Wɩlʋʋ 2:13 - New Testament

¹³ Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.

Wɩlʋʋ 2:13 ပူးပေါင်းရင်းမြစ်များ

Maatiyee 10:23

Yee pɛwɛ mɩ-wayɩ kaŋ kaŋ tɛtʋ natʋyʋ taa lɛ, ise nɛ iwolo lɛɛtʋ taa. Toovenim lɛ, meheyiɣ-mɩ se ɩɩtɛŋ cɔʋ Izrɛɛlɩ tɛtʋ tɩŋa payɩ nɛ pʋcɔ Ɛyʋ Pɩyalʋ kɔɔ.

Maatiyee 24:9

«Alɩwaatʋ ńdʋ́ʋ́ paɖʋzʋʋ-mɩ mi-koyindinaa nesi taa nɛ paɖʋ-mɩ kʋñɔŋ nɛ pakʋ-mɩ. Ajɛya kpeekpe taa ɛyáa kɔŋ-mɩ paɖʋʋ mɔ-yɔɔ.

Maatiyee 4:10

Yesu heyi-i se: «Satanɩ ɖɛɛ mɔ-yɔɔ! Mbʋ́ pʋyɔɔ yɔ, pama Ɛsɔtɔm Takayaɣ taa se: ‹Ña-Kɩpaɣlʋ Ɛsɔ ɖeke koŋ tɛɛ pʋwɛɛ se ŋluŋ nɛ ŋla ɛ-tʋmɩyɛ.› »

Luka 21:17

Mbʋ́ pʋyɔɔ yɔ, ɛyáa tɩŋa kaɣ-mɩ paɖʋʋ mɔ-yɔɔ.

Tʋma Labʋ 22:20

Alɩwaatʋ ndʋ́ pakʋ ña-aseɣɖe tʋ Etiyɛɛnɩ yɔ, ma ɖɔɖɔ maawɛ peeɖe nɛ mantɩnɩ pa-taa mbá pakʋwaɣ-ɩ yɔ pɔ-yɔɔ. Maaɖaŋnɩ-wɛ po-wondu.›

Tʋma Labʋ 9:14

Ɛkɔm cɩnɛ yɔ, cɔjɔnaa sɔsaa hanɩ-ɩ waɖɛ se ɛkɔɔ ɛkpa mbá patɩŋa payɩ poluŋuu ñɛ-tɛɛ yɔ nɛ ɛhɔkɩ-wɛ.»

1 Tesalooniki 5:21

Ɛlɛ́, ɩtakɩ pɩtɩŋa pɩ-taa camɩyɛ nɛ ɩɖɔkɩ mbʋ́ pʋwɛ ɖeu yɔ nesi naalɛ.

1 Timootee 5:8

Yee nɔɔyʋ ɛɛcɔŋnɩ ɛ-ñɩma yɔɔ, kɔzɩkɔzɩ ɛ-maɣmaɣ ɛ-hɔʋ taa ñɩma yɔɔ yɔ, pɩwɩlɩɣ se ɛlɔ lidaʋ ŋgʋ́ ɛwɛnɩ Krɩstʋ yɔɔ yɔ. Weyi ɛfɛyɩnɩ lidaʋ Krɩstʋ yɔɔ yɔ, ɛ́lɛ́ ñakɩlɩ-ɩ wee wee.

2 Timootee 1:13

Yele nɛ toovenim tɔm ndʋ́ meheyi-ŋ yɔ, tɩkɛnɩ ña-nʋmɔʋ lidaʋ wɛnaʋ nɛ sɔɔlɩm mbá ŋwɛnɩ ña nɛ Krɩstʋ Yesu mɩ-kpɛndʋʋ taa yɔ pa-taa.

2 Timootee 2:12

Yee ɖɩɖɔkɩ ɖa-tɩ ḿbʋ́ kpam yɔ, ɖa nɛ ɩ ɖɩkɔŋnɩ tɔɔʋ kewiyaɣ ɖɔɖɔ. Yee ɖikizi-i yɔ, ɛkɔŋ-ɖʋ kizuu ɖɔɖɔ.

Ebree 10:23

Đɩɖɔkɩ ɖaŋʋʋ tɔm ndʋ́ ɖisusuu yɔ nesi naalɛ kpam. Ɛsɔ ɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ ɖɔɖɔ.

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Yakubu 2:7

Pɩtɛkɛ ḿbá ɖɔɖɔ wɛɛkɩɣnɩ hɩɖɛ kɩbanɖɛ nɖɩ́ Ɛsɔ ya-mɩ yɔ yaa we?

