Wɩlʋʋ 2:14 - New Testament

¹⁴ Ɛlɛ́, man-taa wɛnɩ-wɛ natʋyʋ: pɛ-tɛ ɛyáa nabɛyɛ tisiɣ tɔm ndʋ́ Balaam wɩlaɣ yɔ. Balaam wɩlaɣ Balaakɩ ɛzɩma mbʋ́ ɛɛla nɛ Izrɛɛlɩ ñɩma tɔɔ kɩlaʋ nandʋ nɛ pala acɛyɛ nɛ piyele pɔtɔlɩ Ɛsɔ nʋmɔʋ taa yɔ.

Wɩlʋʋ 2:14 ပူးပေါင်းရင်းမြစ်များ

Maatiyee 18:7

Pʋtɔɔ ɛyáa tɩŋa payɩ! Mbʋ́ pʋyɔɔ yɔ, mbʋ́ piyeki se ɛyáa ɛla kɩwɛɛkɩm yɔ, pʋwɛɣ kedeŋa yɔɔ tam. Ɛlɛ́, pʋtɔɔ weyi pɩtɩŋɩɣnɩ ɛ-yɔɔ yɔ kpem!

Tʋma Labʋ 15:29

Ńdʋ́ lɛ se: ɩtaatɔɔ kɩlaʋ nandʋ yaa calɩm yaa kpɩna wena pɛtɛcɛ a-liŋ tɛɛ yɔ. Ɩkpa mɩ-tɩ nɛ yem yem lakasɩ. Ɩlabɩ pɩtɩŋa payɩ ḿbʋ́ yɔ, pʋwɛɣ ɖeu. Taabalaa, ɖɩsɛ-mɩ!»

Tʋma Labʋ 21:25

Piyele mbá pɛtɛkɛ Yuda ñɩma nɛ pɛwɛnɩ lidaʋ Yesu yɔɔ yɔ, ɖɩma-wɛ takayaɣ nɛ ɖiheyi-wɛ mbʋ́ ɖɩɖʋwa yɔ. Ḿbʋ́ lɛ se pataatɔɔ kɩlaʋ nandʋ yaa calɩm yaa kpɩna wena pɛtɛcɛ a-liŋ tɛɛ yɔ a-nandʋ. Peyele ɖɔɖɔ acɛyɛ.»

Room 11:9

Daaviidi mawa ɖɔɖɔ se: «Pɔ-tɔɔnasɩ ɛpɩsɩ kaamʋʋ nɛ piyuu nɛ pɩkpa-wɛ nɛ pɔtɔlɩ nɛ pɔhɔ pa-nɩŋgbaaŋ.

Room 14:13

Điyele ɖama tɔm hʋnaʋ. Ɛlɛ́, ɩɖʋ kpem se: ɩɩlakɩ nabʋyʋ nɛ piyele putuuli mɩ-taabalʋ yaa pɩpɛɖɩ-ɩ kɩwɛɛkɩm taa.

Room 14:21

Mbʋ́ pʋwɛ ɖeu yɔ lɛ se: taakpazɩnɩ ñɔ-nɔɔ mbʋ́ pɩpɩzɩɣ pɩpɛɖɩ ña-taabalʋ kɩwɛɛkɩm taa yɔ kaʋ. Paa nandʋ yaa sʋlʋm yaa paa ɛbɛ.

Room 9:32

Pɩlabɩ ɛzɩma nɛ pɩlabɩ-wɛ ḿbʋ́? Mbʋ́ pʋyɔɔ yɔ, patañɩnɩɣ se pɛwɛnɩ lidaʋ Ɛsɔ yɔɔ. Ɛlɛ́, pañɩnaɣ se pɩtɩŋnɩ pa-tʋma yɔɔ nɛ papɩsɩ kʋtʋʋzaa ɛ-ɛsɩndaa. Peeɖe powobi poyoni pɩyɛ nɖɩ́ ɖituuluu ɛyáa yɔ.

