Wɩlʋʋ 21:6 - New Testament

⁶ Ɛtasɩ-m heyuu se: «Pɩlabɩ ḿbʋ́! Ma lɛ Nʋmɔɖɛyʋ nɛ Ɛɖɩɣyɛ, manpazɩnɩ pɩtɩŋa payɩ, mɛntɛzɩɣnɩ-pʋ. Weyi lɔkɔtʋ ɖɔkɩ-ɩ yɔ, mahaɣ-ɩ hiɖe nɖɩ́ ɖɩ-taa lɩm haɣ wezuu yɔ ɖɩ-taa lɩm falaa.

Wɩlʋʋ 21:6 ပူးပေါင်းရင်းမြစ်များ

Yohanɛɛsɩ 4:10

Ɛlɛ́, Yesu heyi-i se: «Yee ŋŋsɩm mbʋ́ Ɛsɔ haɣ yɔ nɛ ŋtɩlɩ ɖɔɖɔ weyi ɛsʋlʋmʋʋ-ŋ lɩm yɔ yɔ, ñaasʋlʋmɩnɩ-ɩ, pʋbʋ ɛɛha-ŋ lɩm mbʋ́ pɩhaɣ wezuu yɔ.»

Yohanɛɛsɩ 4:11

Ɛlɛ́, halʋ ɛnʋ eheyi Yesu se: «Đajaa! Lɔkɔ wɛ cukaŋ pɩtɩɩfɛyɩ, ŋgʋ́ ŋfɛyɩnɩ tɔka ŋgá poluuni lɩm yɔ. Ɛzɩma ŋpɩzɩɣ ŋhiɣ lɩm mbʋ́ pɩhaɣ wezuu yɔ?

Yohanɛɛsɩ 4:14

Weyi ɛ́lɛ́ ñɔʋ lɩm mbʋ́ ma mahaɣ-ɩ yɔ, lɔkɔtʋ ɛɛtasɩɣ-ɩ ɖɔkʋʋ wiɖiyi kaʋ. Lɩm ḿbʋ́, pʋwɛɣ ɛ-taa ɛzɩ hiɖe nɖɩ́ ɖɩ-taa lɩm ɛɛtɛŋ kaʋ nɛ pɩhaɣ wezuu maatɛŋ yɔ.»

Room 3:24

Ɛlɛ́, Ɛsɔ lakɩ-wɛ lootiye nɛ ɛpɩsɩ-wɛ kʋtʋʋzaa falaa yem. Mbʋ́ pʋyɔɔ yɔ, Krɩstʋ Yesu ha ɛ-tɩ nɛ pɩya pa-ñʋʋ.

Room 8:32

Ɛnʋ weyi etohuuzi ɛ-maɣmaɣ ɛ-Pɩyalʋ yɔɔ nɛ eyele palaa-ɩ ɖatɩŋa payɩ ɖɔ-yɔɔ yɔ, ɛzɩma ɛɛhaɣ-ɖʋ mbʋ́ pɩtɩŋa payɩ pʋwɛ ɛ-cɔlɔ yɔ falaa?

1 Kɔrɛntɩ 2:12

Ŋgʋ́ ɖa lɛ, pɩtɛkɛ kedeŋa fezuu paha-ɖʋ. Ɛlɛ́, Ɛsɔ hanɩ-ɖʋ e-Fezuu Kiɖeɖeu se ɖɩpɩzɩ ɖɩtɩlɩ ɛ-ñɩm mbʋ́ paha-ɖʋ falaa yɔ.

1 Kɔrɛntɩ 3:12

Paa nɔɔyʋ ɛtɩnɩ ɖɩ-yɔɔ nɛ sika yaa ñɩɣlɩ́m yaa pɛɛ kɩñɩlɩzɛɛ yaa ɖasɩ yaa kesi yaa ñɩtʋ yɔ,

1 Kɔrɛntɩ 3:21

Pʋ-yɔɔ lɛ, nɔɔyʋ ɛtaakʋndɩ se ɛkɛ lɛlʋ ñɩnʋ. Mbʋ́ pʋyɔɔ yɔ, paa weyi ɛkɛ mɩ-ñɩnʋ:

1 Kɔrɛntɩ 3:5

Yee ḿbʋ́ anɩ lɛ Apoloosi? Ma Pɔɔlɩ, ma lɛ anɩ? Đɩkɛ Ɛsɔ tʋmlaɖaa yem. Ɖɔ-yɔɔ pɩtɩŋnaa nɛ ɩwɛnɩ lidaʋ Krɩstʋ yɔɔ. Paa ɖa-taa weyi ɛlakɩ tʋmɩyɛ nɖɩ́ Kɩpaɣlʋ ɖʋ-ɩ yɔ.

