Wɩlʋʋ 2:1 - New Testament

¹ Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Efɛɛzɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɔnɖɔkɩ tɩɩnzɩ ńzɩ́ sɩ-lʋbɛ me-nesi kɩbanzɩ taa nɛ mɔnɖɔŋ sika kanɖʋnaa ḿbá pa-lʋbɛ pɛ-hɛkʋ taa yɔ, mɔntɔŋna se:

Wɩlʋʋ 2:1 ပူးပေါင်းရင်းမြစ်များ

Maatiyee 18:20

Mbʋ́ pʋyɔɔ yɔ, ɖenɖe ɛyáa naalɛ yaa naadozo kpeɣliɣ ma-hɩɖɛ yɔɔ se pɛsɛɣ Ɛsɔ yɔ, mɛwɛɣ pɔ-cɔlɔ.»

Maatiyee 28:20

Ɩkpɛlɩkɩ-wɛ nɛ pɔɖɔ mbʋ́ pɩtɩŋa payɩ maaɖʋ-mɩ yɔ pʋ-yɔɔ. Ɩtɩlɩ se mɛwɛɣ mɩ-cɔlɔ kɩyakɩŋ tɩŋa nɛ pʋkɔɔ pɩsɩɩnɩ kedeŋa tɛm wiye.»

Yohanɛɛsɩ 5:35

Yohanɛɛsɩ lɛ, ɛ́lɛ́ ñaawɛ ɛzɩ kanɖʋ ŋgʋ́ pɔsɔba nɛ kɩ-ñalɩmɩyɛ ñalɩ mɩ-yɔɔ yɔ. Pʋ-yɔɔ mɩ-laŋa hʋlʋmɩnɩ ñalɩmɩyɛ ńɖɩ́ alɩwaatʋ pazɩ.

Tʋma Labʋ 18:19

Pɔkɔm patalɩ Efɛɛzɩ tɛtʋ taa lɛ, Pɔɔlɩ yebi-wɛ nɛ ewolo Yuda ñɩma cɔlɔ pɛ-Ɛsɔ ɖɩsɛyɛ taa nɛ ɛ nɛ wɛ palakɩ lɩmaɣza Yesu tɔm yɔɔ.

Tʋma Labʋ 18:21

Ɛkʋyɩ pɔ-cɔlɔ se ɛɖɛɣ lɛ, eheyi-wɛ se: «Yee Ɛsɔ etisaa yɔ, manpɩsɩɣ mɩ-cɔlɔ.» Ɛtɛm-wɛ heyuu ḿbʋ́ lɛ, ɛsʋʋ mɛlɛ peeɖe nɛ ɛɖɛɛ.

Tʋma Labʋ 19:1

Apoloosi wɛ Kɔrɛntɩ ḿbʋ́ lɛ, Pɔɔlɩ ñatɩŋnɩ pʋŋ hɔɔlɩŋ taa nɛ ɛkɔɔ ɛtalɩ Efɛɛzɩ. Peeɖe ɛkatɩ Krɩstʋ wayɩ tɩŋɩyaa nabɛyɛ

2 Kɔrɛntɩ 6:16

Ɛbɛ Ɛsɔ ɖɩɣa nɛ kumola pakawa? Ŋgʋ́, ɖɩkɛ Ɛsɔ wezuu tʋ ɖɩɣa. Pʋwɛ ɛzɩ Ɛsɔ yɔɔdʋʋ se: «Mɛwɛɣ pɔ-cɔlɔ nɛ ma nɛ wɛ ɖɩɖɔ. Mɛnkɛɣ pɛ-Ɛsɔ nɛ pɛkɛ mɛ-ɛyáa» yɔ.

Wɩlʋʋ 1:16

Ɛɖɔkɩ tɩɩnzɩ lʋbɛ e-nesi kɩbanzɩ taa nɛ ɛ-nɔɔ taa lɩɣ sɩɣa ŋgá kɔ-nɔɔ taa cʋlʋtaa nɛ kapɩɣ cenje yɔ. Ɛ-ɛsɩndaa ñɩlɩsaɣ ɛzɩ wɩsɩ ñakʋʋ ɖoŋ alɩwaatʋ ndʋ́ sisiɣa yɔ.

