Wɩlʋʋ 17:17 - New Testament

¹⁷ Mbʋ́ pʋyɔɔ yɔ, Ɛsɔ ɖʋ pa-taa se pala mbʋ́ e-liu wɛɛ yɔ. Ḿbʋ́ lɛ se panɩɩnɩ ɖama nɛ pɛcɛlɩ kpɩnɛ pe-kewiyisi nɛ pʋkɔɔ pɩsɩɩnɩ alɩwaatʋ ndʋ́ Ɛsɔtɔm laba yɔ.

Wɩlʋʋ 17:17 ပူးပေါင်းရင်းမြစ်များ

Luka 22:22

Toovenim lɛ, pʋwɛɛ se Ɛyʋ Pɩyalʋ ɛkʋyɩ kedeŋa yɔɔ cɩnɛ ɛzɩ Ɛsɔ ɖʋʋ yɔ. Ɛlɛ́, pʋtɔɔ weyi ɛɖʋzʋʋ-ɩ koyindinaa nesi taa yɔ!»

Luka 22:3

Peeɖe Satanɩ lɩmaɣza sʋ Yudaasɩ weyi pakʋm-ɩ hɩɖɛ se Iskarɩyɔɔtɩ yɔ ɛ-taa. Ɛkɛ ɖɔɖɔ Yesu tɔmkpɛlɩkɩyaa hiu nɛ naalɛ taa lɛlʋ.

Luka 22:37

Mbʋ́ pʋyɔɔ yɔ, mankaɖɩɣ-mɩ se pʋwɛɛ se pɩtɩŋnɩ mɔ-yɔɔ nɛ tɔm ndʋ́ paama Ɛsɔtɔm Takayaɣ taa yɔ, tɩla. Ńdʋ́ lɛ se: ‹Azaɣ́a hɛkʋ taa paɖʋʋ-ɩ.› Toovenim lɛ, mɔn-tɔm ndʋ́ paamawa yɔ, tɩlakɩ ḿbʋ́.»

Yohanɛɛsɩ 10:35

Đɩnawa se paapɩzɩɣ pahɩzɩ tɔm ndʋ́ pama Ɛsɔtɔm Takayaɣ taa yɔ. Ŋgʋ́, tɩ-taa Ɛsɔ ya mbá ɛyɔɔdaɣnɩ-wɛ yɔ se ɛsɔnaa.

Yohanɛɛsɩ 13:18

Pɩtɛkɛ mɩtɩŋa mɔyɔɔdʋʋ, mansɩm mbá malɩzaa yɔ. Ɛlɛ́, pʋwɛɛ se tɔm ndʋ́ pama Ɛsɔtɔm Takayaɣ taa yɔ, tɩla. Ńdʋ́ lɛ se: ‹Weyi ma nɛ ɩ ɖɩtɔkaɣ yɔ, ɛpɩsaa ɛkʋyʋʋ mɔ-yɔɔ.›

Yohanɛɛsɩ 13:2

Đanaɣ ɖanaa lɛ, ɛ nɛ ɛ-tɔmkpɛlɩkɩyaa pɔtɔkɩ tɔɔnaɣ. Naze lɛ, Satanɩ tɛm ɖʋʋ Siimɔɔ Iskarɩyɔɔtɩ pɩyalʋ Yudaasɩ taa se ɛkpa-ɩ nɛ ɛ́ɖʋzɩ koyindinaa nesi taa.

Yohanɛɛsɩ 19:24

Paaheyi ɖama se: «Đɩtaacɩyɩ-kʋ, ɛlɛ́, ɖɩɖʋ miika nɛ ɖɩna weyi ɛkpakɩɣ-kʋ yɔ.» Ḿbʋ́ tɔm ndʋ́ pama Ɛsɔtɔm Takayaɣ taa yɔ, tɩlaba. Ńdʋ́ lɛ se: «Patayɩ ɖama mon-wondu nɛ paɖʋ miika mon-toko yɔɔ se pana se akpakɩɣ-kʋ.» Ḿbʋ́ ɖɔɖɔ sɔɔjanaa laba yɔ.

Yohanɛɛsɩ 19:28

Yesu nawa se mbʋ́ pɩtɩŋa payɩ pɩɩwɛɛ se pɩla yɔ, pɩlaba lɛ, ɛtɔ se lɔkɔtʋ ɖɛ-m. Ɛyɔɔdɩ ḿbʋ́ se pɩla ɛzɩ pamaʋ Ɛsɔtɔm Takayaɣ taa yɔ.

2 Kɔrɛntɩ 8:16

Đɩsa Ɛsɔ weyi eyeba nɛ Tiiti ñakɩ pana ɖɔɖɔ mɩ-yɔɔ ɛzɩ ɖa yɔ.

Wɩlʋʋ 10:7

Ɛlɛ́, alɩwaatʋ ndʋ́ Ɛsɔ tiyiyu lʋbɛ ñɩnʋ hʋlʋʋ ɛ-ɛgandɩyɛ yɔ, mbʋ́ Ɛsɔ ɖʋwa nɛ pʋwɛɛ mɛsaɣ tɛɛ yɔ, pɩtɛzɩɣ labʋ. Ḿbʋ́ eeheyi ɛ-tʋmlaɖaa mbá pɛkɛ náyaa yɔ.»

Wɩlʋʋ 15:1

Pʋwayɩ lɛ, mana yʋsaɣ sɔsɔɔ lɛɛka nakɛyɛ ɛsɔdaa, kɛfɛyɩ yɔɔdʋʋ: Ɛsɔ tiyiyaa lʋbɛ nabɛyɛ ɖɔkɩ kɛtɛzaɣ kʋñɔmɩŋ lʋbɛ. Ɩnʋ tɛŋna nɛ Ɛsɔ pana hɛɛ.

Wɩlʋʋ 17:13

Pɛwɛnɩ lɩmaɣzɩyɛ kʋɖʋmɖɩyɛ. Ńɖɩ́ lɛ se: paha kpɩnɛ po-ɖoŋ nɛ pa-abalɩtʋ.

Wɩlʋʋ 19:9

Ɛlɛ́, Ɛsɔ tiyiyu heyi-m se: «Ma se: mbá paya-wɛ Heɣa halɩkpaɣyɛ kazandʋ tɔɔnaɣ ɖeɖe yɔ, pehiɣ pa-tɩ!» Ɛtasɩ-m heyuu se: «Tɔm ńdʋ́, tɩkɛ Ɛsɔtɔm maɣmaɣ siŋŋ.»

Wɩlʋʋ 6:11

Peeɖe pɛcɛlɩ paa pa-taa weyi toko kʋhʋlʋmʋʋ kitibuu waaa. Ɛlɛ́, peheyi-wɛ se pɛwɛɛ pe-ɖeɖe nɛ pʋkɔɔ pɩsɩɩnɩ alɩwaatʋ ndʋ́ pɛtɛzɩ kʋʋ pa-taabalaa nɛ mbá pa nɛ wɛ palakɩ tʋmɩyɛ, nɛ pɩɩwɛɛ se pakʋ-wɛ ɛzɩ ḿbá yɔ.