Wɩlʋʋ 3:18 - New Testament

¹⁸ Pʋ-yɔɔ mantasɩɣ-wɛ tɔm se pɔkɔɔ mɔn-cɔlɔ nɛ paya sika ŋgá pɔhɔbɩ-kɛ miŋ nɛ kañɩlɩsɩɣ camɩyɛ yɔ nɛ papɩsɩ ñɩm tɩnaa. Pɔkɔɔ paya wondu kʋhʋlʋmʋtʋ nɛ posuu nɛ pataawɛɛ tombolo nɛ pana pɛ-fɛyɛ. Pɔkɔɔ paya ɖɔɖɔ kɔyɛ nɛ pelizi pɛ-ɛsɛ taa nɛ papɩzɩ pana.

Wɩlʋʋ 3:18 ပူးပေါင်းရင်းမြစ်များ

Maatiyee 13:44

Yesu tasɩ tuuu ɛ-tɔmkpɛlɩkɩyaa eduuye se: «Ɩɩnaɣ mbʋ́ Ɛsɔ Kewiyaɣ nɩɣzɩnaa yɔ: abalʋ nɔɔyʋ kepimni ñɩm sɔsɔm hayɩm taa ɖooo lɔŋ. Nakʋyʋ wiye lɛ, lɛlʋ lɩɩ pʋ-yɔɔ nɛ ɛ́lɛ́ ɖaɣnɩ-pʋ pim. Peeɖe ɛ-taa hʋlʋmaa nɛ ewolo ɛpɛdɩ ɛ-ñɩm tɩŋa payɩ nɛ ewolo ɛya hayɩm ḿbʋ́.»

Maatiyee 25:9

Paba ñocosi-wɛ se: ‹Aayɩ! Đa-kaɖɩsɩm makɩnɩ-ɖʋ, pɩɩkazɩɣ se ɖɩha-mɩ. Iwolo pɛdɩyaa cɔlɔ nɛ ɩcɛ.›

Luka 12:21

Peeɖe Yesu tasɩ yɔɔdʋʋ se: «Ḿbʋ́ ɖɔɖɔ pʋwɛnɩ weyi ɛcazɩɣ kedeŋa yɔɔ cɩnɛ ñɩm nɛ ɛsɩɣ ɛ-tɩ yɔ. Ɛtɛkɛ ñɩm tʋ Ɛsɔ ɛsɩndaa.»

2 Kɔrɛntɩ 5:3

Mbʋ́ pʋyɔɔ yɔ, yee ɖɩsʋ ka-taa yɔ, ɖɩɩwɛɣ tombolo.

2 Kɔrɛntɩ 8:9

Mbʋ́ pʋyɔɔ yɔ, ɩsɩm lootiye nɖɩ́ Kɩpaɣlʋ Yesu Krɩstʋ labɩ-ɖʋ yɔ. Ɛnʋ weyi ɛɛkɛ ñɩm tʋ yɔ, ɛpɩsɩ ɛ-tɩ kʋñɔndʋ mɩ-yɔɔ se pɩtɩŋnɩ ɛ-kʋñɔndʋtʋ yɔɔ nɛ ɩkɛ ñɩm tɩnaa.

1 Timootee 6:18

Heyi-wɛ ɖɔɖɔ se pala tʋma kɩbana. Palabɩ-yɛ sakɩyɛ nɛ pasɩnɩ lɛlaa, pahanɩ hɔ kɩbana.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

1 Pɩyɛ 1:7

Pɩlakɩ-mɩ ḿbʋ́ se pana ɛzɩma mbʋ́ ɩwɛnɩ lidaʋ siŋŋ Ɛsɔ yɔɔ yɔ. Sika wɛʋ yɔ, kɔkɔŋ mʋʋ́ʋ. Paa ḿbʋ́ yɔ, paɖʋʋ-kɛ miŋ taa se pana se kɛkɛ kɩbaŋga naa kɛtɛkɛ. Ḿbʋ́ ɖɔɖɔ Ɛsɔ maɣzɩɣ mbá mɩ mi-lidaʋ kɩlɩ sika wazaɣ yɔ se ɛna kɩ-tɩnaɣ. Ḿbʋ́ yekina nɛ ɛsam-mɩ nɛ ɛɖʋ-mɩ hɩɖɛ kɩyakʋ ŋgʋ́ Yesu Krɩstʋ lɩzɩɣ ɛ-tɩ nɛ ɛwɩlɩ yɔ.

Wɩlʋʋ 16:15

Ɛlɛ́, Kɩpaɣlʋ tɔ se: «Ɩna, montuduu-mɩ ɛzɩ mɩ́lʋ́ yɔ. Weyi ɛcakɩnɩ ɛ-ɛsɛ nɛ ɛɖaŋ e-wondu se ɛtaaɖɔ ndaakpeɖe nɛ pana ɛ-fɛyɛ yɔ, ehiɣ ɛ-tɩ!»

Wɩlʋʋ 19:8

Paha-ɩ waɖɛ se esuu wondu ndʋ́ tɩwɛ fɛlɛ fɛlɛ nɛ tɩñɩlɩzɩɣ nɛ tɩwɛɛ cɩɖɩcɩɖɩ yɔ.» Fɛlɛ fɛlɛ wondu ńdʋ́ lɛ tʋma kɩbana wena Ɛsɔ ñɩma laba yɔ.

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!

Wɩlʋʋ 3:17

Pɔtɔŋ se pɛkɛ ñɩm tɩnaa, pehiɣ ñɩm nɛ nabʋyʋ ɛɛtɛɖɩɣ-wɛ. Ŋgʋ́, patatɩlɩ se pɛwɛ kɛtɛɖaɣ taa nɛ pɛwɛɛ pʋtɔdɩyɛ nɛ pɛkɛ kʋñɔndɩnaa nɛ payʋlʋmɩ nɛ pɛwɛɛ tombolo.

Wɩlʋʋ 4:4

Kewiyaɣ kpelisi nɩɩlɛ nɛ naanza kɔcɔ kewiyaɣ kpelaɣ ŋ́gá nɛ sɩta nɛ sɔsaa nɩɩlɛ nɛ naanza nabɛyɛ caɣ sɩ-yɔɔ. Posu wondu kʋhʋlʋmʋtʋ nɛ paba sika hulasi.

Wɩlʋʋ 7:13

Peeɖe sɔsaa taa lɛlʋ pɔzɩ-m se: «Mbá lɛ mbá posu tokonaa kʋhʋlʋmaa waa waa yɔ. Palɩnɩ le»