Wɩlʋʋ 22:7 - New Testament

⁷ Yesu tɔŋ se: «Na, pɩkazɩ pazɩ, mɔnkɔŋ! Weyi ɛɖɔŋ tɔm ndʋ́ tɩlɩnɩ Ɛsɔ cɔlɔ nɛ pama takayaɣ kanɛ ka-taa yɔ tɩ-yɔɔ yɔ, ehiɣ ɛ-tɩ!»

Wɩlʋʋ 22:7 ပူးပေါင်းရင်းမြစ်များ

Wɩlʋʋ 1:11

«Ma mbʋ́ ŋnaɣ yɔ pʋ-tɔm takayaɣ nakɛyɛ taa nɛ ŋtiyini Krɩstʋ aŋgba lʋbɛ anɛ a-taa ñɩma. Ana yɔ: Efɛɛzɩ ñɩnɖɛ nɛ Smiirnɩ ñɩnɖɛ nɛ Pɛɛrgam ñɩnɖɛ nɛ Tiyaatiiri ñɩnɖɛ nɛ Saardɩ ñɩnɖɛ nɛ Filaadɛlfii ñɩnɖɛ nɛ Laodisee ñɩnɖɛ.»

Wɩlʋʋ 1:3

Weyi ɛkalɩɣ tɔm ndʋ́ tɩlɩnɩ Ɛsɔ cɔlɔ nɛ pama-tʋ takayaɣ kanɛ ka-taa yɔ, ehiɣ ɛ-tɩ! Mbá paba ñewelesiɣ-tʋ nɛ pɔɖɔkʋʋ-tʋ yɔ, pehiɣ pa-tɩ! Mbʋ́ pʋyɔɔ yɔ, alɩwaatʋ wɩzɩ talʋʋ.

Wɩlʋʋ 16:15

Ɛlɛ́, Kɩpaɣlʋ tɔ se: «Ɩna, montuduu-mɩ ɛzɩ mɩ́lʋ́ yɔ. Weyi ɛcakɩnɩ ɛ-ɛsɛ nɛ ɛɖaŋ e-wondu se ɛtaaɖɔ ndaakpeɖe nɛ pana ɛ-fɛyɛ yɔ, ehiɣ ɛ-tɩ!»

Wɩlʋʋ 2:16

Pʋ-yɔɔ lɛ, pɛlɛɣzɩ wɛtʋ. Pɩtɛkɛ ḿbʋ́, mɔnkɔŋ pɛ-tɛ kɩyakɩŋ ɩnɛ ɩ-taa nɛ moyoni-wɛ nɛ sɩɣa ŋgá kalɩɣnɩ mɔ-nɔɔ taa yɔ.

Wɩlʋʋ 22:12

Yesu tɔŋ se: «Na! Pɩkazɩ pazɩ, mɔnkɔŋ! Mɛnkpɛndɩɣnɩ kɩhɛyʋʋ nɛ mɛhɛyɩ paa weyi mbʋ́ ɛlaba yɔ pʋ-yɔɔ.

Wɩlʋʋ 22:18

Mankaŋ paa weyi ɛnɩɣ tɔm ndʋ́ tɩlɩnɩ Ɛsɔ cɔlɔ nɛ pama-tʋ takayaɣ kanɛ ka-taa yɔ ɛ-ñʋʋ taa se: yee nɔɔyʋ ɛsɔzɩ tɩ-yɔɔ yɔ, Ɛsɔ sɔzʋʋ mbʋ́ pɩtɛŋnɩ pʋdʋ yɔ pʋ-yɔɔ kʋñɔmɩŋ weyi pama ɩ-tɔm takayaɣ kanɛ ka-taa yɔ.

Wɩlʋʋ 22:19

Đɔɖɔ lɛ, yee nɔɔyʋ ɛpasɩ tɔm ndʋ́ tɩlɩnɩ Ɛsɔ cɔlɔ nɛ pama-tʋ takayaɣ kanɛ ka-taa yɔ tɩ-yɔɔ yɔ, Ɛsɔ pasɩɣ tɩʋ ŋgʋ́ kɩhaɣ wezuu yɔ kʋ-hɔɔlʋʋ ŋgʋ́ kɩkɛ pʋdʋ ñɩŋgʋ yɔ nɛ ɛ-tɛtʋ hɔɔlʋʋ ŋgʋ́ kɩkɛ pʋdʋ ñɩŋgʋ yɔ pɔ-yɔɔ. Tɩʋ ŋ́gʋ́ nɛ tɛtʋ ńdʋ́ pɔ-tɔm pama takayaɣ kanɛ ka-taa.

Wɩlʋʋ 22:20

Yesu weyi ɛtɔm se tɔm tʋnɛ tɩkɛ toovenim yɔ, ɛtɔm se: «Ɛɛ, pɩkazɩ pazɩ, mɔnkɔŋ.» Pɩla ḿbʋ́! Kɩpaɣlʋ Yesu, kɔɔ!

Wɩlʋʋ 22:21

Kɩpaɣlʋ Yesu ɛla mɩtɩŋa payɩ lootiye!

Wɩlʋʋ 3:11

Pɩkazɩ pazɩ, mɔnkɔŋ. Pɔɖɔkɩ mbʋ́ pɛwɛna yɔ kpam nɛ nɔɔyʋ ɛtaakɔɔ ɛlɛɣ pa-wabɩyɛ hulaɣ.

Wɩlʋʋ 3:3

Pʋ-yɔɔ lɛ, pɔtɔzɩ tɔm ndʋ́ peheyi-wɛ yɔ nɛ ɛzɩma mbʋ́ petisi-tʋ yɔ pɔ-yɔɔ. Pɔɖɔkɩ-tʋ nɛ pɛlɛɣzɩ wɛtʋ. Yee patacaɣ pɛ-ɛsɛ yɔɔ yɔ, mɔnkɔŋ ɛzɩ mɩ́lʋ́ yɔ nɛ montudi-wɛ, paasɩŋ alɩwaatʋ ndʋ́ tɩ-yɔɔ mɔnkɔŋ yɔ.