Wɩlʋʋ 20:4 - New Testament

⁴ Mana ɖɔɖɔ kewiyisi kpelisi nasɩyɩ: mbá powokaɣ pacakɩ sɩ-yɔɔ yɔ, paha-wɛ ɖoŋ se pahʋʋnɩ ɛyáa tɔm. Đɔɖɔ lɛ, mana mbá pɛsɛtɩ pa-ñʋŋ yɔ pa-ciyamnaa. Paakʋ-wɛ, mbʋ́ pʋyɔɔ yɔ, palɩzaɣ Yesu aseɣɖe nɛ posusuu Ɛsɔtɔm. Ḿbá taaluŋni kpɩnɛ yaa ɖɩ-sɩʋ kpelaɣ pɛ-tɛɛ, patala pe-kila taa yaa pe-nesi yɔɔ ɖɩ-yʋsaɣ. Pefema nɛ pa nɛ Krɩstʋ pɔtɔɔ kewiyaɣ pɩnzɩ kutoku.

Wɩlʋʋ 20:4 ပူးပေါင်းရင်းမြစ်များ

Maatiyee 19:28

Peeɖe ecosi-wɛ se: «Toovenim lɛ, mankaɖɩɣ-mɩ se alɩwaatʋ ndʋ́ Ɛyʋ Pɩyalʋ ma mɔnkɔŋ mancaɣ men-kewiyaɣ kpelaɣ yɔɔ koboyaɣ taa yɔ, mbá mɩ ɩtɩŋaɣ ma-wayɩ yɔ, ɩkɔŋ caɣʋ awiya kpelisi hiu nɛ naalɛ yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ.

Maatiyee 24:10

Pʋ-yɔɔ ɛyáa sakɩyɛ kɔŋ lesuu pe-lidaʋ nɛ palɩɩ ɖama wayɩ nɛ papaɖɩ ɖama.

Maarkɩ 6:16

Eroodi nɩ ḿbʋ́ lɛ, ɛtɔ se: «Manaɣ se Lɩm Sɔʋ Sɔnzɩ Laɖʋ Yohanɛɛsɩ weyi meyebi pɛsɛtɩ ɛ-ñʋʋ yɔ, ɛnʋ femna.»

Maarkɩ 6:27

Peeɖe etiyi ɛ-sabaabi lɛlʋ kpaagbaa se: «Wolo ŋsɛtɩ Yohanɛɛsɩ ñʋʋ nɛ ŋkɔna.» Ɛ́lɛ́ wolo salaka taa nɛ ɛsɛtɩ-kʋ

Maarkɩ 9:11

Pʋwayɩ lɛ, pɔpɔzɩ-ɩ se: «Pɩlabɩ ɛzɩma nɛ paɣtʋ wɩlɩyaa tɔŋ se pʋwɛɛ se náyʋ Elii ɛlayɩ Weyi Ɛsɔ Lɩzaa Yɔ kɔm?»

Luka 1:17

Ka-maɣmaɣ kɛwɛɣnɩ náyʋ Elii lɩmaɣza nɛ e-ɖoŋ nɛ kɛɖɛɛ Kɩpaɣlʋ ɛnʋ nɔɔ nɛ kɛkpɛndɩ caanaa nɛ pe-piya nɛ kokuli kaañamtʋ tɩnaa ɛsɛ nɛ papɩsɩ kʋtʋʋzaa nɛ kɔñɔɔzɩ ɛjaɖɛ taa ñɩma ɖeu nɛ paɖaŋ Kɩpaɣlʋ ɛnʋ kpam.»

Luka 14:14

Yee ŋlabɩ ḿbʋ́ yɔ, ŋhiɣ ña-tɩ! Mbʋ́ pʋyɔɔ yɔ, paapɩzɩɣ pɛhɛyɩ-ŋ. Ɛlɛ́, Ɛsɔ kaɣnɩ-ŋ hɛyʋʋ kɩyakʋ ŋgʋ́ efeziɣ ɛyáa kʋtʋʋzaa sɩm taa yɔ.»

Luka 22:30

Ɩkɔŋ caɣʋ awiya kpelisi yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ. Đɔɖɔ lɛ, mɔnkɔŋ-mɩ yaʋ nɛ ma nɛ mɩ ɖɩcaɣ nɛ ɖɩtɔɔ nɛ ɖɩñɔɔ men-Kewiyaɣ taa.»

Yohanɛɛsɩ 14:19

Pɩkazɩ pazɩ, mbá paañaŋ Ɛsɔ yɔ, paatasɩɣ-m naʋ. Ɛlɛ́ mɩ yɔ, ɩkɔŋ-m naʋ, mbʋ́ pʋyɔɔ yɔ, mɛwɛ wezuu nɛ mɩ ɖɔɖɔ ɩkaɣ wɛʋ wezuu.

