Wɩlʋʋ 21:2 - New Testament

² Mana ɖɔɖɔ Ɛsɔ tɛtʋ: Yeruusalɛm kɩfalʋʋ, kɩlɩnɩ ɛsɔdaa Ɛsɔ cɔlɔ nɛ kitiki, kɩɩcanɩ kɩ-tɩ ɛzɩ pɛlɛ canʋʋ ɛ-tɩ se ewoki walʋʋ yɔ.

Wɩlʋʋ 21:2 ပူးပေါင်းရင်းမြစ်များ

Yohanɛɛsɩ 3:29

Ɩtɛm naʋ se weyi ɛkpaɣ halʋ yɔ, ɛnʋ lɛ halɩkpaɣyʋ. Meheyiɣ-mɩ se ma mɛwɛ ɛzɩ halɩkpaɣyʋ ɛgbaɣdʋ yɔ. Halɩkpaɣyʋ ɛgbaɣdʋ wɛɣ ɛ-cɔlɔ se ɛsɩnɩ-ɩ. Ɛ-taa hʋlʋmʋʋ siŋŋ alɩwaatʋ ndʋ́ ɛnɩɣ halɩkpaɣyʋ taŋ yɔ. Ḿbʋ́ ɖɔɖɔ man-taa tɛzɩ hʋlʋmʋʋ siŋŋ Weyi Ɛsɔ Lɩzaa Yɔ ɛ-yɔɔ.

2 Kɔrɛntɩ 11:2

Malakɩ mɩ-yɔɔ sʋsɩ ɛzɩ Ɛsɔ yɔ. Mbʋ́ pʋyɔɔ yɔ, ɩwɛ ɛzɩ pɛlɛ weyi ɛtasɩ abalʋ nɛ monsuu-i abalʋ kʋɖʋm yɔ. Abalʋ ɛnʋ lɛ Krɩstʋ.

Ebree 11:10

Abraham ɛnʋ, ɛɛɖaŋaa se ɛsʋʋ tɛtʋ ndʋ́ tɩ-taa kuduyiŋ tigila wɛ ɖoŋ yɔ. Ɛsɔ maɣzɩna nɛ ɛma-ɩ.

Ebree 11:16

Toovenim lɛ, pe-liu kɛwɛ ɛjaɖɛ nɖɩ́ ɖɩkɩlɩ ɖeu yɔ. Pʋ-tɔbʋʋ se nɖɩ́ ɖɩwɛ ɛsɔdaa yɔ. Pʋ-yɔɔ fɛyɛ ɛɛkpaɣ Ɛsɔ se payaa-ɩ se pɛ-Ɛsɔ. Đɔɖɔ lɛ, ɛñɔɔzɩ-wɛ tɛtʋ sɔsɔtʋ natʋyʋ.

Ebree 12:22

Ɛlɛ́, mɩ mɩñɔtɩnɩ Siiyɔɔ Pʋʋ nɛ Ɛsɔ wezuu tʋ tɛtʋ: ńdʋ́ lɛ ɛsɔdaa Yeruusalɛm, Ɛsɔ tiyiyaa ɛgbaŋ ɛgbaŋ wɛ tɩ-taa.

Ebree 13:14

Mbʋ́ pʋyɔɔ yɔ, ɖɩfɛyɩnɩ tataa cɩnɛ tɛtʋ ndʋ́ tɩwɛɣ tam yɔ. Ɛlɛ́, ɖɩñɩnɩɣ ndʋ́ tɩkaɣ kɔm yɔ.

Wɩlʋʋ 1:1

Mbʋ́ mbʋ́ Yesu Krɩstʋ wɩlaa yɔ, pʋ-tɔm pama takayaɣ kanɛ ka-taa. Ɛsɔ wɩlɩnɩ-ɩ-pʋ se ɛwɩlɩ ɛ-tʋmlaɖaa nɛ pana mbʋ́ pʋkɔŋ labʋ alɩwaatʋ pazɩ taa yɔ nɛ ɛtɩŋnɩ e-tiyiyu yɔɔ nɛ ɛwɩlɩ-pʋ ɛ-tʋmlaɖʋ Yohanɛɛsɩ.

