Wɩlʋʋ 22:6 - New Testament

⁶ Pʋwayɩ lɛ, Ɛsɔ tiyiyu ɛnʋ, eheyi-m se: «Tɔm tʋnɛ, tɩkɛ toovenim, tɩlakɩ ḿbʋ́. Kɩpaɣlʋ Ɛsɔ weyi ɛwɩlɩɣ náyaa ɛ-lɩmaɣza yɔ, etiyi e-tiyiyu se ɛwɩlɩ ɛ-tʋmlaɖaa mbʋ́ pʋwɛɛ se pala alɩwaatʋ pazɩ taa yɔ.»

Wɩlʋʋ 22:6 ပူးပေါင်းရင်းမြစ်များ

Maatiyee 13:41

Ɛyʋ Pɩyalʋ ma, mɔnkɔŋ tiyuu men-tiyiyaa men-Kewiyaɣ taa nɛ palɩzɩ mbá patɩŋa payɩ peyeki nɛ lɛlaa lakɩ kɩwɛɛkɩm yɔ nɛ ɛzaɣ́tʋ laɖaa.

Luka 1:70

Pʋwɛ ɛzɩ eeheyuu ɛ-náyaa ɖooo lɔŋ se peheyi-ɖʋ se

Luka 16:16

Paawɩlɩ Mooyiizi paɣtʋ nɛ náyaa takayɩsɩ taa tɔm nɛ pʋkɔɔ pɩtalɩ Lɩm Sɔʋ Sɔnzɩ Laɖʋ Yohanɛɛsɩ alɩwaatʋ. Đooo alɩwaatʋ ńdʋ́ʋ́ papazɩ Ɛsɔ Kewiyaɣ Laŋhɛzɩyɛ Tɔm susuu nɛ paa weyi ɛlʋkɩ se ɛsʋʋ ka-taa.

Tʋma Labʋ 12:11

Peeɖe ɛhʋ ɛ-taa pɩŋŋ nɛ ɛtɔ se: «Lɛɛlɛɛyɔ, manawa se toovenim Ɛsɔ tiyini e-tiyiyu nɛ ɛkɔɔ ɛlɩzɩ-m Eroodi nesi taa nɛ mbʋ́ pɩtɩŋa Yuda ñɩma caɣaɣnɩ-m yɔ pɩ-taa.»

Tʋma Labʋ 3:18

Tɔm ndʋ́ Ɛsɔ keheyi náyaa tɩŋa ɖooo lɔŋ yɔ, ńdʋ́ labɩnɩ ɛzʋnɔ yɔ. Ńdʋ́ lɛ se pʋwɛɛ se Weyi Ɛsɔ Lɩzaa Yɔ ɛtɔɔ kʋñɔŋ.

Room 1:2

Ɛsɔ katɩŋnɩ náyaa yɔɔ ɛ-Tɔm Takayaɣ taa ɖooo lɔŋ nɛ ɛɖʋ nɛ pama se ɛcɛlɩɣ-ɖʋ Laŋhɛzɩyɛ Tɔm ńdʋ́.

1 Kɔrɛntɩ 14:32

Náyaa wɛnɩ ɖoŋ kʋjɔʋ ŋgʋ́ Ɛsɔ labɩ-wɛ yɔ kʋ-yɔɔ.

1 Kɔrɛntɩ 7:29

Taabalaa, ɩɩnaɣ ndʋ́ meheyiɣ-mɩ yɔ: alɩwaatʋ kazɩ pazɩ yem. Pʋ-yɔɔ lɛ, pɩkpaɣʋnɩ lɛɛlɛɛyɔ nɛ pɩɖɛɣ yɔ, pʋwɛɛ se mbá pakpaɣ halaa yɔ, pacaɣ wezuu ɛzɩ aɖamɛɛ yɔ.

2 Tesalooniki 1:7

Piyele mbá mɩ ɩtɔkɩ kʋñɔŋ lɛɛlɛɛyɔ yɔ, ɖa nɛ mɩ ɖɩkɔŋ hɛzʋʋ alɩwaatʋ ndʋ́ Kɩpaɣlʋ Yesu nɛ e-tiyiyaa ɖoŋ ñɩma palɩzɩɣ pa-tɩ ɛsɔdaa nɛ pana-wɛ

Ebree 12:9

Đɩtɔzɩ kedeŋa yɔɔ cɩnɛ ɖa-caanaa yɔɔ: pɔhɔŋaɣ ɖa-nɩŋgbaaŋ nɛ ɖɩñaŋ-wɛ. Yee ḿbʋ́ lɛ, ɛzɩma ɖɩɩpɩzɩɣ ɖitisi ɖa-tɩ ɖa-Caa weyi ɛwɛ ɛsɔdaa yɔ ɛ-tɛɛ nɛ ɖɩwɛɛ wezuu yɔ?

2 Pɩyɛ 1:21

Mbʋ́ pʋyɔɔ yɔ, pɩtɛkɛ mbá posusuu-tʋ yɔ pamaɣzɩna yem nɛ pɔyɔɔdɩ-tʋ. Ɛlɛ́, Fezuu Kiɖeɖeu sazɩnɩ-wɛ nɛ pɔyɔɔdɩ-tʋ.

