Wɩlʋʋ 22:2 - New Testament

² Pɔɔ ŋ́gá, kekpeŋaɣ tɛtʋ taa samaɣ ɖikpeɣliye hɛkʋ taa. Tɩŋ weyi ɩhaɣ wezuu yɔ, ɩɩwɛ ke-kidiilimiŋ yɔɔ nɛ ɩlʋlʋʋ pee tam hiu nɛ naalɛ pɩnaɣ taa. Ɩlʋlʋʋ tam kʋɖʋm fenaɣ taa. Pakpakɩɣ ɩ-hatʋ nɛ pawazɩɣnɩ ajɛya taa ɛyáa pa-kʋdɔmɩŋ.

Wɩlʋʋ 22:2 ပူးပေါင်းရင်းမြစ်များ

Luka 4:18

«Kɩpaɣlʋ lɩzɩ-m nɛ ɛha-m e-Fezuu Kiɖeɖeu. Toovenim, ɛlɩzɩ-m nɛ etiyi-m se monsusi kʋñɔndɩnaa Laŋhɛzɩyɛ Tɔm. Etiyi-m se meheyi salaka tɩnaa se pɛwɛ pa-tɩ yɔɔ! Meheyi ɖɔɖɔ yʋlʋmaa se pɔkɔŋ pɛ-ɛsɛ kuluu! Etiyi-m se moholi ajamaa mbá panazɩɣ-wɛ yɔ.

1 Pɩyɛ 2:24

Pakam-ɩ kaamaŋkaɣ yɔɔ lɛ, ɛmʋ ɖa-kɩwɛɛkɩm nɛ pʋwɛɛ ɛ-yɔɔ. Ɛlabɩ ḿbʋ́ se ɖɩsɩ ɖa-kɩwɛɛkɩm labʋ taa nɛ ɖɩwɛɛ wezuu nɛ ɖɩla mbʋ́ pʋtʋʋzaa yɔ. Ɛ-kɩcɩkpɩŋ yɔɔ pɩtɩŋnaa nɛ mɩ-yɔɔ cɛ.

Wɩlʋʋ 2:7

‹Weyi ɛwɛnɩ nɩŋgbaaŋ lɛ, ɛnɩɩ ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ! ‹Weyi ɛwakɩ yɔ, mahaɣ-ɩ waɖɛ se ɛtɔɔ tɩʋ ŋgʋ́ kʋwɛ Ɛsɔ kaɖaɣ taa nɛ kɩhaɣ wezuu yɔ ki-pee.› »

Wɩlʋʋ 21:21

Piyele nɔnɔsɩ hiu nɛ naalɛ ńzɩ́ lɛ lɩtʋ hiu nɛ naalɛ. Paa ŋgá lɛ, palabɩ-kɛ nɛ lɩyʋʋ kʋɖʋmʋʋ koŋ. Pɔpɔ tɛtʋ ńdʋ́ tɩ-taa samaɣ ɖikpeɣliye sika siŋŋ nɛ pɩñɩlɩzɩɣ ɛzɩ ñɩnʋʋ yɔ.

Wɩlʋʋ 21:24

Ajɛya taa ñɩma kɔŋ ɖɔm tɩ-ñalɩmɩyɛ taa nɛ kedeŋa yɔɔ awiya ñowoni pa-ñɩm tɩ-taa.

Wɩlʋʋ 22:1

Ɛsɔ tiyiyu ɛnʋ, ɛwɩlɩ-m ɖɔɖɔ pɔɔ ŋgá ka-taa lɩm haɣ wezuu yɔ. Lɩm ḿbʋ́, pʋwɛ kele kele ɛzɩ ñɩnʋʋ yɔ. Pɩlɩɣaɣnɩ Ɛsɔ nɛ Heɣa pe-kewiyaɣ kpelaɣ tɛɛ.

Wɩlʋʋ 22:14

Mbá pɔcɔtʋʋ po-tokonaa se pɩha-wɛ waɖɛ nɛ pɔtɔɔ tɩʋ ŋgʋ́ kɩhaɣ wezuu yɔ ki-pee nɛ patɩŋnɩ nɔnɔsɩ nɛ pasʋʋ tɛtʋ taa yɔ, pehiɣ pa-tɩ!

Wɩlʋʋ 22:19

Đɔɖɔ lɛ, yee nɔɔyʋ ɛpasɩ tɔm ndʋ́ tɩlɩnɩ Ɛsɔ cɔlɔ nɛ pama-tʋ takayaɣ kanɛ ka-taa yɔ tɩ-yɔɔ yɔ, Ɛsɔ pasɩɣ tɩʋ ŋgʋ́ kɩhaɣ wezuu yɔ kʋ-hɔɔlʋʋ ŋgʋ́ kɩkɛ pʋdʋ ñɩŋgʋ yɔ nɛ ɛ-tɛtʋ hɔɔlʋʋ ŋgʋ́ kɩkɛ pʋdʋ ñɩŋgʋ yɔ pɔ-yɔɔ. Tɩʋ ŋ́gʋ́ nɛ tɛtʋ ńdʋ́ pɔ-tɔm pama takayaɣ kanɛ ka-taa.