Room 11:15

Mbʋ́ pʋyɔɔ yɔ, Ɛsɔ lɔʋ Yuda ñɩma ḿbá yɔ, ɛ nɛ ɛyáa lɛlaa peceɣaa. Yee pɩkɛ ḿbʋ́ lɛ, ɛzɩma pʋwɛɣ alɩwaatʋ ndʋ́ ɛɖaɣnɩɣ-wɛ mʋ́ʋ yɔ? Pʋwɛɣ ɛzɩ ɛyʋ sɩkʋʋ nɛ efe nɛ pʋwɛɣ yɔ.

Room 8:17

Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.

2 Timootee 2:12

Yee ɖɩɖɔkɩ ɖa-tɩ ḿbʋ́ kpam yɔ, ɖa nɛ ɩ ɖɩkɔŋnɩ tɔɔʋ kewiyaɣ ɖɔɖɔ. Yee ɖikizi-i yɔ, ɛkɔŋ-ɖʋ kizuu ɖɔɖɔ.

Wɩlʋʋ 1:2

Ɛ́lɛ́ lɩzɩnɩ mbʋ́ pɩtɩŋa payɩ ɛnawa yɔ pɩ-aseɣɖe: ɛlɩzɩ-ɖɩ Ɛsɔtɔm nɛ nɖɩ́ Yesu Krɩstʋ ñalɩzaa yɔ pɔ-yɔɔ.

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.

Wɩlʋʋ 11:11

Ɛlɛ́, kɩyakɩŋ naadozo nɛ hɔɔlʋʋ ɩnʋ ɩ-wayɩ lɛ, wezuu fezuu nakʋyʋ lɩɩnɩ Ɛsɔ cɔlɔ nɛ kɩsʋʋ sɩɖaa naalɛ ḿbá pa-taa nɛ pakʋyɩ pasɩŋ pa-naŋgbanzɩ yɔɔ nɛ sɔɔndʋ kpa mbá pɔcɔŋaɣnɩ-wɛ yɔ siŋŋ.

Wɩlʋʋ 11:15

Pɩkɛdaa lɛ, Ɛsɔ tiyiyu lʋbɛ ñɩnʋ hʋlɩ ɛgandɩyɛ nɛ puholuuni ɛsɔdaa kpaŋŋ kpaŋŋ se: «Pɛcɛlɩ kedeŋa kewiyaɣ ɖa-Kɩpaɣlʋ nɛ Weyi Ɛlɩzaa Yɔ. Ɛtɔkɩ-kɛ pɩnzɩ ɛgbaŋ ɛgbaŋ!»

Wɩlʋʋ 11:3

Meyeki nɛ ma-aseɣɖe tɩnaa naalɛ suu kʋñɔŋ wondu nɛ pɛkɛ náyaa kɩyakɩŋ kutoku nɛ nasɩlɛ nɛ nɩɩnʋwa nɛ hiu.»

Wɩlʋʋ 11:7

Pɔkɔŋ pɛtɛ pa-aseɣɖe lɩzʋʋ lɛ, kpɩnɛ nɖɩ́ ɖɩlɩɣnɩ asayʋʋ pɔʋ taa yɔ, ɖiyooni-wɛ nɛ ɖɩwabɩ-wɛ nɛ ɖɩkʋ-wɛ pasɩ.

Wɩlʋʋ 12:11

Pɩtɩŋnɩ Heɣa calɩm nɛ aseɣɖe nɖɩ́ ɖa-taabalaa lɩzaa yɔ pɔ-yɔɔ nɛ pawabɩ-ɩ. Đɔɖɔ lɛ, patakpaɣ pe-wezuu payaa pʋyʋ nɛ petisi se yee paa sɩm yɔ, pasɩ.

Wɩlʋʋ 14:11

Miŋ sɔsɔŋ ɛnʋ, ɛ-ñɔsɩ ñɛyɩɣ pɩnzɩ ɛgbaŋ ɛgbaŋ. Mbá poluŋuu kpɩnɛ nɛ ɖɩ-sɩʋ kpelaɣ pɛ-tɛɛ yɔ nɛ mbá palabɩ pɔ-yɔɔ ɖɩ-hɩɖɛ yʋsaɣ yɔ, paahɛzɩɣ wɩsɩ nɛ ɖoó.»

Wɩlʋʋ 15:2

Đɔɖɔ lɛ, mana nabʋyʋ, pʋwɛ ɛzɩ teŋgu yɔ, pɩñɩlɩzɩɣ ɛzɩ ñɩnʋʋ yɔ, pisidini miŋ. Mana ɖɔɖɔ mbá pawabɩ kpɩnɛ nɛ ɖɩ-sɩʋ kpelaɣ nɛ ɖɩ-hɩɖɛ ñʋʋ yɔ, pasɩŋ teŋgu ŋ́gʋ́ kʋ-nɔɔ. Pɔɖɔkɩ pe-nesi taa Ɛsɔ cɩmɩŋ.

