Wɩlʋʋ 14:10 - New Testament

¹⁰ pʋdʋ kɔŋ ñɔʋ Ɛsɔ pana sʋlʋm mbʋ́ papɩyɩ ɛ-pana caɖaɣ taa nɛ pataca pɩ-taa pʋyʋ kaʋ se pu-ɖoŋ ɛpasɩ yɔ: pɩtɛ ɛyáa kɔŋ tɔɔʋ kʋñɔŋ siŋŋ miŋ sɔsɔŋ nɛ tɩm pa-taa, Ɛsɔ tiyiyaa cɩɖɩcɩɖɩ ñɩma nɛ Heɣa pɛ-ɛsɩndaa.

Wɩlʋʋ 14:10 ပူးပေါင်းရင်းမြစ်များ

Maatiyee 20:22

Ɛlɛ́, Yesu heyi-wɛ se: «Ɩɩsɩŋ mbʋ́ ɩsʋlʋmʋʋ yɔ. Ɩpɩzɩɣ ɩtɔɔ kʋñɔŋ sɔsɔʋ ŋgʋ́ mɔnkɔŋ tɔɔʋ yɔ?» Peeɖe Yakubu nɛ Yohanɛɛsɩ pocosi-i se: «Ɛɛɛ! Đɩpɩzɩɣ ɖɩtɔɔ-kʋ.»

Maatiyee 25:41

«Ɛkaɣ heyuu ɖɔɖɔ ɛ-nɩmɩyɛ yɔɔ ñɩma se: ‹Ɩkʋyɩ mɔn-cɔlɔ cɩnɛ nɛ ɩɖɛɛ poliŋ, Ɛsɔ wɩlɩ-mɩ kpalʋʋ! Iwolo miŋ weyi eeɖeŋ kaʋ yɔ ɛ-taa. Peeɖe Ɛsɔ ñɔɔzaa nɛ ɛɖaŋnɩ Satanɩ nɛ e-tiyiyaa!

Maatiyee 26:39

Ɛlɛ́, etuzi ɛ-tɩ ɛsɩndaa pazɩ nɛ eluŋ nɛ ɛpa ɛ-ɛsɛ nɛ tɛtʋ nɛ etendi Ɛsɔ se: «Man-Caa! Yee ŋtisiɣ yɔ, taayele nɛ kʋñɔŋ ŋ́gʋ́ kɩtalɩ-m. Ɛlɛ́, la mbʋ́ ñe-liu wɛɛ yɔ, taala mbʋ́ me-liu wɛɛ yɔ.»

Maarkɩ 8:38

Yee fɛyɛ ɛkpa nɔɔyʋ ma nɛ mɔn-tɔm ɖɔ-yɔɔ lɛɛlɛɛyɔ ɛyáa mbá pɛkɛ kɩwɛɛkɩm laɖaa nɛ palakɩ acɛyɛ yɔ pɔ-cɔlɔ yɔ, ɖɩkaɣ kpaʋ ɖɔɖɔ Ɛyʋ Pɩyalʋ pʋdʋ yɔɔ, alɩwaatʋ ndʋ́ ɛ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ yɔ.»

Maarkɩ 9:44

Peeɖe ‹sonzoowe wena atɔkɩ ɛyáa nɛ aasɩkɩ kaʋ yɔ nɛ miŋ weyi eeɖeŋ kaʋ yɔ pɛwɛɛ.›]

Tʋma Labʋ 10:22

Pocosi-i se: «Sɔɔjanaa ñʋʋdʋ Kɔɔrnɛɛyɩ tiyini-ɖʋ. Ɛkɛ ɛyʋ kʋtʋʋzʋ, ɛñaŋ Ɛsɔ nɛ Yuda ñɩma tɩŋa lɩzɩɣ aseɣɖe kɩbanɖɛ ɛ-yɔɔ. Ɛsɔ tiyiyu nɔɔyʋ heyi-i se ɛya-ŋ nɛ ŋwolo ɛ-tɛ nɛ ŋheyi-i ña-taa tɔm.»

2 Tesalooniki 1:7

Piyele mbá mɩ ɩtɔkɩ kʋñɔŋ lɛɛlɛɛyɔ yɔ, ɖa nɛ mɩ ɖɩkɔŋ hɛzʋʋ alɩwaatʋ ndʋ́ Kɩpaɣlʋ Yesu nɛ e-tiyiyaa ɖoŋ ñɩma palɩzɩɣ pa-tɩ ɛsɔdaa nɛ pana-wɛ

Yuudi 1:7

Ɩtɔzɩ ɖɔɖɔ se Sodom tɛtʋ nɛ Gomɔɔrɩ ñɩndʋ nɛ ndʋ́ ndʋ́ tɩñɔtɩnɩ-tʋ yɔ, tɩ-taa ñɩma kalaba ɖɔɖɔ ɛzɩ Ɛsɔ tiyiyaa ḿbá yɔ. Palakaɣ acɛyɛ, halɩ pañɩnɩɣ se pala mbʋ́ pɩfɛyɩ ɛyáa ñɩndʋ taa kpem yɔ. Pʋ-yɔɔ Ɛsɔ hɔm pa-nɩŋgbaaŋ nɛ ɛɖʋ-wɛ miŋ weyi eeɖeŋ kaʋ yɔ ɛ-taa. Ɛlabɩ ḿbʋ́ se ɛyáa tɩŋa ɛna nɛ pakpa pa-tɩ.

