Wɩlʋʋ 20:12 - New Testament

¹² Mana ɖɔɖɔ sɩɖaa: ɖoŋ tɩnaa nɛ ajamaa pasɩŋ kewiyaɣ kpelaɣ ŋ́gá kɛ-ɛsɩndaa. Pukuli takayɩsɩ nasɩyɩ. Pukuli lɛɛka ɖɔɖɔ, ŋ́gá lɛ wezuu takayaɣ. Mbʋ́ sɩɖaa laba yɔ, pʋ-tɔm paama takayɩsɩ ńzɩ́ sɩ-taa, pʋ-yɔɔ pahʋʋnɩ-wɛ.

Wɩlʋʋ 20:12 ပူးပေါင်းရင်းမြစ်များ

Maatiyee 11:22

Pʋ-yɔɔ mankaɖɩɣ-mɩ se Tiiri nɛ Sidɔɔ pɛ-tɛtʋ taa ñɩma kʋñɔŋ ɛɛtalɩɣ mɩ-ñɩŋgʋ kɩyakʋ ŋgʋ́ Ɛsɔ hʋʋnɩ ɛyáa yɔ.

Maatiyee 16:27

Ɛyʋ Pɩyalʋ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ nɛ ɛhɛyɩ paa weyi mbʋ́ ɛlaba yɔ pʋ-yɔɔ.

Luka 10:20

Paa ḿbʋ́ yɔ, pɩtaalabɩ-mɩ leleŋ se aleewaa ñaŋ-mɩ. Ɛlɛ́, pɩlabɩ-mɩ leleŋ se Ɛsɔ ma mɩ-hɩla ɛ-takayaɣ taa.»

Tʋma Labʋ 24:15

Pa-maɣmaɣ liu ŋgʋ́ pataɣ yɔ, ŋ́gʋ́ mantaɣ ɖɔɖɔ. Ŋ́gʋ́ lɛ se: ɛyáa kʋtʋʋzaa nɛ kɩwɛɛkɩm laɖaa pasɩba, ɛlɛ́, Ɛsɔ kɔŋ-wɛ fezuu.

Room 2:6

Puwiye ɛhɛyɩɣ paa weyi mbʋ́ ɛlaba yɔ pʋ-yɔɔ:

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

2 Kɔrɛntɩ 5:10

Mbʋ́ pʋyɔɔ yɔ, pʋwɛɛ se ɖatɩŋa payɩ ɖiwolo Krɩstʋ ɛsɩndaa nɛ ɛhʋʋnɩ-ɖʋ tɔm nɛ ɛhɛyɩ paa weyi kɩbandʋ yaa kɩdɛkɛdɩm mbʋ́ ɛɛlaba alɩwaatʋ ndʋ́ ɛɛwɛ e-tomnaɣ taa yɔ pʋ-yɔɔ.

Filiipu 4:3

Piyele weyi ña ŋkɛ man-taabalʋ siŋŋ tʋmɩyɛ taa yɔ, mentendiɣ-ŋ ɖɔɖɔ se ŋsɩnɩ-wɛ. Mbʋ́ pʋyɔɔ yɔ, ma nɛ wɛ ɖɩlʋbɩnɩ Laŋhɛzɩyɛ Tɔm yɔɔ nɛ pɩkpɛndɩnɩ Klemaɣ nɛ taabalaa lɛlaa mbá pa-hɩla wɛ wezuu takayaɣ taa yɔ patɩŋa payɩ.

Wɩlʋʋ 11:18

Ajɛya taa ñɩma pana kakpawa, lɛɛlɛɛyɔ ña-ñɩna ñakpawa! Pɩtalaa se ŋhʋʋnɩ sɩɖaa: ŋhɛyɩɣ ña-tʋmlaɖaa, ḿbá yɔ: náyaa nɛ ña-ñɩma nɛ mbá pañaŋ-ŋ yɔ, paa paakɛ ajamaa yaa ɖoŋ tɩnaa nɛ piyele ŋkʋ mbá paba wɛɛkɩɣ kedeŋa yɔ.»

Wɩlʋʋ 13:8

Pʋ-yɔɔ kedeŋa yɔɔ ɛyáa kpeekpe kɔŋ luŋuu ɖɩ-tɛɛ. Ḿbá lɛ mbá patɩŋa payɩ patama pa-hɩla wezuu takayaɣ taa ɖooo ɛzɩ Ɛsɔ labʋ kedeŋa yɔ. Takayaɣ ŋ́gá lɛ Heɣa ŋgá palawa yɔ ka-ñɩŋga.

