Wɩlʋʋ 2:24 - New Testament

²⁴ ‹Ɛlɛ́, meheyiɣ Tiyaatiiri ñɩma mbá mɩ ɩɩɖɔŋ tɔm ńdʋ́ tɩ-yɔɔ ɛzɩ lɛlaa yɔ nɛ ɩtatazɩ Satanɩ ñɩndʋ ndʋ́ lɛlaa mbá pɔtɔŋ se tɩ-taa wɛ cukaŋ yɔ tɩ-taa yɔ se maatasɩɣ-mɩ sɔzʋʋ sʋʋtʋ natʋyʋ.

Wɩlʋʋ 2:24 ပူးပေါင်းရင်းမြစ်များ

Tʋma Labʋ 15:28

Mbʋ́ pʋyɔɔ yɔ, ɖa nɛ Fezuu Kiɖeɖeu ɖɩlabɩ lɩmaɣza se ɖɩtaasʋʋ-mɩ sʋʋtʋ natʋyʋ yem nɛ pɩtasɩnɩ ndʋ́ pʋpɔzʋʋ-mɩ yɔ.

Tʋma Labʋ 16:14

Halaa ḿbá, payaɣ pa-taa lɛlʋ se Liidii, ɛkɛ Tiyaatiiri tʋ nɛ ɛpɛdɩɣ pɩsaŋ kɩsɛmɩŋ. Ɛñaŋaɣ Ɛsɔ, Kɩpaɣlʋ kuli ɛ-lɩmaɣza yɔɔ se ɛnɩɩnɩ Pɔɔlɩ camɩyɛ.

1 Kɔrɛntɩ 2:10

Đa Ɛsɔ tɩŋnɩ e-Fezuu Kiɖeɖeu yɔɔ nɛ ɛwɩlɩ-pʋ. Toovenim lɛ se Fezuu Kiɖeɖeu sɩm pɩtɩŋa payɩ, halɩ pɩkpɛndɩnɩ mbʋ́ pʋwɛ ɖooo Ɛsɔ taa yɔ.

2 Kɔrɛntɩ 11:3

Ɛlɛ́, sɔɔndʋ kpaɣ-m se ɛzɩma mbʋ́ ɖʋm kowobi ɛcɛtɩ Ɛɛvɩ nɛ ɛ-lɛɣtʋ yɔ, nɔɔyʋ ɛɛtaakɔɔ eliɣti mɩ-lɩmaɣza nɛ iyele Krɩstʋ weyi ɩsɔɔlɩ-ɩ nɛ mɩ-laŋɩyɛ tɩŋa yem fɛɛɛ yɔ.

2 Kɔrɛntɩ 2:11

Malabɩ ḿbʋ́ se Satanɩ ɛtaawɛnɩ waɖɛ ɖɔ-yɔɔ. Mbʋ́ pʋyɔɔ yɔ, ɖɩtɛm sɩm mbʋ́ ɛcaɣ labʋ yɔ.

Yakubu 3:15

Mbá palakɩ ḿbʋ́ yɔ, pɔ-lɔŋsɩnɖɛ talɩɩnɩ Ɛsɔ cɔlɔ. Ɛlɛ́, kedeŋa yɔɔ cɩnɛ ɖɩlɩnaa, ɛyáa lɔŋsɩnɖɛ pɩkɛnaa, aleewaa cɔlɔ ɖɩlɩnaa.

Wɩlʋʋ 1:11

«Ma mbʋ́ ŋnaɣ yɔ pʋ-tɔm takayaɣ nakɛyɛ taa nɛ ŋtiyini Krɩstʋ aŋgba lʋbɛ anɛ a-taa ñɩma. Ana yɔ: Efɛɛzɩ ñɩnɖɛ nɛ Smiirnɩ ñɩnɖɛ nɛ Pɛɛrgam ñɩnɖɛ nɛ Tiyaatiiri ñɩnɖɛ nɛ Saardɩ ñɩnɖɛ nɛ Filaadɛlfii ñɩnɖɛ nɛ Laodisee ñɩnɖɛ.»

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.

Wɩlʋʋ 13:14

Đɩcɛzaɣ kedeŋa yɔɔ ɛyáa nɛ hama lakasɩ nzɩ́ coojo ha-ɖɩ waɖɛ se ɖɩla kajalaɣ ñɩnɖɛ ɛsɩndaa yɔ. Điheyaɣ-wɛ ɖɔɖɔ se pama sɩʋ kpelaɣ nakɛyɛ nɛ paɖʋnɩ kpɩnɛ nɖɩ́ paalom sɩɣa nɛ ɖɩɖaɣnɩ wɛʋ wezuu yɔ hɩɖɛ.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.

Wɩlʋʋ 2:18

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Tiyaatiiri Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Ma Ɛsɔ Pɩyalʋ, weyi ma mɛ-ɛsɛ ɖeɣ miŋ pelu pelu ɛzɩ miŋ nzʋlʋmɩyɛ nɛ ma-naŋgbanzɩ wɛɛ ɛzɩ ñɩ́ɣ́yʋ́ʋ kazɩnzɩŋa ñɩŋgʋ yɔ, mɔntɔŋna se:

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!