Wɩlʋʋ 17:8

Kpɩnɛ nɖɩ́ ŋna ḿbʋ́ yɔ, ɖɩɩwɛɛ, ɛlɛ́, lɛɛlɛɛyɔ ɖɩfɛyɩ. Đɩkɔŋ lɩnaʋ asayʋʋ pɔʋ taa nɛ ɖiwolo tɛŋɛlʋʋ taa. Ɛlɛ́, kedeŋa yɔɔ ñɩma mbá patama pa-hɩla wezuu takayaɣ taa ɖooo ɛzɩ kedeŋa wɛʋ yɔ, panaɣ-ɖɩ lɛ, pɩɖɩɣzɩɣ-wɛ. Mbʋ́ pʋyɔɔ yɔ, ɖɩɩwɛɛ nɛ lɛɛlɛɛyɔ ɖɩfɛyɩ, ɛlɛ́, ɖɩkɔŋ ɖaɣnʋʋ lɩʋ.

Wɩlʋʋ 2:26

‹Weyi ɛwakɩ nɛ ɛ́ɖɔ́kɩ ɛ-tɩ man-tʋma taa kpam nɛ pʋkɔɔ pɩtalɩ tɩnaɣ yɔɔ yɔ, mahaɣ-ɩ ɖoŋ se ɛcɔnɩ ajɛya taa ñɩma yɔɔ ɛzɩ man-Caa haʋ-m ɖɔɖɔ yɔ. Eɖiyiɣ-wɛ nɛ ñɩ́ɣ́yʋ́ʋ ɖaʋ nɛ ɛmɩzɩ-wɛ ɛzɩ pɔyɔkʋʋ cʋʋ pɛŋ yɔ. Mɔnkɔŋ-ɩ haʋ ɖɔɖɔ tɩmbalʋʋ.

Wɩlʋʋ 20:6

Mbá pefeŋ kajalaɣ fem ḿbʋ́ pɩ-taa yɔ, pɛkɛ Ɛsɔ ñɩma, pehiɣ pa-tɩ! Sɩm naalɛ ñɩmbʋ fɛyɩnɩ ɖoŋ pɔ-yɔɔ. Ɛlɛ́, pɛkɛɣ Ɛsɔ nɛ Krɩstʋ pɔ-cɔjɔnaa nɛ pa nɛ Krɩstʋ ɛnʋ, pɔtɔɔ kewiyaɣ pɩnzɩ kutoku.

Wɩlʋʋ 22:5

Đoo ɛɛtasɩɣ yuu. Paatasɩɣ tɛɖʋʋ kanɖʋ ñalɩmɩyɛ yaa wɩsɩ ñɩnɖɛ, mbʋ́ pʋyɔɔ yɔ, Kɩpaɣlʋ Ɛsɔ ñalɩmɩyɛ kɔŋ pɔ-yɔɔ ñalʋʋ. Đɔɖɔ lɛ, pɔkɔŋ tɔɔʋ kewiyaɣ pɩnzɩ ɛgbaŋ ɛgbaŋ.

Wɩlʋʋ 3:21

‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.

Wɩlʋʋ 4:4

Kewiyaɣ kpelisi nɩɩlɛ nɛ naanza kɔcɔ kewiyaɣ kpelaɣ ŋ́gá nɛ sɩta nɛ sɔsaa nɩɩlɛ nɛ naanza nabɛyɛ caɣ sɩ-yɔɔ. Posu wondu kʋhʋlʋmʋtʋ nɛ paba sika hulasi.

Wɩlʋʋ 6:9

Pʋwayɩ lɛ, Heɣa ŋ́gá kɛkpɛzɩ nesi ñɩɣʋ kagbaanzɩ ñɩmbʋ nɛ manaɣ lone nɖɩ́ palaɣ ɖɩ-taa yɔ, ɖɩ-tɛɛ mbá paakʋ-wɛ yɔ pa-ciyamnaa. Ɛsɔtɔm nɛ aseɣɖe nɖɩ́ palɩzaa yɔ, pɔ-yɔɔ paakʋ-wɛ.

Wɩlʋʋ 7:3

«Ɩtaawɛɛkɩ tataa yaa teŋgu taa yaa tɩŋ yɔɔ nabʋyʋ nɛ pʋkɔɔ pɩsɩɩnɩ alɩwaatʋ ndʋ́ ɖɩñɩɣ nesi ɖɛ-Ɛsɔ tʋmlaɖaa kila taa yɔ.»