2 Pɩyɛ 3:2

Me-liu wɛɛ se ɩtɔzɩ tɔm ndʋ́ náyaa kiɖeɖema yɔɔdɩ ɖooo lɔŋ yɔ tɩ-yɔɔ. Ɩtɔzɩ ɖɔɖɔ paɣtʋ ndʋ́ Kɩpaɣlʋ weyi ɛkɛ ɖa-ñʋʋ yaɖʋ yɔ, ɛtɩŋnɩ e-tiyiyaa yɔɔ nɛ eheyi-mɩ se ɩla yɔ tɩ-yɔɔ.

Wɩlʋʋ 1:1

Mbʋ́ mbʋ́ Yesu Krɩstʋ wɩlaa yɔ, pʋ-tɔm pama takayaɣ kanɛ ka-taa. Ɛsɔ wɩlɩnɩ-ɩ-pʋ se ɛwɩlɩ ɛ-tʋmlaɖaa nɛ pana mbʋ́ pʋkɔŋ labʋ alɩwaatʋ pazɩ taa yɔ nɛ ɛtɩŋnɩ e-tiyiyu yɔɔ nɛ ɛwɩlɩ-pʋ ɛ-tʋmlaɖʋ Yohanɛɛsɩ.

Wɩlʋʋ 18:20

Mbá mɩ ɩwɛ ɛsɔdaa yɔ, mɩ-taa ɛhʋlʋmɩ! Pɔyɔkɩ tɛtʋ ńdʋ́! Mɩ Ɛsɔ ñɩma nɛ Yesu tiyiyaa nɛ náyaa mɩ-taa ɛhʋlʋmɩnɩ tɩ-yɔkʋʋ! Mbʋ́ pʋyɔɔ yɔ, Ɛsɔ hʋnɩ-tʋ tɔm kɩdɛkɛdɩm mbʋ́ tɩlabɩ-mɩ yɔ tɩ-yɔɔ.

Wɩlʋʋ 19:9

Ɛlɛ́, Ɛsɔ tiyiyu heyi-m se: «Ma se: mbá paya-wɛ Heɣa halɩkpaɣyɛ kazandʋ tɔɔnaɣ ɖeɖe yɔ, pehiɣ pa-tɩ!» Ɛtasɩ-m heyuu se: «Tɔm ńdʋ́, tɩkɛ Ɛsɔtɔm maɣmaɣ siŋŋ.»

Wɩlʋʋ 21:5

Peeɖe weyi ɛɛcaɣ kewiyaɣ kpelaɣ yɔɔ yɔ, ɛtɔm se: «Na! Malakɩ wondu tɩŋa payɩ nɛ tɩpɩsɩ kɩfatʋ. Ma tɔm ńdʋ́, mbʋ́ pʋyɔɔ yɔ, tɩkɛ toovenim, tɩlakɩ ḿbʋ́.»

Wɩlʋʋ 21:9

Pʋwayɩ lɛ, Ɛsɔ tiyiyaa lʋbɛ mbá paaɖɔkɩ kɛtɛzaɣ kʋñɔmɩŋ lʋbɛ caɖasɩ lʋbɛ taa ɖo yɔ, pa-taa lɛlʋ kɔɔ ɛya-m se: «Kɔɔ mawɩlɩ-ŋ halɩmvalʋ, ɛnʋ lɛ Heɣa halʋ.»

Wɩlʋʋ 22:1

Ɛsɔ tiyiyu ɛnʋ, ɛwɩlɩ-m ɖɔɖɔ pɔɔ ŋgá ka-taa lɩm haɣ wezuu yɔ. Lɩm ḿbʋ́, pʋwɛ kele kele ɛzɩ ñɩnʋʋ yɔ. Pɩlɩɣaɣnɩ Ɛsɔ nɛ Heɣa pe-kewiyaɣ kpelaɣ tɛɛ.

Wɩlʋʋ 22:16

Ma Yesu lɛ, meheyi men-tiyiyu se ewolo ma-aŋgba taa nɛ ɛlɩzɩ-mɩ aseɣɖe ɖɩnɛ. Mɛnkɛ Daaviidi liɖe taa tʋ, ma lɛ tɩmbalʋʋ ŋgʋ́ kɩñɩlɩsɩɣ yɔ.»

Wɩlʋʋ 22:7

Yesu tɔŋ se: «Na, pɩkazɩ pazɩ, mɔnkɔŋ! Weyi ɛɖɔŋ tɔm ndʋ́ tɩlɩnɩ Ɛsɔ cɔlɔ nɛ pama takayaɣ kanɛ ka-taa yɔ tɩ-yɔɔ yɔ, ehiɣ ɛ-tɩ!»

Wɩlʋʋ 4:1

Pʋwayɩ lɛ, mɔncɔna nɛ manaɣ nɔnɔɔ nakɛyɛ ɛsɔdaa, katʋlaa nɛ manɩɣ pʋyɔɔdʋʋnɩ-m ɛzɩ pɩcalʋʋ-m yɔɔdɩnaʋ ɛzɩ pahʋlʋʋ ɛgandɩyɛ yɔ se: «Kpa cɩnɛ nɛ mawɩlɩ-ŋ mbʋ́ pʋkɔŋ labʋ pʋnɛ pʋ-wayɩ yɔ.»