Wɩlʋʋ 2:2 - New Testament

² mansɩm mbʋ́ ñɛ-ŋgbɛyɛ taa ñɩma lakɩ yɔ nɛ pa-pana ñaɣʋ nɛ ɛzɩma mbʋ́ pɔɖɔkʋʋ pa-tɩ yɔ. Manawa se paacaɣ se pa nɛ kañadɩnaa pɛkpɛndɩ. Pamaɣzɩ mbá pɔtɔŋ se pɛkɛ Yesu tiyiyaa yɔ nɛ pana se pɛkɛ cɛtɩyaa.

Wɩlʋʋ 2:2 ပူးပေါင်းရင်းမြစ်များ

Maatiyee 7:23

Ɛlɛ́, mɔnkɔŋ-wɛ cosuu kpayɩ se: ‹Mantasɩm-mɩ ɖoli kaʋ. Kɩdɛkɛdɩŋ mɩ! Ɩkʋyɩ mɔn-cɔlɔ cɩnɛ nɛ ɩɖɛɛ poliŋ.› »

Yohanɛɛsɩ 6:6

Ɛyɔɔdaɣ ḿbʋ́ faŋŋ se ɛna ndʋ́ Filiipu cosuu yɔ, mbʋ́ pʋyɔɔ yɔ, ɛtɛm sɩm mbʋ́ ɛlakɩ yɔ.

Galaatɩ 1:7

Ŋgʋ́, tɩtɛkɛ Laŋhɛzɩyɛ Tɔm siŋŋ. Ɛlɛ́, nabɛyɛ wɛɛ peliɣtiɣ-mɩ nɛ pacaɣ se pɛlɛɣzɩ Krɩstʋ Laŋhɛzɩyɛ Tɔm.

Efɛɛzɩ 4:14

Ḿbʋ́ yekina nɛ ɖɩɩtasɩɣ kɛʋ piya nzɩ́ pawɩlɩɣ-sɩ nɛ sɩɩsɩŋ mbʋ́ sɩla nɛ peyiliɣ-sɩ nɛ pʋcɔzʋʋ-sɩ yem yem yɔ.

1 Tesalooniki 1:3

Đɩtɔzʋʋ tam ɖa-Caa Ɛsɔ ɛsɩndaa ɛzɩma mbʋ́ ɩwɛnɩ lidaʋ siŋŋ nɛ ɩlakɩ tʋmɩyɛ yɔ nɛ ɛzɩma mbʋ́ mɩ-sɔɔlɩm yeba nɛ ɩwɛɛ kpekpeka yɔ pʋ-yɔɔ. Đɩtɔzʋʋ ɖɔɖɔ ɛzɩma mbʋ́ ɩɖaŋ Kɩpaɣlʋ Yesu Krɩstʋ kpam yɔ pʋ-yɔɔ.

1 Tesalooniki 5:21

Ɛlɛ́, ɩtakɩ pɩtɩŋa pɩ-taa camɩyɛ nɛ ɩɖɔkɩ mbʋ́ pʋwɛ ɖeu yɔ nesi naalɛ.

2 Timootee 2:19

Paa ḿbʋ́ yɔ, tigiɖe nɖɩ́ Ɛsɔ sɩwa yɔ, ɖɩwɛ ɖoŋ pɩtɩɩfɛyɩ, nabʋyʋ ɛɛlakɩ-ɖɩ. Pama ɖɩ-yɔɔ se: «Kɩpaɣlʋ sɩm ɛ-ñɩma.» Pamawa ɖɔɖɔ se: «Weyi ɛkaɖɩɣ se ɛkɛ Kɩpaɣlʋ ñɩnʋ yɔ, pʋdʋ ɛha mbʋ́ pɩtatʋʋzɩ yɔ siɣ́ye.»

Ebree 6:10

Ɛsɔ lɛ weyi ɛhʋʋ tɔm nɛ toovenim yɔ. Ɛɛsɔʋ mɩ-camɩyɛ lakasɩ yɔɔ. Ɛɛsɔʋ ɖɔɖɔ sɔɔlɩm mbʋ́ ɩsɔɔlɩ-ɩ nɛ ɩtɩŋɩɣnɩ pʋ-yɔɔ nɛ ɩsɩŋnɩ ɛ-ñɩma yɔ pʋyɔɔ. Ḿbʋ́ ɖɔɖɔ ɩwɛɛ ɩlakɩ lɛɛlɛɛyɔ.

1 Yohanɛɛsɩ 4:1

Mɛ-ɛgbaɣdɩnaa! Yee nɔɔyʋ eheyi-mɩ se Fezuu Kiɖeɖeu ɖoŋ ɛyɔɔdʋʋna yɔ, ɩtaatisi kpaagbaa. Ɛlɛ́, ɩmaɣzɩ-ɩ nɛ ɩna se pɩkɛ toovenim na. Meheyiɣ-mɩ ḿbʋ́, mbʋ́ pʋyɔɔ yɔ, mbá pɛcɛtɩɣ se pɛkɛ náyaa yɔ palɩ kedeŋa yɔɔ sakɩyɛ.

Wɩlʋʋ 2:5

Pʋ-yɔɔ lɛ, pɔtɔzɩ ɖenɖe pucoɖi-wɛ yɔ, pɛlɛɣzɩ wɛtʋ nɛ pala mbʋ́ palakaɣ kajalaɣ taa yɔ. Pɩtɛkɛ ḿbʋ́, mɔnkɔŋ pɔ-cɔlɔ nɛ mɛlɛɣ pa-kanɖʋ.

Wɩlʋʋ 2:6

Piyele mbʋ́ palaba nɛ pʋwɛ ɖeu yɔ lɛ se: paacaɣ mbʋ́ Niikolaa ñɩma lakɩ yɔ kpem ɛzɩ ma ɖɔɖɔ yɔ.

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!

Wɩlʋʋ 3:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Saardɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ Ɛsɔ feziŋ ɩnʋ ɩ-lʋbɛ nɛ tɩɩnzɩ ńzɩ́ sɩ-lʋbɛ yɔ, mɔntɔŋna se: mansɩm mbʋ́ ñɛ-ŋgbɛyɛ taa ñɩma lakɩ yɔ: pa-hɩɖɛ sɛwa se pɛwɛ wezuu, ɛlɛ́, pasɩba.

Wɩlʋʋ 3:15

mansɩm mbʋ́ ñɛ-ŋgbɛyɛ taa ñɩma lakɩ yɔ: pɛfɛyɩ niŋkaɣ, pɛfɛyɩ ɖɔɖɔ miŋ. Yee paatɩɩwɛ niŋkaɣ yaa miŋ yɔ!

Wɩlʋʋ 3:8

Mansɩm mbʋ́ ñɛ-ŋgbɛyɛ taa ñɩma lakɩ yɔ. Na: mantʋlɩ nɔnɔɔ ŋgá nɔɔyʋ ɛɛpɩzɩɣ ɛɖɩɣ yɔ ñɛ-ɛsɩndaa. Mbʋ́ pʋyɔɔ yɔ, pɛwɛnɩ ɖoŋ pazɩ, ɛlɛ́, pɔɖɔkɩ mɔn-tɔm nɛ pɛtɛkpɛzɩ se patasɩm-m.