Wɩlʋʋ 18:20 - New Testament

²⁰ Mbá mɩ ɩwɛ ɛsɔdaa yɔ, mɩ-taa ɛhʋlʋmɩ! Pɔyɔkɩ tɛtʋ ńdʋ́! Mɩ Ɛsɔ ñɩma nɛ Yesu tiyiyaa nɛ náyaa mɩ-taa ɛhʋlʋmɩnɩ tɩ-yɔkʋʋ! Mbʋ́ pʋyɔɔ yɔ, Ɛsɔ hʋnɩ-tʋ tɔm kɩdɛkɛdɩm mbʋ́ tɩlabɩ-mɩ yɔ tɩ-yɔɔ.

Wɩlʋʋ 18:20 ပူးပေါင်းရင်းမြစ်များ

Efɛɛzɩ 2:20

Mɩ lɛ ɖɩɣa ŋgá Yesu tiyiyaa nɛ náyaa pɛkɛ ke-kiɖe yɔ ko-kolonzi. Krɩstʋ Yesu maɣmaɣ lɛ pɩyɛ nɖɩ́ ɖɩkɩlɩ wazaɣ yɔ.

Efɛɛzɩ 3:5

Mɛsaɣ tɛɛ tɔm ńdʋ́, kpaɖɩŋ weyi ɩɖɛwa yɔ, ɩ-taa ñɩma taasɩm-tʋ ɛzɩ Ɛsɔ tɩŋnaʋ e-Fezuu Kiɖeɖeu yɔɔ nɛ eyele nɛ náyaa nɛ ɛ-maɣmaɣ e-tiyiyaa pasɩm-tʋ lɛɛlɛɛyɔ yɔ.

Efɛɛzɩ 4:11

Krɩstʋ ɛnʋ ɛhanɩ nabɛyɛ se pɛkɛ e-tiyiyaa nɛ lɛlaa náyaa nɛ lɛlaa Laŋhɛzɩyɛ Tɔm susiyaa nɛ lɛlaa ɖiyiyaa nɛ lɛlaa Ɛsɔtɔm wɩlɩyaa.

2 Pɩyɛ 3:2

Me-liu wɛɛ se ɩtɔzɩ tɔm ndʋ́ náyaa kiɖeɖema yɔɔdɩ ɖooo lɔŋ yɔ tɩ-yɔɔ. Ɩtɔzɩ ɖɔɖɔ paɣtʋ ndʋ́ Kɩpaɣlʋ weyi ɛkɛ ɖa-ñʋʋ yaɖʋ yɔ, ɛtɩŋnɩ e-tiyiyaa yɔɔ nɛ eheyi-mɩ se ɩla yɔ tɩ-yɔɔ.

Yuudi 1:17

Mɛ-ɛgbaɣdɩnaa! Mɩ lɛ, ɩtɔzɩ tɔm ndʋ́ ɖa-Kɩpaɣlʋ Yesu Krɩstʋ tiyiyaa keheyi-mɩ se tɩkɔŋ labʋ yɔ tɩ-yɔɔ. Paaheyi-mɩ se: «Kɛtɛzaɣ alɩwaatʋ taa lɛ, nabɛyɛ wɛɣ nɛ powoŋuu-mɩ. Ḿbá ɛɛñaŋnɩ Ɛsɔ, palakɩ kɩdɛkɛdɩm mbʋ́ pa-maɣmaɣ pe-liu wɛɛ yɔ.»

Wɩlʋʋ 12:12

Pʋ-yɔɔ lɛ, ɛsɔdaa nɛ mbá mɩ ɩwɛ peeɖe yɔ, mɩ-taa ɛhʋlʋmɩ! Mbá mɩ ɩwɛ tɛtʋ yɔɔ nɛ teŋgu taa yɔ, pʋtɔɔ-mɩ! Mbʋ́ pʋyɔɔ yɔ, eleeu tibi mɩ-cɔlɔ. Ɛnawa se alɩwaatʋ pazɩ yem pɩkazɩ-ɩ, pʋ-yɔɔ ɛ-pana kpawa pɩŋŋ.»

Wɩlʋʋ 18:6

Mɩ lɛ, ɩlabɩ-tʋ ɛzɩ tɩlabʋ lɛlaa yɔ, ɩkpa-tʋ kɩmɩyɛ pʋ-tam naalɛ. Ɩpɩyɩ-tʋ sʋlʋm ɖoŋ ñɩmbʋ mbʋ́ pɩpɩyɩ lɛlaa se pʋkʋ-wɛ yɔ pʋ-tam naalɛ.

Wɩlʋʋ 6:10

Pa-ciyamnaa makaɣ kubusi ɖoŋ se: «Hayɩ Caa cɩɖɩcɩɖɩ tʋ nɛ toovenim tʋ! Đooye ŋcaɣ se ŋkʋyɩ kedeŋa yɔɔ ñɩma mbá pakʋ-ɖʋ yɔ pɔ-yɔɔ nɛ ŋhʋʋnɩ-wɛ nɛ ŋhɔ pa-nɩŋgbaaŋ»