Wɩlʋʋ 20:6 - New Testament

⁶ Mbá pefeŋ kajalaɣ fem ḿbʋ́ pɩ-taa yɔ, pɛkɛ Ɛsɔ ñɩma, pehiɣ pa-tɩ! Sɩm naalɛ ñɩmbʋ fɛyɩnɩ ɖoŋ pɔ-yɔɔ. Ɛlɛ́, pɛkɛɣ Ɛsɔ nɛ Krɩstʋ pɔ-cɔjɔnaa nɛ pa nɛ Krɩstʋ ɛnʋ, pɔtɔɔ kewiyaɣ pɩnzɩ kutoku.

Wɩlʋʋ 20:6 ပူးပေါင်းရင်းမြစ်များ

Luka 14:15

Yesu yɔɔdɩ ḿbʋ́ lɛ, mbá paawɛ peeɖe yɔ, pa-taa lɛlʋ heyi-i se: «Weyi ɛkaɣ tɔɔʋ tɔɔnaɣ Ɛsɔ Kewiyaɣ taa yɔ, ehiɣ ɛ-tɩ!»

Room 12:1

Man-taabalaa, Ɛsɔ na ɖa-pʋtɔdɩyɛ naʋ mbʋ́ yɔ pʋ-yɔɔ lɛ, meheyiɣ-mɩ se pɩlabɩ-mɩ hʋnʋm nɛ ɩkpaɣ mɩ-maɣmaɣ mɩ-tɩ pilim mi-wezuu caɣʋ taa nɛ ɩha-ɩ nɛ ɩwɛɛ ɛzɩ kpɩna wena palaɣ-ɩ yɔ. Ɩkɛ Ɛsɔ ñɩma kpaagbaa kpem nɛ mɩ-tɔm kɛdɩnɩ-ɩ. Ḿbʋ́ pʋwɛɛ kpem se iluŋ ɛ-tɛɛ.

Room 8:17

Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.

2 Timootee 2:12

Yee ɖɩɖɔkɩ ɖa-tɩ ḿbʋ́ kpam yɔ, ɖa nɛ ɩ ɖɩkɔŋnɩ tɔɔʋ kewiyaɣ ɖɔɖɔ. Yee ɖikizi-i yɔ, ɛkɔŋ-ɖʋ kizuu ɖɔɖɔ.

1 Pɩyɛ 2:5

Pʋwɛɛ se ɩwɛɛ ɛzɩ pɛɛ wena awɛ wezuu yɔ. Ana Ɛsɔ kpakɩɣ nɛ ɛtɩŋnɩ e-Fezuu Kiɖeɖeu yɔɔ nɛ ɛmanɩ ɛ-ɖɩɣa. Peeɖe ɩkɛɣ cɔjɔnaa mbá ɛlɩzɩ-wɛ nɛ patɩŋɩɣnɩ Yesu Krɩstʋ yɔɔ nɛ palaɣ-ɩ kɩlaŋ weyi paanaɣ nɛ e-liu wɛɛ-ɩ yɔ.

1 Pɩyɛ 2:9

Piyele mɩ yɔ, mɩ lɛ liɖe nɖɩ́ Ɛsɔ lɩzaa yɔ ɖɩ-taa ñɩma. Ɩkɛ wiyaʋ sɔsɔ cɔjɔnaa. Mɩ lɛ Ɛsɔ ɛjaɖɛ taa ñɩma, mɩ-ñʋʋ ɛyaba. Mɩ ɛlɩzɩ cɩkpɛndʋʋ taa nɛ ewoni ɛ-ñalɩmɩyɛ nɖɩ́ ɖɩkɩlɩ pɩtɩŋa payɩ yɔ ɖɩ-taa se isusi ɛ-tʋma sɔsɔna tɔm.

Wɩlʋʋ 1:6

nɛ eyele ɖɩkɛ kewiyaɣ taa ñɩma nɛ cɔjɔnaa ɛ-Caa Ɛsɔ tʋmɩyɛ taa. Ɛnʋ lɛ, ɛwɛɛ koboyaɣ taa nɛ ɛwɛɛ ɖoŋ pɩnzɩ ɛgbaŋ ɛgbaŋ! Pɩla ḿbʋ́!

Wɩlʋʋ 14:13

Peeɖe manɩ pʋyɔɔdʋʋnɩ-m nɛ ɛsɔdaa se: «Ma se pɩkpaɣʋnɩ lɛɛlɛɛyɔ yɔ, mbá pasɩkɩ pa nɛ Kɩpaɣlʋ pɛ-kpɛndʋʋ taa yɔ, pehiɣ pa-tɩ!» Ɛlɛ́, Fezuu Kiɖeɖeu tisi se: «Ḿbʋ́ lɛ! Piyeki nɛ pɛhɛzɩnɩ pa-tʋma: pɔkɔŋ-wɛ hɛyʋʋ a-yɔɔ.»

Wɩlʋʋ 2:11

‹Weyi ɛwɛnɩ nɩŋgbaaŋ lɛ, ɛnɩɩ ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ! ‹Weyi ɛwakɩ yɔ, sɩm naalɛ ñɩmbʋ ɛɛnaɣ ɛ-yɔɔ kaʋ.› »

Wɩlʋʋ 20:14

Pɛpɛɖɩ sɩm nɛ ɖenɖe sɩɖaa wɛɛ yɔ miŋ sɔsɔŋ taa. Miŋ sɔsɔŋ ɛnʋ lɛ: sɩm naalɛ ñɩmbʋ.

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»

Wɩlʋʋ 22:5

Đoo ɛɛtasɩɣ yuu. Paatasɩɣ tɛɖʋʋ kanɖʋ ñalɩmɩyɛ yaa wɩsɩ ñɩnɖɛ, mbʋ́ pʋyɔɔ yɔ, Kɩpaɣlʋ Ɛsɔ ñalɩmɩyɛ kɔŋ pɔ-yɔɔ ñalʋʋ. Đɔɖɔ lɛ, pɔkɔŋ tɔɔʋ kewiyaɣ pɩnzɩ ɛgbaŋ ɛgbaŋ.

Wɩlʋʋ 22:7

Yesu tɔŋ se: «Na, pɩkazɩ pazɩ, mɔnkɔŋ! Weyi ɛɖɔŋ tɔm ndʋ́ tɩlɩnɩ Ɛsɔ cɔlɔ nɛ pama takayaɣ kanɛ ka-taa yɔ tɩ-yɔɔ yɔ, ehiɣ ɛ-tɩ!»

Wɩlʋʋ 3:21

‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.

Wɩlʋʋ 5:10

Ŋyeba nɛ pɛkɛ kewiyaɣ taa ñɩma. Ŋyeba nɛ pɛkɛ cɔjɔnaa ɖɛ-Ɛsɔ tʋmɩyɛ taa. Pɔkɔŋ tɔɔʋ kewiyaɣ tataa.»