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa

Wɩlʋʋ 11:3

Meyeki nɛ ma-aseɣɖe tɩnaa naalɛ suu kʋñɔŋ wondu nɛ pɛkɛ náyaa kɩyakɩŋ kutoku nɛ nasɩlɛ nɛ nɩɩnʋwa nɛ hiu.»

Wɩlʋʋ 12:11

Pɩtɩŋnɩ Heɣa calɩm nɛ aseɣɖe nɖɩ́ ɖa-taabalaa lɩzaa yɔ pɔ-yɔɔ nɛ pawabɩ-ɩ. Đɔɖɔ lɛ, patakpaɣ pe-wezuu payaa pʋyʋ nɛ petisi se yee paa sɩm yɔ, pasɩ.

Wɩlʋʋ 13:2

Kpɩnɛ nɖɩ́ manawa yɔ, ɖɩwɛ ɛzɩ kpou yɔ. Đɩ-naŋgbanzɩ wɛ ɛzɩ kpemiɣa ñɩnzɩ yɔ nɛ ɖɩ-nɔɔ ñɛwɛɛ ɛzɩ tɔɔyʋʋ ñɩŋga yɔ. Coojo ha-ɖɩ e-ɖoŋ nɛ ɛ-abalɩtʋ sɔsɔtʋ nɛ ɛcɛlɩ-ɖɩ e-kewiyaɣ kpelaɣ.

Wɩlʋʋ 14:12

Cɩnɛ panaɣ ɛzɩma mbʋ́ Ɛsɔ ñɩma mbá pɔɖɔŋ ɛ-paɣtʋ yɔɔ nɛ pɛwɛnɩ lidaʋ Yesu yɔɔ yɔ pɔɖɔkɩ pa-tɩ yɔ.

Wɩlʋʋ 17:14

Pɔkɔŋ yonaʋ Heɣa, ɛlɛ́, kawakɩ-wɛ. Mbʋ́ pʋyɔɔ yɔ, kɛkɛ kɩpaɣlaa taa Kɩpaɣlʋ nɛ awiya taa Wiyaʋ. Mbá Ɛsɔ ya-wɛ nɛ ɛlɩzɩ-wɛ nɛ pɔɖɔŋ ɛ-nʋmɔʋ taa nɛ pa nɛ kɛ pɛwɛɛ yɔ, pawakɩ-wɛ ɖɔɖɔ.»

Wɩlʋʋ 17:6

Peeɖe manawa se halʋ ɛnʋ ɛñɔ Ɛsɔ ñɩma nɛ Yesu aseɣɖe tɩnaa mbá pakʋ-wɛ yɔ pa-calɩm nɛ pʋkʋʋ-ɩ ɛzɩ sʋlʋm yɔ. Mana-ɩ lɛ, pɩɖɩɣzɩ-m yem ɖɩɣ ɖɩɣ.

Wɩlʋʋ 2:2

mansɩm mbʋ́ ñɛ-ŋgbɛyɛ taa ñɩma lakɩ yɔ nɛ pa-pana ñaɣʋ nɛ ɛzɩma mbʋ́ pɔɖɔkʋʋ pa-tɩ yɔ. Manawa se paacaɣ se pa nɛ kañadɩnaa pɛkpɛndɩ. Pamaɣzɩ mbá pɔtɔŋ se pɛkɛ Yesu tiyiyaa yɔ nɛ pana se pɛkɛ cɛtɩyaa.

Wɩlʋʋ 3:11

Pɩkazɩ pazɩ, mɔnkɔŋ. Pɔɖɔkɩ mbʋ́ pɛwɛna yɔ kpam nɛ nɔɔyʋ ɛtaakɔɔ ɛlɛɣ pa-wabɩyɛ hulaɣ.

Wɩlʋʋ 3:3

Pʋ-yɔɔ lɛ, pɔtɔzɩ tɔm ndʋ́ peheyi-wɛ yɔ nɛ ɛzɩma mbʋ́ petisi-tʋ yɔ pɔ-yɔɔ. Pɔɖɔkɩ-tʋ nɛ pɛlɛɣzɩ wɛtʋ. Yee patacaɣ pɛ-ɛsɛ yɔɔ yɔ, mɔnkɔŋ ɛzɩ mɩ́lʋ́ yɔ nɛ montudi-wɛ, paasɩŋ alɩwaatʋ ndʋ́ tɩ-yɔɔ mɔnkɔŋ yɔ.