Wɩlʋʋ 15:7

Peeɖe kpɩna naanza ana a-taa lɛɛɖɛ cɛlɩ Ɛsɔ tiyiyaa ḿbá pa-lʋbɛ sika caɖasɩ lʋbɛ. Sɩ-taa su Ɛsɔ pana ɖo. Ɛsɔ ɛnʋ ɛwɛnɩ wezuu pɩnzɩ ɛgbaŋ ɛgbaŋ.

Wɩlʋʋ 16:19

Tɛtʋ sɔsɔtʋ tayɩ tam naadozo taa nɛ ajɛya taa ñɩndʋ ñɛkpɛzɩɣ tɩɖakɩ. Ḿbʋ́ Ɛsɔ tɔzɩnɩ Babilooni tɛtʋ sɔsɔtʋ yɔɔ nɛ ɛñɔzɩ tɩ-taa ñɩma ɛ-pana sɔsɔna sʋlʋm caɖaɣ.

Wɩlʋʋ 18:3

Mbʋ́ pʋyɔɔ yɔ, ajɛya kpeekpe taa ɛyáa ñɔ tɩ-acɛyɛ sʋlʋm nɛ pʋkʋʋ-wɛ. Tɩ nɛ kedeŋa yɔɔ awiya palabɩ acɛyɛ nɛ kɔ-yɔɔ tadɩyɛ laɖaa hiɣ ñɩm tɩ-ajana kadadaɣyaɣ yɔɔ.»

Wɩlʋʋ 18:6

Mɩ lɛ, ɩlabɩ-tʋ ɛzɩ tɩlabʋ lɛlaa yɔ, ɩkpa-tʋ kɩmɩyɛ pʋ-tam naalɛ. Ɩpɩyɩ-tʋ sʋlʋm ɖoŋ ñɩmbʋ mbʋ́ pɩpɩyɩ lɛlaa se pʋkʋ-wɛ yɔ pʋ-tam naalɛ.

Wɩlʋʋ 19:15

Sɩɣa ŋgá kɛwɛ lɔŋ yɔ, kalɩɣaɣnɩ ɛ-nɔɔ taa se ɛwabɩnɩ ajɛya taa ñɩma. Ɛ-maɣmaɣ ɛkɔŋ-wɛ ɖiyuu nɛ ɖaʋ ñɩ́ɣ́yʋ́ʋ ñɩŋgʋ. Ɛhɔyʋʋ-wɛ Ɛsɔ Đoŋ Tɩŋa Tʋ pana sɔsɔna pulone taa ɛzɩ pɔhɔyʋʋ tɩŋ weyi popuu i-pee sʋlʋm yɔ i-pee yɔ.

Wɩlʋʋ 19:20

Peeɖe paba kpa kpɩnɛ nɛ weyi ɛcɛtɩɣ se ɛkɛ náyʋ nɛ ɛɛlaba hama lakasɩ ɖɩ-ɛsɩndaa yɔ. Sɩ-yɔɔ ɛtɩŋnaa nɛ ɛcɛtɩ mbá paalabɩ pɔ-yɔɔ kpɩnɛ yʋsaɣ nɛ poluŋuu ɖɩ-sɩʋ kpelaɣ tɛɛ yɔ. Pakpa-wɛ lɛ, pɔlɔ pa-naalɛ nɛ pɛ-ɛsɛ miŋ sɔsɔŋ weyi ɛ-taa wɛ tɩm nɛ ɛmʋʋ siŋŋ yɔ ɛ-taa.

Wɩlʋʋ 20:10

Eleeu weyi epeɣzaɣ-wɛ yɔ, pɛpɛɖɩ-ɩ miŋ sɔsɔŋ weyi ɛ-taa nɛ tɩm yɔ ɛ-taa. Peeɖe kpɩnɛ nɛ weyi ɛcɛtɩɣ se ɛkɛ náyʋ yɔ, pɛwɛɛ. Ḿbʋ́ panazɩɣ-wɛ wɩsɩ nɛ ɖoó pɩnzɩ ɛgbaŋ ɛgbaŋ.

Wɩlʋʋ 20:14

Pɛpɛɖɩ sɩm nɛ ɖenɖe sɩɖaa wɛɛ yɔ miŋ sɔsɔŋ taa. Miŋ sɔsɔŋ ɛnʋ lɛ: sɩm naalɛ ñɩmbʋ.

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»