Wɩlʋʋ 14:3 - New Testament

³ Ɛyáa ḿbá, peteɣ hendu kɩfatʋ kewiyaɣ kpelaɣ nɛ kpɩna ana a-naanza nɛ sɔsaa pɛ-ɛsɩndaa. Nɔɔyʋ tapɩzɩɣ se ɛkpɛlɩkɩ-tʋ nɛ pɩtasɩnɩ-wɛ. Pa-ñʋʋ paayabɩnɩ tataa.

Wɩlʋʋ 14:3 ပူးပေါင်းရင်းမြစ်များ

1 Kɔrɛntɩ 1:18

Tɔm ndʋ́ posusuu se Krɩstʋ sɩbɩ kaamaŋkaɣ yɔɔ yɔ, mbá pɛwɛ asayʋʋ nʋmɔʋ taa yɔ, panɩɣ-tʋ lɛ, tɩwɛ-wɛ ɛzɩ kɩmɛlɛndʋ tɔm yɔ. Ɛlɛ́, mbá ɖa payakɩ ɖa-ñʋʋ yɔ, tɩkɛnɩ-ɖʋ Ɛsɔ ɖoŋ.

1 Kɔrɛntɩ 2:14

Ɛlɛ́, mbá ɛtaha-wɛ-kʋ yɔ, paapɩzɩɣ petisi toovenim tɔm ndʋ́ kiheyiɣ ɛyáa yɔ. Pamaɣzɩɣ se tɩkɛ kɩmɛlɛndʋ tɔm. Paapɩzɩɣ panɩɩ-tʋ. Mbʋ́ pʋyɔɔ yɔ, mbá Ɛsɔ ha-wɛ e-Fezuu Kiɖeɖeu yɔ pe-ɖeke papɩzɩɣna panɩɩ tɩ-tɔbʋʋ.

Wɩlʋʋ 14:1

Pʋwayɩ lɛ, mantasɩ cɔnaʋ nɛ manaɣ Heɣa sɩŋ Siiyɔɔ pʋʋ yɔɔ, ka nɛ ɛyáa kutokiŋ mɩnʋʋ nɛ nɩɩnaza nɛ naanza. Pama ka-hɩɖɛ nɛ ka-Caa ñɩnɖɛ pe-kila taa.

Wɩlʋʋ 15:3

Peteɣaɣ hendu ndʋ́ Ɛsɔ tʋmlaɖʋ Mooyiizi ketewa yɔ. Ńdʋ́ ɖɔɖɔ Heɣa ketewa. Ńdʋ́ lɛ se: «Kɩpaɣlʋ Ɛsɔ, Đoŋ Tɩŋa Tʋ! Tʋma wena ŋlakɩ yɔ, apaɣlaa kpem, pɩfɛyɩ yɔɔdʋʋ! Ajɛya Wiyaʋ! Ña-nʋmɔŋ tʋʋzaa, ɩnʋ lɛ nʋmɔŋ siŋŋ.

Wɩlʋʋ 2:17

‹Weyi ɛwɛnɩ nɩŋgbaaŋ lɛ, ɛnɩɩ tɔm ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ! ‹Weyi ɛwakɩ yɔ, mahaɣ-ɩ tɔɔnaɣ ŋgá kalɩɣnɩ ɛsɔdaa nɛ payaɣ-kɛ se maanɩ yɔ. Mahaɣ-ɩ ɖɔɖɔ pɩyɛ kʋhʋlʋmɩyɛ. Pama ɖɩ-yɔɔ hɩɖɛ kɩfaɖɛ, nɔɔyʋ tasɩm-ɖɩ nɛ pɩtasɩnɩ weyi pɛcɛlɩɣ-ɩ-ɖɩ yɔ.› »

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.

Wɩlʋʋ 7:4

Peeɖe manɩ mbá pañɩɣ pe-kila taa nesi yɔ pa-ñʋʋ. Pɛkpɛndɩ kutokiŋ mɩnʋʋ nɛ nɩɩnaza nɛ naanza. Pɛwɛ Izrɛɛlɩ cejewee tɩŋa taa: