Wɩlʋʋ 2:26 - New Testament

^26-28 ‹Weyi ɛwakɩ nɛ ɛ́ɖɔ́kɩ ɛ-tɩ man-tʋma taa kpam nɛ pʋkɔɔ pɩtalɩ tɩnaɣ yɔɔ yɔ, mahaɣ-ɩ ɖoŋ se ɛcɔnɩ ajɛya taa ñɩma yɔɔ ɛzɩ man-Caa haʋ-m ɖɔɖɔ yɔ. Eɖiyiɣ-wɛ nɛ ñɩ́ɣ́yʋ́ʋ ɖaʋ nɛ ɛmɩzɩ-wɛ ɛzɩ pɔyɔkʋʋ cʋʋ pɛŋ yɔ. Mɔnkɔŋ-ɩ haʋ ɖɔɖɔ tɩmbalʋʋ.

Wɩlʋʋ 2:26 ပူးပေါင်းရင်းမြစ်များ

Maatiyee 10:22

«Ɛyáa tɩŋa kɔŋ-mɩ paɖʋʋ mɔ-yɔɔ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Maatiyee 19:28

Peeɖe ecosi-wɛ se: «Toovenim lɛ, mankaɖɩɣ-mɩ se alɩwaatʋ ndʋ́ Ɛyʋ Pɩyalʋ ma mɔnkɔŋ mancaɣ men-kewiyaɣ kpelaɣ yɔɔ koboyaɣ taa yɔ, mbá mɩ ɩtɩŋaɣ ma-wayɩ yɔ, ɩkɔŋ caɣʋ awiya kpelisi hiu nɛ naalɛ yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ.

Maatiyee 24:13

Ɛlɛ́, weyi ɛɖɔkʋʋ ɛ-tɩ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Yohanɛɛsɩ 6:29

Ecosi-wɛ se: «Tʋmɩyɛ nɖɩ́ Ɛsɔ liu wɛɛ se ɩla yɔ lɛ se ɩwɛnɩ lidaʋ weyi ma etiyaa yɔ mɔ-yɔɔ.»

Room 2:7

ɛhaɣ mbá pañakɩ pana se pala camɩyɛ yɔ wezuu maatɛŋ. Palakɩ ḿbʋ́ se ɛha-wɛ e-koboyaɣ nɛ ɛɖʋ-wɛ hɩɖɛ nɛ ɛha-wɛ mbʋ́ pɩɩɖazɩɣ yɔ.

Room 8:37

Ɛlɛ́, pɩtɩŋa payɩ pɩ-taa lɛ, pɩtɩŋnɩ weyi ɛsɔɔlɩ-ɖʋ yɔ ɛ-yɔɔ nɛ ɖɩwa kpaagbaa kpem.

1 Tesalooniki 3:5

Me-liu wɛ ḿbʋ́ kpem nɛ pɩɩsaŋ lɛ, mɛntɛzɩ tiyuu Timootee se ɛkɔɔ nɛ mana se ɩwɛnɩ lidaʋ mbʋ́? Mbʋ́ pʋyɔɔ yɔ, sɔɔndʋ kpaɣaɣ-m se takɩyʋ ɛtaakɔɔ ɛtakɩ-mɩ nɛ tʋmɩyɛ nɖɩ́ ɖɩlaba yɔ, ɖɩpɩsɩ falaa ñɩnɖɛ.

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Yakubu 2:20

Kɩmɛlɛŋ ña! Ɛyʋ ɛwɛnɩ lidaʋ Ɛsɔ yɔɔ nɛ ɛɛwɩlɩɣ-kʋ nɛ ɛ-lakasɩ kɩbanzɩ yɔ, pɩɩwazɩɣ pʋyʋ. Ŋcaɣ mawɩlɩ-ŋ nɛ ŋna yaa we?

1 Yohanɛɛsɩ 2:19

Pɩtɛ ɛyáa ḿbá, ɖɛ-hɛkʋ taa palɩnaa, ɛlɛ́, pataakɛ ɖa-ñɩma siŋŋ. Toovenim lɛ, yee paakɛ ɖa-ñɩma yɔ, paawɛ ɖɛ-hɛkʋ taa. Pɩlabɩ ḿbʋ́ se ɛyáa ɛna se patɩŋa pataakɛ ɖa-ñɩma siŋŋ.

1 Yohanɛɛsɩ 3:23

Ɛ-paɣtʋ ńdʋ́ lɛ se: ɖɩwɛnɩ lidaʋ ɛ-Pɩyalʋ Yesu Krɩstʋ yɔɔ nɛ ɖɩsɔɔlɩ ɖama ɛzɩ ɛ́lɛ́ ɖʋʋ-ɖʋ se ɖɩla yɔ.

1 Yohanɛɛsɩ 5:5

Weyi ɛwɛnɩ lidaʋ se Yesu lɛ Ɛsɔ Pɩyalʋ yɔ, e-ɖeke koŋ ɛpɩzɩɣnɩ ɛwabɩ-ɩ.

Wɩlʋʋ 2:11

‹Weyi ɛwɛnɩ nɩŋgbaaŋ lɛ, ɛnɩɩ ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ! ‹Weyi ɛwakɩ yɔ, sɩm naalɛ ñɩmbʋ ɛɛnaɣ ɛ-yɔɔ kaʋ.› »

Wɩlʋʋ 2:17

‹Weyi ɛwɛnɩ nɩŋgbaaŋ lɛ, ɛnɩɩ tɔm ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ! ‹Weyi ɛwakɩ yɔ, mahaɣ-ɩ tɔɔnaɣ ŋgá kalɩɣnɩ ɛsɔdaa nɛ payaɣ-kɛ se maanɩ yɔ. Mahaɣ-ɩ ɖɔɖɔ pɩyɛ kʋhʋlʋmɩyɛ. Pama ɖɩ-yɔɔ hɩɖɛ kɩfaɖɛ, nɔɔyʋ tasɩm-ɖɩ nɛ pɩtasɩnɩ weyi pɛcɛlɩɣ-ɩ-ɖɩ yɔ.› »

Wɩlʋʋ 2:7

‹Weyi ɛwɛnɩ nɩŋgbaaŋ lɛ, ɛnɩɩ ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ! ‹Weyi ɛwakɩ yɔ, mahaɣ-ɩ waɖɛ se ɛtɔɔ tɩʋ ŋgʋ́ kʋwɛ Ɛsɔ kaɖaɣ taa nɛ kɩhaɣ wezuu yɔ ki-pee.› »

Wɩlʋʋ 20:4

Mana ɖɔɖɔ kewiyisi kpelisi nasɩyɩ: mbá powokaɣ pacakɩ sɩ-yɔɔ yɔ, paha-wɛ ɖoŋ se pahʋʋnɩ ɛyáa tɔm. Đɔɖɔ lɛ, mana mbá pɛsɛtɩ pa-ñʋŋ yɔ pa-ciyamnaa. Paakʋ-wɛ, mbʋ́ pʋyɔɔ yɔ, palɩzaɣ Yesu aseɣɖe nɛ posusuu Ɛsɔtɔm. Ḿbá taaluŋni kpɩnɛ yaa ɖɩ-sɩʋ kpelaɣ pɛ-tɛɛ, patala pe-kila taa yaa pe-nesi yɔɔ ɖɩ-yʋsaɣ. Pefema nɛ pa nɛ Krɩstʋ pɔtɔɔ kewiyaɣ pɩnzɩ kutoku.

Wɩlʋʋ 21:7

Weyi ɛwakɩ yɔ, malakɩ-ɩ kʋjɔʋ ŋ́gʋ́. Mɛnkɛɣ ɛ-Ɛsɔ nɛ ɛkɛ man-pɩɣa.

Wɩlʋʋ 22:5

Đoo ɛɛtasɩɣ yuu. Paatasɩɣ tɛɖʋʋ kanɖʋ ñalɩmɩyɛ yaa wɩsɩ ñɩnɖɛ, mbʋ́ pʋyɔɔ yɔ, Kɩpaɣlʋ Ɛsɔ ñalɩmɩyɛ kɔŋ pɔ-yɔɔ ñalʋʋ. Đɔɖɔ lɛ, pɔkɔŋ tɔɔʋ kewiyaɣ pɩnzɩ ɛgbaŋ ɛgbaŋ.

Wɩlʋʋ 3:12

‹Weyi ɛwakɩ yɔ, meyeki nɛ ɛkɛ mɛ-Ɛsɔ ɖɩɣa taa sisika, ɛɛtasɩɣ lɩʋ. Mamaɣ ɛ-yɔɔ mɛ-Ɛsɔ ɛnʋ ɛ-hɩɖɛ nɛ ɛ-tɛtʋ ñɩnɖɛ: ńdʋ́ʋ́ lɛ Yeruusalɛm kɩfalʋʋ ŋgʋ́ kɩlɩɣnɩ ɛsɔdaa mɛ-Ɛsɔ cɔlɔ nɛ kitiki yɔ. Mamaɣ ɛ-yɔɔ ɖɔɖɔ ma-hɩɖɛ kɩfaɖɛ.

Wɩlʋʋ 3:21

‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.

Wɩlʋʋ 3:5

‹Weyi ɛwakɩ yɔ, ɛkɔŋ suu wondu kʋhʋlʋmʋtʋ ḿbʋ́. Maahɩzɩɣ ɛ-hɩɖɛ wezuu takayaɣ taa. Mɔnkɔŋ kaɖʋʋ man-Caa nɛ e-tiyiyaa pɛ-ɛsɩndaa se pʋdʋ kɛ ma-ñɩnʋ.