖʋ yɔ, ŋgʋ́ pasɩm-ɖʋ camɩyɛ. Pakpakɩɣ-ɖʋ ɛzɩ sɩɖaa yɔ, ŋgʋ́ ɖɩwɛ wezuu ɛzɩ ɩnaɣʋ yɔ. Pɔhɔŋ ɖa-nɩŋgbaaŋ, ɛlɛ́, paakʋʋ-ɖʋ.

2 Kɔrɛntɩ 7:11

Ɛsɔ tɩŋnɩ ɛzɩma mbʋ́ mɩ-laŋa wɛɛkaa yɔ pʋ-yɔɔ, ɩɩnaɣ mbʋ́ pɩlɩ-mɩ pɩ-taa yɔ: ɩcɔnɩ ɩna ɛzɩma mbʋ́ ɩmaɣzɩɣ pɩtɩŋa pʋ-yɔɔ camɩyɛ yɔ! Ɩcɔnɩ ɩna ɛzɩma mbʋ́ ɩpɩzɩɣ ɩlʋkɩ mɩ-tɩ yɔɔ yɔ! Ɩcɔnɩ ɩna ɛzɩma mbʋ́ fɛyɛ kpaɣ-mɩ nɛ mbʋ́ pɩtɛkɛdɩ yɔ! Ɩcɔnɩ ɩna ɛzɩma mbʋ́ sɔɔndʋ kpaɣ-mɩ yɔ! Ɩcɔnɩ ɩna ɛzɩma mbʋ́ mi-liu wɛɛ se ɩtasɩ-m naʋ yɔ! Ɩcɔnɩ ɩna ɛzɩma mbʋ́ pɩlakɩ-mɩ hʋnʋm yɔ! Ɩcɔnɩ ɩna ɛzɩma mbʋ́ ɩhɔm kɩwɛɛkɩm laɖʋ nɩŋgbaŋʋʋ yɔ! Ɩwɩlɩ pɩtɩŋa pɩ-taa se ɩtɛwɛɛkɩ pʋyʋ tɔm ńdʋ́ tɩ-taa.

Galaatɩ 4:18

Toovenim lɛ, pɩwɛ ɖeu se ɛyáa ɛsɩyɛ ɛsɛɛnɩ camɩyɛ lakasɩ tam. Pɩtaakɛ alɩwaatʋ ndʋ́ mɛwɛ mɩ-hɛkʋ taa yɔ, ti-ɖeke.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Yakubu 1:12

Weyi ɛɖɔkʋʋ ɛ-tɩ takʋʋ taa yɔ, ehiɣ ɛ-tɩ! Mbʋ́ pʋyɔɔ yɔ, ɛtɛŋ wɩlʋʋ ɛ-tɩ ɖɔkʋʋ lɛ, Ɛsɔ cɛlɩ-ɩ ɛ-kɩhɛyʋʋ: ŋ́gʋ́ lɛ wezuu maatɛŋ. Ŋ́gʋ́ ɛɖʋwa se ɛhɛyɩɣ mbá pɔsɔɔlɩ-ɩ yɔ.

Wɩlʋʋ 2:5

Pʋ-yɔɔ lɛ, pɔtɔzɩ ɖenɖe pucoɖi-wɛ yɔ, pɛlɛɣzɩ wɛtʋ nɛ pala mbʋ́ palakaɣ kajalaɣ taa yɔ. Pɩtɛkɛ ḿbʋ́, mɔnkɔŋ pɔ-cɔlɔ nɛ mɛlɛɣ pa-kanɖʋ.