Wɩlʋʋ 1:11

«Ma mbʋ́ ŋnaɣ yɔ pʋ-tɔm takayaɣ nakɛyɛ taa nɛ ŋtiyini Krɩstʋ aŋgba lʋbɛ anɛ a-taa ñɩma. Ana yɔ: Efɛɛzɩ ñɩnɖɛ nɛ Smiirnɩ ñɩnɖɛ nɛ Pɛɛrgam ñɩnɖɛ nɛ Tiyaatiiri ñɩnɖɛ nɛ Saardɩ ñɩnɖɛ nɛ Filaadɛlfii ñɩnɖɛ nɛ Laodisee ñɩnɖɛ.»

Wɩlʋʋ 1:17

Mana-ɩ lɛ, mɔntɔlɩ ɛ-tɛɛ ɛzɩ mansɩba yɔ. Peeɖe ɛtɩnɩ e-nesi kɩbanzɩ mɔ-yɔɔ nɛ ɛtɔ se: «Sɔɔndʋ ɛtaakpa-ŋ! Ma lɛ Nʋmɔɖɛyʋ nɛ Ɛɖɩɣyɛ.

Wɩlʋʋ 1:8

Kɩpaɣlʋ Ɛsɔ Đoŋ Tɩŋa Tʋ tɔŋna se: «Ma lɛ Nʋmɔɖɛyʋ nɛ Ɛɖɩɣyɛ.» Ɛnʋ wɛna, ɛnʋ kɛwɛna, ɛnʋ kaɣnɩ kɔm.

Wɩlʋʋ 10:6

nɛ eɖuuni weyi ɛwɛ wezuu pɩnzɩ ɛgbaŋ ɛgbaŋ yɔ. Ɛnʋ labɩnɩ ɛsɔdaa nɛ mbʋ́ pɩtɩŋa pʋwɛ kɩ-taa yɔ nɛ tɛtʋ nɛ mbʋ́ pɩtɩŋa pʋwɛ tɩ-yɔɔ yɔ nɛ teŋgu nɛ mbʋ́ pɩtɩŋa pʋwɛ kɩ-taa yɔ. Eɖuwaa se: «Paatasɩɣ pʋyʋ ɖaŋʋʋ ɖɔɖɔ.

Wɩlʋʋ 16:17

Lʋbɛ tʋ ñohuti ɛ-ñɩŋga ɛsɔdaa nɛ puholuuni Ɛsɔ ɖɩɣa taa kewiyaɣ kpelaɣ cɔlɔ ɖoŋ se: «Pɩlabɩ ḿbʋ́!»

Wɩlʋʋ 22:13

Ma lɛ Nʋmɔɖɛyʋ nɛ Ɛɖɩɣyɛ, manpazɩnɩ pɩtɩŋa payɩ, mɛntɛzɩɣnɩ-pʋ. Ma ɖɔɖɔ lɛ Đɩpazɩyɛ nɛ Đɩtɛzɩyɛ.

Wɩlʋʋ 22:17

Fezuu Kiɖeɖeu nɛ Halɩmvalʋ pɔtɔŋ se: «Kɔɔ!» Weyi ɛnɩɣ yɔ, ɛtɔ ɖɔɖɔ se: «Kɔɔ!» Weyi lɔkɔtʋ ɖɔkɩ-ɩ yɔ, ɛkɔɔ: weyi e-liu wɛ wezuu lɩm yɔ, ecozi-pʋ falaa!

Wɩlʋʋ 3:14

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Laodisee Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma payaɣ se Pɩla Ḿbʋ́ nɛ mɛnkɛ aseɣɖe tʋ weyi ɛlakɩ mbʋ́ pʋpɔzʋʋ yɔ nɛ ɛtɛ ɛkɛ toovenim tʋ yɔ, weyi ma mɛnkɛ mbʋ́ pɩtɩŋa payɩ Ɛsɔ laba yɔ pi-kiɖe yɔ, mɔntɔŋna se:

Wɩlʋʋ 7:17

Mbʋ́ pʋyɔɔ yɔ, Heɣa ŋgá kɛwɛ kewiyaɣ kpelaɣ hɛkʋ taa yɔ, keɖiyiɣ-wɛ nɛ kowoni-wɛ wezuu lɩm hiɖe cɔlɔ nɛ Ɛsɔ hɛzɩ pɛ-ɛsɩtɛɣlɩm tɩŋa.»