Wɩlʋʋ 17:8

Kpɩnɛ nɖɩ́ ŋna ḿbʋ́ yɔ, ɖɩɩwɛɛ, ɛlɛ́, lɛɛlɛɛyɔ ɖɩfɛyɩ. Đɩkɔŋ lɩnaʋ asayʋʋ pɔʋ taa nɛ ɖiwolo tɛŋɛlʋʋ taa. Ɛlɛ́, kedeŋa yɔɔ ñɩma mbá patama pa-hɩla wezuu takayaɣ taa ɖooo ɛzɩ kedeŋa wɛʋ yɔ, panaɣ-ɖɩ lɛ, pɩɖɩɣzɩɣ-wɛ. Mbʋ́ pʋyɔɔ yɔ, ɖɩɩwɛɛ nɛ lɛɛlɛɛyɔ ɖɩfɛyɩ, ɛlɛ́, ɖɩkɔŋ ɖaɣnʋʋ lɩʋ.

Wɩlʋʋ 19:5

Pɩkɛdaa lɛ, manɩɣ pʋyɔɔdʋʋnɩ kewiyaɣ kpelaɣ yɔɔ se: «Mbá mɩ mɩtɩŋa payɩ ɩkɛ ɖɛ-Ɛsɔ tʋmlaɖaa nɛ ɩsɔɔndʋʋ-ɩ yɔ, ajamaa nɛ ɖoŋ tɩnaa ɩsam-ɩ!»

Wɩlʋʋ 2:23

Mɔnkɔŋ kʋʋ halʋ ɛnʋ e-piya nɛ piyele ma-aŋgba tɩŋa taa ñɩma tɩlɩ se ma lɛ weyi ɛtazɩɣ ɛyáa lɩmaɣza nɛ mbʋ́ pʋwɛ pa-taa yɔ pa-taa. Mɔnkɔŋ hɛyʋʋ paa mɩ-taa weyi mbʋ́ ɛlaba yɔ pʋ-yɔɔ.

Wɩlʋʋ 20:11

Pʋwayɩ lɛ, mana kewiyaɣ kpelaɣ sɔsɔɔ kʋhʋlʋmaɣ nakɛyɛ nɛ weyi ɛcaɣ kɔ-yɔɔ yɔ. Ɛsɔdaa nɛ tɛtʋ pese ɛ-ɛsɩndaa, patatasɩ-wɛ naʋ.

Wɩlʋʋ 20:13

Teŋgu lɩzɩ sɩɖaa mbá paawɛ kɩ-taa yɔ nɛ sɩm nɛ ɖenɖe sɩɖaa wɛɛ yɔ, paba ñɛcɛlɩ mbá paawɛ pɔ-cɔlɔ yɔ nɛ pahʋʋnɩ paa weyi mbʋ́ ɛlaba yɔ pʋ-yɔɔ.

Wɩlʋʋ 20:15

Weyi patana ɛ-hɩɖɛ wezuu takayaɣ taa yɔ, pɛpɛɖɩ-ɩ miŋ sɔsɔŋ taa.

Wɩlʋʋ 21:27

Azuluma pʋyʋ yaa weyi ɛlakɩ kʋsɔɔtʋ yɔ yaa weyi ɛcɛtɩɣ yɔ, ɛɛkaɣ sʋʋ tɛtʋ ńdʋ́ tɩ-taa. Ɛlɛ́, mbá pama pa-hɩla wezuu takayaɣ ŋgá kɛkɛ Heɣa ñɩŋga yɔ ka-taa yɔ, pe-ɖeke koŋ pasʋʋna.

Wɩlʋʋ 22:12

Yesu tɔŋ se: «Na! Pɩkazɩ pazɩ, mɔnkɔŋ! Mɛnkpɛndɩɣnɩ kɩhɛyʋʋ nɛ mɛhɛyɩ paa weyi mbʋ́ ɛlaba yɔ pʋ-yɔɔ.

Wɩlʋʋ 3:5

‹Weyi ɛwakɩ yɔ, ɛkɔŋ suu wondu kʋhʋlʋmʋtʋ ḿbʋ́. Maahɩzɩɣ ɛ-hɩɖɛ wezuu takayaɣ taa. Mɔnkɔŋ kaɖʋʋ man-Caa nɛ e-tiyiyaa pɛ-ɛsɩndaa se pʋdʋ kɛ ma-ñɩnʋ.