Wɩlʋʋ 1:4

Ma Yohanɛɛsɩ, mɛnsɛɣnɩ Krɩstʋ aŋgba lʋbɛ wena awɛ Aazii hɔɔlʋʋ taa yɔ a-taa ñɩma: Ɛsɔ nɛ feziŋ lʋbɛ weyi ɩwɛ e-kewiyaɣ kpelaɣ ɛsɩndaa yɔ, palabɩ-mɩ lootiye nɛ pɛhɛzɩ mɩ-laŋa. Ɛnʋ wɛna, ɛnʋ kɛwɛna, ɛnʋ kaɣnɩ kɔm.

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.

Wɩlʋʋ 11:2

Ɛlɛ́, taamaɣzɩ taɣ, yebi-kɛ nɛ hɔɔlʋʋ. Mbʋ́ pʋyɔɔ yɔ, peyebini-kɛ nɛ mbá paañaŋ Ɛsɔ yɔ, ḿbá kɔŋna yaɣʋ Ɛsɔ tɛtʋ naŋgbanzɩ fenasɩ nɩɩnaza nɛ naalɛ.

Wɩlʋʋ 21:10

Ɛlɛ́, Fezuu Kiɖeɖeu tii mɔ-yɔɔ nɛ e-tiyiyu ɛnʋ ɛkpaɣ-m nɛ ɛkpazɩ-m pʋʋ sɔsɔʋ nakʋyʋ ñʋʋ taa. Peeɖe ɛwɩlɩ-m Ɛsɔ tɛtʋ, Yeruusalɛm ŋgʋ́ kɩlɩnɩ ɛsɔdaa Ɛsɔ cɔlɔ nɛ kitiki yɔ.

Wɩlʋʋ 21:9

Pʋwayɩ lɛ, Ɛsɔ tiyiyaa lʋbɛ mbá paaɖɔkɩ kɛtɛzaɣ kʋñɔmɩŋ lʋbɛ caɖasɩ lʋbɛ taa ɖo yɔ, pa-taa lɛlʋ kɔɔ ɛya-m se: «Kɔɔ mawɩlɩ-ŋ halɩmvalʋ, ɛnʋ lɛ Heɣa halʋ.»

Wɩlʋʋ 22:17

Fezuu Kiɖeɖeu nɛ Halɩmvalʋ pɔtɔŋ se: «Kɔɔ!» Weyi ɛnɩɣ yɔ, ɛtɔ ɖɔɖɔ se: «Kɔɔ!» Weyi lɔkɔtʋ ɖɔkɩ-ɩ yɔ, ɛkɔɔ: weyi e-liu wɛ wezuu lɩm yɔ, ecozi-pʋ falaa!

Wɩlʋʋ 22:19

Đɔɖɔ lɛ, yee nɔɔyʋ ɛpasɩ tɔm ndʋ́ tɩlɩnɩ Ɛsɔ cɔlɔ nɛ pama-tʋ takayaɣ kanɛ ka-taa yɔ tɩ-yɔɔ yɔ, Ɛsɔ pasɩɣ tɩʋ ŋgʋ́ kɩhaɣ wezuu yɔ kʋ-hɔɔlʋʋ ŋgʋ́ kɩkɛ pʋdʋ ñɩŋgʋ yɔ nɛ ɛ-tɛtʋ hɔɔlʋʋ ŋgʋ́ kɩkɛ pʋdʋ ñɩŋgʋ yɔ pɔ-yɔɔ. Tɩʋ ŋ́gʋ́ nɛ tɛtʋ ńdʋ́ pɔ-tɔm pama takayaɣ kanɛ ka-taa.

Wɩlʋʋ 3:12

‹Weyi ɛwakɩ yɔ, meyeki nɛ ɛkɛ mɛ-Ɛsɔ ɖɩɣa taa sisika, ɛɛtasɩɣ lɩʋ. Mamaɣ ɛ-yɔɔ mɛ-Ɛsɔ ɛnʋ ɛ-hɩɖɛ nɛ ɛ-tɛtʋ ñɩnɖɛ: ńdʋ́ʋ́ lɛ Yeruusalɛm kɩfalʋʋ ŋgʋ́ kɩlɩɣnɩ ɛsɔdaa mɛ-Ɛsɔ cɔlɔ nɛ kitiki yɔ. Mamaɣ ɛ-yɔɔ ɖɔɖɔ ma-hɩɖɛ kɩfaɖɛ.