Wɩlʋʋ 14:12 - New Testament

¹² Cɩnɛ panaɣ ɛzɩma mbʋ́ Ɛsɔ ñɩma mbá pɔɖɔŋ ɛ-paɣtʋ yɔɔ nɛ pɛwɛnɩ lidaʋ Yesu yɔɔ yɔ pɔɖɔkɩ pa-tɩ yɔ.

Wɩlʋʋ 14:12 ပူးပေါင်းရင်းမြစ်များ

2 Timootee 4:7

Malʋbɩ lʋbɩyɛ kɩbanɖɛ nɛ mense nɛ mantalɩ men-seya tɩnaɣ yɔɔ nɛ mɔnɖɔkɩ lidaʋ ŋgʋ́ mɛwɛnɩ Ɛsɔ yɔɔ yɔ.

1 Yohanɛɛsɩ 2:3

Yee ɖɩɖɔŋ Ɛsɔ paɣtʋ yɔɔ camɩyɛ yɔ, pɩwɩlɩɣ toovenim se ɖɩsɩm-ɩ.

Wɩlʋʋ 12:17

Peeɖe ɛ-pana kpanɩ halʋ ɛnʋ nɛ ewolo eyouni e-liɖe taa ñɩma mbá pakazaa yɔ. Ḿbá ɖɔmnɩ Ɛsɔ paɣtʋ yɔɔ nɛ palɩzɩ Yesu yɔɔ aseɣɖe.

Wɩlʋʋ 13:10

Yee pʋɖʋwa se nɔɔyʋ ɛsʋʋ salaka yɔ, ɛsʋʋ ka-taa ɖɔɖɔ. Yee pʋɖʋwa se pakʋ nɔɔyʋ nɛ sɩɣa yɔ, pakʋʋ-ɩ nɛ kɛ ɖɔɖɔ. Pʋnɛ pɩ-taa panaɣ Ɛsɔ ñɩma tɩ ɖɔkʋʋ nɛ pe-lidaʋ wɛnaʋ.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.

Wɩlʋʋ 3:10

Ɛzɩma mbʋ́ meheyi-wɛ se pɔ́ɖɔ́kɩ pa-tɩ nɛ petisi pɔ́ɖɔ́kɩ tɔm ńdʋ́ yɔ, ma ɖɔɖɔ mɔnɖɔkʋʋ-wɛ. Mɔnɖɔkʋʋ-wɛ alɩwaatʋ ndʋ́ pʋkɔŋ takʋʋ kedeŋa kpeekpe yɔɔ ɛyáa se pɩna pa-wayɩ yɔ.

Wɩlʋʋ 3:8

Mansɩm mbʋ́ ñɛ-ŋgbɛyɛ taa ñɩma lakɩ yɔ. Na: mantʋlɩ nɔnɔɔ ŋgá nɔɔyʋ ɛɛpɩzɩɣ ɛɖɩɣ yɔ ñɛ-ɛsɩndaa. Mbʋ́ pʋyɔɔ yɔ, pɛwɛnɩ ɖoŋ pazɩ, ɛlɛ́, pɔɖɔkɩ mɔn-tɔm nɛ pɛtɛkpɛzɩ se patasɩm-m.