1 Kɔrɛntɩ 1:23

Piyele ɖa lɛ, ɖisusuu Krɩstʋ weyi pakam-ɩ kaamaŋkaɣ yɔɔ yɔ ɛ-tɔm. Tɔm ńdʋ́, tɩkɛnɩ Yuda ñɩma mbʋ́ putuuluu-wɛ yɔ nɛ tɩkɛnɩ mbá pɛtɛkɛ Yuda ñɩma yɔ ɛzɩ kɩmɛlɛndʋ tɔm yɔ.

1 Kɔrɛntɩ 7:2

Paa ḿbʋ́ yɔ, acɛyɛ yɔɔ lɛ, pʋwɛ ɖeu se paa abalʋ weyi ɛkpaɣ halʋ nɛ paa halʋ weyi lɛ, ɛ́lɛ́ walɩ.

Ebree 13:4

Pʋwɛɛ se ɛyáa tɩŋa payɩ ɛɖʋ halɩkpaɣyɛ hɩɖɛ. Abalʋ ɛsʋnɩ ɛ-halʋ ɖeke nɛ halʋ ɖɔɖɔ ḿbʋ́. Mbʋ́ pʋyɔɔ yɔ, Ɛsɔ kɔŋ hʋnaʋ hayitu nɛ acɛyɛ pa-laɖaa.

1 Pɩyɛ 2:8

Pamawa ɖɔɖɔ se: «Ńɖɩ́ tuuluuni ɛyáa, ńɖɩ́ lɛ ɛwaɣ ŋgá kɛpɛɖɩɣ-wɛ yɔ.» Đituuli-wɛ, mbʋ́ pʋyɔɔ yɔ, paatisiɣ Ɛsɔtɔm. Ḿbʋ́ pɩɩtɩɩɖʋ ɖooo lɔŋ se pɩlabɩ-wɛ.

2 Pɩyɛ 2:15

Peyebi nʋmɔʋ kɩbaŋgʋ tɩŋʋʋ nɛ pele. Patɩŋ Bosɔɔrɩ pɩyalʋ Balaam weyi ɛɛsɔɔlɩ mbʋ́ pɩtatʋʋzɩ yɔ labʋ se ehiɣ liidiye yɔ ɛ-wayɩ.

Yuudi 1:11

Pɩya-wɛ! Mbʋ́ pʋyɔɔ yɔ, patɩŋ nʋmɔʋ ŋgʋ́ Kayɛnɩ tɩŋaa yɔ. Liidiye yɔɔ lɛ, pakpaɣ pa-tɩ pasʋzɩ nʋmɔʋ kilebuu taa ɛzɩ Balaam yɔ. Pɛtɛŋɛlaa kpem, mbʋ́ pʋyɔɔ yɔ, pakʋyɩ Ɛsɔ yɔɔ ɛzɩ Kooree kalabʋ yɔ.

Wɩlʋʋ 2:20

Ɛlɛ́, ndʋ́ man-taa wɛnɩ-mɩ yɔ lɛ se: iyeki halʋ weyi payaɣ se Yezaabɛɛlɩ nɛ ɛtɔŋ se ɛkɛ náyʋ yɔ. Ŋgʋ́, ɛwɩlɩɣ nɛ eyiliɣ man-tʋmlaɖaa se pala acɛyɛ nɛ pɔtɔɔ kɩlaʋ nandʋ.

Wɩlʋʋ 2:4

Ɛlɛ́, ndʋ́ man-taa wɛnɩ-wɛ yɔ lɛ se: patatasɩ-m sɔɔlʋʋ ɛzɩ ɖooo paasɔɔlʋʋ-m yɔ.

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»

Wɩlʋʋ 22:15

Piyele kʋsɔɔtʋ laɖaa nɛ fadɩŋ laɖaa nɛ acɛyɛ laɖaa nɛ ɛyáa kʋyaa nɛ agɔlɩma layaa nɛ mbá pɔsɔɔlɩ cɛtʋʋ nɛ pɛcɛtɩɣ ɛyáa yɔ, paba ñɛwɛɣnɩ tɩ-wayɩ!