Wɩlʋʋ 18:14 - New Testament

¹⁴ Tadɩyɛ laɖaa ḿbá, paba heyiɣ tɛtʋ ńdʋ́ se: ‹Mbʋ́ pɩtɩŋa payɩ ñe-liu kɛwɛɛ kpem nɛ ŋwɛnɩ-pʋ yɔ, pʋmʋʋ ñɛ-tɛ. Ña-ñɩm tɩŋa payɩ nɛ ña-ajana peleba. Ŋŋtasɩɣ-wɛ naʋ kaʋ.›

Wɩlʋʋ 18:14 ပူးပေါင်းရင်းမြစ်များ

Maatiyee 11:8

Ɛlɛ́, ɛbɛ iwobi naʋ kpem? Nɔɔyʋ suni ñɩɣlɩ́m wondu nɛ ɛwɛɛ peeɖe naa wɛ? Ŋgʋ́, mbá posuu ñɩɣlɩ́m wondu yɔ, pɛwɛɣ awiya ɖɩsɩ taa.

Luka 12:20

Ɛlɛ́, Ɛsɔ heyi-i se: ‹Kɩmɛlɛŋ ña! Sɔnɔ ɖoó anɛ a-taa maɣmaɣ ŋsɩkɩ. Ɛlɛ́, akaɣ kpaɣʋ mbʋ́ pɩtɩŋa ŋɖaɣnaa nɛ ŋsɩɩ ña-tɩ yɔ?› »

Luka 16:25

Ɛlɛ́, Abraham cosi-i se: ‹Man-sayɩ! Tɔzɩ se Lazaarɩ lakaɣ kʋñɔŋ kedeŋa yɔɔ lɛ, ñaawɛɛ ŋtɔkɩ leleŋ. Lɛɛlɛɛyɔ Lazaarɩ laŋɩyɛ ñɛhɛ cɩnɛ lɛ, ñalakɩ kʋñɔŋ.

1 Kɔrɛntɩ 10:6

Ḿbʋ́ wɩlɩɣnɩ-ɖʋ se ɖɩtaasɔɔlɩ kɩdɛkɛdɩm labʋ ɛzɩ paasɔɔlʋʋ yɔ.

Yakubu 4:2

Mi-liu wɛ nabʋyʋ, ɛlɛ́, ɩɩpɩzɩɣ se ihiɣ-pʋ. Ɩɖʋʋ ɛsɩyɛ lɛlaa ñɩm yɔɔ nɛ ɩcaɣ se ɩkʋ-wɛ, ɛlɛ́, pɩɩlɩɣ-mɩ pʋyʋ. Ḿbʋ́ labɩna nɛ ɩwɛɛ iyou nɛ ɩlʋkɩ. Ŋgʋ́, ɩtasʋlʋmɩ Ɛsɔ yɔɔ itehiɣ-pʋ.

Wɩlʋʋ 18:13

Pɛpɛdaɣ ɖɔɖɔ mbʋ́ pacanɩɣnɩ ɖozi yɔ nɛ tɩlaaɖɩnaa ndɩ ndɩ nɛ tɩlaaɖɩ ŋgʋ́ pɔhɔkɩ yɔ nɛ kɔyɛ nɖɩ́ payaɣ se miiri yɔ nɛ sʋlʋm nɛ num nɛ mʋlʋm nɛ mɩla nɛ naŋ nɛ heŋ nɛ kpaŋnaŋ nɛ lɔɔɖa wena kpaŋnaŋ hɔŋ yɔ nɛ yomaa nɛ ɛyáa lɛlaa.

Wɩlʋʋ 18:15

Tadɩyɛ laɖaa mbá pɩtɩŋnɩ tɩ-yɔɔ nɛ pehiɣ ñɩm yɔ, tɩ-kʋñɔŋ sɔɔndʋ kɔŋ-wɛ kpaʋ nɛ pasɩŋ poliŋ nɛ pewili nɛ pacaɣ leɣa.