Wɩlʋʋ 22:10 - New Testament

¹⁰ Ɛlɛ́, ɛtasɩ-m heyuu se: «Taamɛsɩ tɔm ndʋ́ tɩlɩnɩ Ɛsɔ cɔlɔ nɛ pama takayaɣ kanɛ ka-taa yɔ ña-taa. Mbʋ́ pʋyɔɔ yɔ, alɩwaatʋ ndʋ́ tɔm ńdʋ́ tɩlakɩ yɔ, tɩwɩzɩ talʋʋ.

Wɩlʋʋ 22:10 ပူးပေါင်းရင်းမြစ်များ

Maatiyee 10:27

Tɔm ndʋ́ meheyiɣ-mɩ mɛsaɣ tɛɛ yɔ, isusi-tʋ ɛyáa tɩŋa nɛ ndʋ́ mɛwɛɛtɩɣ-mɩ yɔ, isusi tʋtʋ paa le nɛ paa weyi ɛnɩɩ.

Room 13:11

Ɩla ḿbʋ́, mbʋ́ pʋyɔɔ yɔ, ɩnawa se alɩwaatʋ ndʋ́ Ɛsɔ yakɩ ɖa-ñʋʋ yɔ, tɩtalaa se ifemni mi-ɖom yɔɔ. Mbʋ́ pʋyɔɔ yɔ, ɖa-ñʋʋ yabʋ ñɔtɩnɩ-ɖʋ nɛ pɩkɩlɩ ɛzɩ alɩwaatʋ ndʋ́ ɖɩɩcalɩ wɛnaʋ lidaʋ Yesu yɔɔ yɔ.

Room 13:12

Đoo ɖɛwa nɛ tɛʋ caɣ fem. Pʋ-yɔɔ lɛ, ɖɩhɔzɩ mbʋ́ ɖɩlakaɣ cɩkpɛndʋʋ taa yɔ nɛ ɖɩlɔ nɛ pɩsɛɣ ɖɩkpaɣ hɔzɩŋ weyi ɖɩɩlabɩnɩ you wɩsɩ taa yɔ.

2 Tesalooniki 2:3

Ɩtaayele nɛ nɔɔyʋ yili-mɩ natʋyʋ taa kaʋ. Mbʋ́ pʋyɔɔ yɔ, pʋcɔ kɩyakʋ ŋ́gʋ́ kɩtalɩ lɛ, ɛyáa haɣ Ɛsɔ siɣ́ye nɛ Kañadʋ weyi ɛkɔŋ tɛmnaʋ asayʋʋ yɔ, ɛlɩzɩ ɛ-tɩ nɛ pana-ɩ.

1 Pɩyɛ 4:7

Pɩtɩŋa payɩ pɩwɩzɩ tɛm. Pʋ-yɔɔ lɛ, ɩɖɔkɩ mɩ-tɩ nɛ ɩcaɣnɩ mɩ-ɛsɛ nɛ ɩpɩzɩ ɩsɛɛ Ɛsɔ.

Wɩlʋʋ 1:11

«Ma mbʋ́ ŋnaɣ yɔ pʋ-tɔm takayaɣ nakɛyɛ taa nɛ ŋtiyini Krɩstʋ aŋgba lʋbɛ anɛ a-taa ñɩma. Ana yɔ: Efɛɛzɩ ñɩnɖɛ nɛ Smiirnɩ ñɩnɖɛ nɛ Pɛɛrgam ñɩnɖɛ nɛ Tiyaatiiri ñɩnɖɛ nɛ Saardɩ ñɩnɖɛ nɛ Filaadɛlfii ñɩnɖɛ nɛ Laodisee ñɩnɖɛ.»

Wɩlʋʋ 1:3

Weyi ɛkalɩɣ tɔm ndʋ́ tɩlɩnɩ Ɛsɔ cɔlɔ nɛ pama-tʋ takayaɣ kanɛ ka-taa yɔ, ehiɣ ɛ-tɩ! Mbá paba ñewelesiɣ-tʋ nɛ pɔɖɔkʋʋ-tʋ yɔ, pehiɣ pa-tɩ! Mbʋ́ pʋyɔɔ yɔ, alɩwaatʋ wɩzɩ talʋʋ.

Wɩlʋʋ 10:4

Kɩnaza ḿbʋ́ lɛ, manɩɩ pɩ-taa nɛ mancaɣ se mama. Ɛlɛ́, manɩɣ pʋyɔɔdʋʋnɩ-m nɛ ɛsɔdaa se: «Mɛsɩ tɛʋ nazʋʋ lʋbɛ tɔm ńdʋ́ ña-taa, taama-tʋ.»

Wɩlʋʋ 22:16

Ma Yesu lɛ, meheyi men-tiyiyu se ewolo ma-aŋgba taa nɛ ɛlɩzɩ-mɩ aseɣɖe ɖɩnɛ. Mɛnkɛ Daaviidi liɖe taa tʋ, ma lɛ tɩmbalʋʋ ŋgʋ́ kɩñɩlɩsɩɣ yɔ.»

Wɩlʋʋ 22:18

Mankaŋ paa weyi ɛnɩɣ tɔm ndʋ́ tɩlɩnɩ Ɛsɔ cɔlɔ nɛ pama-tʋ takayaɣ kanɛ ka-taa yɔ ɛ-ñʋʋ taa se: yee nɔɔyʋ ɛsɔzɩ tɩ-yɔɔ yɔ, Ɛsɔ sɔzʋʋ mbʋ́ pɩtɛŋnɩ pʋdʋ yɔ pʋ-yɔɔ kʋñɔmɩŋ weyi pama ɩ-tɔm takayaɣ kanɛ ka-taa yɔ.

Wɩlʋʋ 22:20

Yesu weyi ɛtɔm se tɔm tʋnɛ tɩkɛ toovenim yɔ, ɛtɔm se: «Ɛɛ, pɩkazɩ pazɩ, mɔnkɔŋ.» Pɩla ḿbʋ́! Kɩpaɣlʋ Yesu, kɔɔ!

Wɩlʋʋ 22:7

Yesu tɔŋ se: «Na, pɩkazɩ pazɩ, mɔnkɔŋ! Weyi ɛɖɔŋ tɔm ndʋ́ tɩlɩnɩ Ɛsɔ cɔlɔ nɛ pama takayaɣ kanɛ ka-taa yɔ tɩ-yɔɔ yɔ, ehiɣ ɛ-tɩ!»

Wɩlʋʋ 22:9

Ɛlɛ́, eheyi-m se: «Taala ḿbʋ́! Mɛnkɛ Ɛsɔ tʋmlaɖʋ ɛzɩ ña nɛ ña-taabalaa náyaa nɛ mbá pɔɖɔŋ takayaɣ kanɛ ka-taa tɔm yɔɔ yɔ. Ɛsɔ tɛɛ pʋwɛɛ se ŋluŋ!»

Wɩlʋʋ 5:1

Mana ɖɔɖɔ weyi ɛcaɣ kewiyaɣ kpelaɣ yɔɔ yɔ e-nesi kɩbanzɩ taa takayaɣ nakɛyɛ, pama ka-taa nɛ ka-wayɩ nɛ pataaɖɩ-kɛ nɛ nesi ñɩɣʋ tam lʋbɛ taa.