Wɩlʋʋ 17:14 - New Testament

¹⁴ Pɔkɔŋ yonaʋ Heɣa, ɛlɛ́, kawakɩ-wɛ. Mbʋ́ pʋyɔɔ yɔ, kɛkɛ kɩpaɣlaa taa Kɩpaɣlʋ nɛ awiya taa Wiyaʋ. Mbá Ɛsɔ ya-wɛ nɛ ɛlɩzɩ-wɛ nɛ pɔɖɔŋ ɛ-nʋmɔʋ taa nɛ pa nɛ kɛ pɛwɛɛ yɔ, pawakɩ-wɛ ɖɔɖɔ.»

Wɩlʋʋ 17:14 ပူးပေါင်းရင်းမြစ်များ

Maatiyee 22:14

Yesu tasɩ yɔɔdʋʋ ɖɔɖɔ se: «Paya ɛyáa sakɩyɛ, ɛlɛ́, pazɩ palɩzɩɣ pa-taa.»

Maatiyee 25:40

Wiyaʋ kaɣ-wɛ cosuu se: ‹Toovenim lɛ, mankaɖɩɣ-mɩ se: alɩwaatʋ ndʋ́ ɩlabɩ-pʋ mɛ-ɛyáa mbá patakpaɣ-wɛ payaa pʋyʋ yɔ pa-taa nɔɔyʋ yɔ, man-tɩ tɩŋa ɩlaba.›

Maatiyee 28:18

Peeɖe Yesu woba pɔ-cɔlɔ nɛ eheyi-wɛ se: «Ɛsɔ ha-m ɖoŋ tɩŋa payɩ ɛsɔdaa nɛ tataa.

Yohanɛɛsɩ 15:16

Pɩtɛkɛ mɩlɩzɩnɩ-m, ɛlɛ́, ma malɩzɩnɩ-mɩ nɛ mentiyi-mɩ se iwolo ɩla tʋmɩyɛ nɛ ɩwɛnɩ wazaɣ nɛ kɛwɛɛ ḿbʋ́. Peeɖe man-Caa haɣ-mɩ mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ.

Room 1:6

Mbá mɩ Yesu Krɩstʋ ya-mɩ yɔ, ɩwɛ ɖɔɖɔ ɛyáa ḿbá pa-taa.

Room 8:30

Mbá ɛɛɖʋ ɖooo lɔŋ se ɛlakɩ-wɛ ḿbʋ́ yɔ, ɛya-wɛ ɖɔɖɔ, nɛ mbá ɛya-wɛ yɔ, ɛpɩsɩ-wɛ kʋtʋʋzaa, nɛ mbá ɛpɩsɩ-wɛ kʋtʋʋzaa yɔ, eyele nɛ pɛwɛɛ e-Koboyaɣ taa.

Room 8:37

Ɛlɛ́, pɩtɩŋa payɩ pɩ-taa lɛ, pɩtɩŋnɩ weyi ɛsɔɔlɩ-ɖʋ yɔ ɛ-yɔɔ nɛ ɖɩwa kpaagbaa kpem.

1 Kɔrɛntɩ 15:24

Pʋwayɩ lɛ, kɛtɛzaɣ alɩwaatʋ talɩ: alɩwaatʋ ńdʋ́ʋ́ Krɩstʋ kpakɩɣ kewiyaɣ nɛ ɛ́ɖʋzɩ Caa Ɛsɔ nesi taa. Pʋcɔ ɛ́ɖʋzɩ-kɛ lɛ, eɖeziɣ kewiyisi tɩŋa nɛ ɛyáa ɖoŋ nɛ aleewaa ñɩŋ pɩtɩŋa payɩ.

1 Timootee 6:15

Alɩwaatʋ ndʋ́ Ɛsɔ ɖʋwa yɔ tɩtalɩɣ lɛ, eyele nɛ Krɩstʋ pɩsɩ ɛkɔɔ. Ɛnʋ lɛ Ɛsɔ weyi ɛwɛ laŋhɛzɩyɛ taa yɔ. E-ɖeke koŋ ɛcɔŋnɩnɩ pɩtɩŋa pʋ-yɔɔ. Ɛnʋ lɛ awiya taa Wiyaʋ nɛ kɩpaɣlaa taa Kɩpaɣlʋ.

2 Timootee 2:4

Yee sɔɔja nɔɔyʋ ɛwɛ you taa nɛ ɛcaɣ se ɛ-tɔm ɛkɛdɩnɩ ɛ-ñʋʋdʋ yɔ, ɛɛnɩɣnɩ mbʋ́ mbá pɛtɛkɛ sɔɔjanaa yɔ palakɩ yɔ.

1 Pɩyɛ 2:9

Piyele mɩ yɔ, mɩ lɛ liɖe nɖɩ́ Ɛsɔ lɩzaa yɔ ɖɩ-taa ñɩma. Ɩkɛ wiyaʋ sɔsɔ cɔjɔnaa. Mɩ lɛ Ɛsɔ ɛjaɖɛ taa ñɩma, mɩ-ñʋʋ ɛyaba. Mɩ ɛlɩzɩ cɩkpɛndʋʋ taa nɛ ewoni ɛ-ñalɩmɩyɛ nɖɩ́ ɖɩkɩlɩ pɩtɩŋa payɩ yɔ ɖɩ-taa se isusi ɛ-tʋma sɔsɔna tɔm.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa

Wɩlʋʋ 11:7

Pɔkɔŋ pɛtɛ pa-aseɣɖe lɩzʋʋ lɛ, kpɩnɛ nɖɩ́ ɖɩlɩɣnɩ asayʋʋ pɔʋ taa yɔ, ɖiyooni-wɛ nɛ ɖɩwabɩ-wɛ nɛ ɖɩkʋ-wɛ pasɩ.

Wɩlʋʋ 16:14

Ɩkɛ aleewaa feziŋ weyi ɩwɩlɩɣ kawɩlɩsɩ yɔ. Iwoki kedeŋa kpeekpe yɔɔ awiya cɔlɔ se ikpeɣli-wɛ nɛ pala you Ɛsɔ Đoŋ Tɩŋa Tʋ kɩyakʋ sɔsɔʋ wiye.

Wɩlʋʋ 2:10

Sɔɔndʋ ɛtaakpa-wɛ nɛ kʋñɔŋ ŋgʋ́ pɔkɔŋ tɔɔʋ yɔ. Nɩɩ se eleeu kɔŋ ñɛ-ŋgbɛyɛ taa ñɩma nabɛyɛ ɖʋʋ salaka se ɛtakɩ-mɩ nɛ ɛna. Ɩkɔŋ nɩʋ siziŋ kɩyakɩŋ hiu. Ɩla mbʋ́ pʋpɔzʋʋ yɔ nɛ pʋkɔɔ pɩsɩɩnɩ mɩ-sɩm wiye nɛ maha-mɩ wezuu hulaɣ.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.

Wɩlʋʋ 3:21

‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.