Wɩlʋʋ 1:20

Ŋnaɣ tɩɩnzɩ lʋbɛ nzɩ́ ŋna me-nesi kɩbanzɩ taa yɔ nɛ kanɖʋnaa lʋbɛ mbá palabɩ-wɛ nɛ sika yɔ, pɔ-tɔm ndʋ́ tɩwɛ mɛsaɣ tɛɛ yɔ tɩ-tɔbʋʋ: tɩɩnzɩ lʋbɛ ńzɩ́ lɛ Ɛsɔ tiyiyaa mbá ɛsɩwa se pɔcɔnɩ Krɩstʋ aŋgba lʋbɛ ana a-yɔɔ yɔ. Piyele kanɖʋnaa lʋbɛ lɛ aŋgba ana a-lʋbɛ.»

Wɩlʋʋ 12:1

Pɩwɩlɩ kawɩlɩsɩ sɔsɔsɩ nasɩyɩ ɛsɔdaa: halʋ nɔɔyʋ, wɩsɩ huuzi ɛ-yɔɔ ɛzɩ toko esuwa yɔ nɛ ɛsɩŋ fenaɣ yɔɔ nɛ ɛpa hulaɣ nakɛyɛ. Kɔ-yɔɔ nɛ tɩɩnzɩ hiu nɛ naalɛ.

Wɩlʋʋ 2:12

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Pɛɛrgam Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ sɩɣa ŋgá kɔ-nɔɔ taa cʋlʋtaa nɛ kapɩɣ cenje yɔ, mɔntɔŋna se:

Wɩlʋʋ 2:18

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Tiyaatiiri Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Ma Ɛsɔ Pɩyalʋ, weyi ma mɛ-ɛsɛ ɖeɣ miŋ pelu pelu ɛzɩ miŋ nzʋlʋmɩyɛ nɛ ma-naŋgbanzɩ wɛɛ ɛzɩ ñɩ́ɣ́yʋ́ʋ kazɩnzɩŋa ñɩŋgʋ yɔ, mɔntɔŋna se:

Wɩlʋʋ 2:8

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Smiirnɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Nʋmɔɖɛyʋ nɛ Ɛɖɩɣyɛ nɛ maasɩba nɛ menfe yɔ, mɔntɔŋna se:

Wɩlʋʋ 3:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Saardɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ Ɛsɔ feziŋ ɩnʋ ɩ-lʋbɛ nɛ tɩɩnzɩ ńzɩ́ sɩ-lʋbɛ yɔ, mɔntɔŋna se: mansɩm mbʋ́ ñɛ-ŋgbɛyɛ taa ñɩma lakɩ yɔ: pa-hɩɖɛ sɛwa se pɛwɛ wezuu, ɛlɛ́, pasɩba.

Wɩlʋʋ 3:14

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Laodisee Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma payaɣ se Pɩla Ḿbʋ́ nɛ mɛnkɛ aseɣɖe tʋ weyi ɛlakɩ mbʋ́ pʋpɔzʋʋ yɔ nɛ ɛtɛ ɛkɛ toovenim tʋ yɔ, weyi ma mɛnkɛ mbʋ́ pɩtɩŋa payɩ Ɛsɔ laba yɔ pi-kiɖe yɔ, mɔntɔŋna se:

Wɩlʋʋ 3:7

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Filaadɛlfii Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Ɛsɔ ñɩnʋ nɛ toovenim tʋ nɛ mɔnɖɔkɩ wiyaʋ sɔsɔ Daaviidi nɔnɔɔ ñɩmɩyɛ nɛ yee mantʋlaa, nɔɔyʋ ɛɛpɩzɩɣ ɛɖɩɣ nɛ yee manɖɩɣaa, nɔɔyʋ ɛɛpɩzɩɣ ɛtʋlɩ yɔ, mɔntɔŋna se: