Wɩlʋʋ 13:16 - New Testament

¹⁶ Điiyeba nɛ payʋsɩ ajamaa nɛ ɖoŋ tɩnaa nɛ ñɩm tɩnaa nɛ kʋñɔndɩnaa nɛ mbá pɛwɛ pa-tɩ yɔɔ yɔ nɛ yomaa patɩŋa payɩ pe-nesi kɩbanzɩ yɔɔ yaa pe-kila taa.

Wɩlʋʋ 13:16 ပူးပေါင်းရင်းမြစ်များ

Tʋma Labʋ 26:22

Ɛlɛ́, Ɛsɔ huuzi mɔ-yɔɔ nɛ pʋkɔɔ pɩtalɩnɩ sɔnɔ nɛ mɛwɛɛ malɩzɩɣ sɔsaa nɛ piya patɩŋa payɩ tɔm ndʋ́ náyaa nɛ Mooyiizi pɔyɔɔdaa se tɩkɔŋ labʋ kpem yɔ tɩ-aseɣɖe. Maayɔɔdʋʋ natʋyʋ nɛ pɩtasɩnɩ-tʋ.

1 Kɔrɛntɩ 12:13

Mbʋ́ pʋyɔɔ yɔ, Fezuu Kiɖeɖeu kʋɖʋmʋʋ ŋ́gʋ́ kɩ-yɔɔ pɩtɩŋnaa nɛ pala ɖatɩŋa payɩ lɩm sɔʋ sɔnzɩ nɛ ɖɩpɩsɩ tomnaɣ kʋɖʋmaɣ. Paa ɖɩkɛ Yuda ñɩma yaa mbá pɛtɛkɛ Yuda ñɩma yɔ, yaa yomaa yaa mbá pɛwɛ pa-tɩ yɔɔ yɔ, ɖatɩŋa payɩ Fezuu kʋɖʋmʋʋ ŋ́gʋ́ kɩ-lɩm ɖɩñɔwa.

Galaatɩ 3:28

Tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, yomaa nɛ mbá pɛtɛkɛ yomaa yɔ, nɛ halaa nɛ abalaa, pɛ-hɛkʋ taa. Mbʋ́ pʋyɔɔ yɔ, mɩtɩŋa payɩ ɩpɩsɩ kʋɖʋm, mɩ nɛ Krɩstʋ Yesu mɩ-kpɛndʋʋ taa.

Galaatɩ 6:17

Pɩkpaɣʋnɩ sɔnɔ yɔ, nɔɔyʋ ɛtaatasɩ-m cɛyʋʋ, mbʋ́ pʋyɔɔ yɔ, tɔndɔlɩŋ weyi ɩwɛ mɔ-yɔɔ yɔ, ɩwɩlɩɣ se mɔntɔɔ kʋñɔŋ Yesu yɔɔ.

Efɛɛzɩ 6:8

Ɩtɛm naʋ se paa pɩɩkɛ yom yaa weyi ɛwɛ ɛ-tɩ yɔɔ yɔ, ɖeu mbʋ́ ɛlaba yɔ, pʋ-yɔɔ Kɩpaɣlʋ hɛyɩɣ-ɩ.

Koloosi 3:11

Yee ḿbʋ́, tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, mbá pɛpɛlɩ-wɛ yɔ nɛ kɩtɛpɛlɩŋ, mbá pɛ-ɛsɛ kulaa yɔ nɛ mbá pa-ñɩna tokuli yɔ, nɛ yomaa nɛ mbá pɛwɛ pa-tɩ yɔɔ yɔ pɛ-hɛkʋ taa. Ɛlɛ́, Krɩstʋ wɛ patɩŋa payɩ pɔ-cɔlɔ nɛ ɛkɛnɩ-wɛ pɩtɩŋa.

2 Timootee 3:8

Ɛzɩma mbʋ́ Yaanɛɛsɩ nɛ Yambrɛɛsɩ paakʋyɩ Mooyiizi yɔɔ yɔ, ḿbʋ́ ɖɔɖɔ ɛyáa ḿbá pakʋyʋʋ mbʋ́ pɩkɛ toovenim yɔ pʋ-yɔɔ. Pɛkɛ mbá pa-ñʋŋ taa wɛɛkaa yɔ. Ɛsɔ takɩɣ-wɛ pe-lidaʋ wɛnaʋ taa se ɛna lɛ, paahɔzʋʋ pʋyʋ:

Wɩlʋʋ 11:18

Ajɛya taa ñɩma pana kakpawa, lɛɛlɛɛyɔ ña-ñɩna ñakpawa! Pɩtalaa se ŋhʋʋnɩ sɩɖaa: ŋhɛyɩɣ ña-tʋmlaɖaa, ḿbá yɔ: náyaa nɛ ña-ñɩma nɛ mbá pañaŋ-ŋ yɔ, paa paakɛ ajamaa yaa ɖoŋ tɩnaa nɛ piyele ŋkʋ mbá paba wɛɛkɩɣ kedeŋa yɔ.»

Wɩlʋʋ 15:2

Đɔɖɔ lɛ, mana nabʋyʋ, pʋwɛ ɛzɩ teŋgu yɔ, pɩñɩlɩzɩɣ ɛzɩ ñɩnʋʋ yɔ, pisidini miŋ. Mana ɖɔɖɔ mbá pawabɩ kpɩnɛ nɛ ɖɩ-sɩʋ kpelaɣ nɛ ɖɩ-hɩɖɛ ñʋʋ yɔ, pasɩŋ teŋgu ŋ́gʋ́ kʋ-nɔɔ. Pɔɖɔkɩ pe-nesi taa Ɛsɔ cɩmɩŋ.

Wɩlʋʋ 19:18

Ɩkɔɔ ɩtɔɔ awiya sɔsɔna nɛ sɔɔjanaa sɔsaa nɛ ɖoŋ tɩnaa nɛ kpaŋnaŋ nɛ ɩ-yɔɔ caɣyaa nɛ mbá pɛwɛ pa-tɩ yɔɔ yɔ nɛ yomaa nɛ ajamaa nɛ ɖoŋ tɩnaa patɩŋa payɩ pa-nandʋ.»

Wɩlʋʋ 19:20

Peeɖe paba kpa kpɩnɛ nɛ weyi ɛcɛtɩɣ se ɛkɛ náyʋ nɛ ɛɛlaba hama lakasɩ ɖɩ-ɛsɩndaa yɔ. Sɩ-yɔɔ ɛtɩŋnaa nɛ ɛcɛtɩ mbá paalabɩ pɔ-yɔɔ kpɩnɛ yʋsaɣ nɛ poluŋuu ɖɩ-sɩʋ kpelaɣ tɛɛ yɔ. Pakpa-wɛ lɛ, pɔlɔ pa-naalɛ nɛ pɛ-ɛsɛ miŋ sɔsɔŋ weyi ɛ-taa wɛ tɩm nɛ ɛmʋʋ siŋŋ yɔ ɛ-taa.

Wɩlʋʋ 19:5

Pɩkɛdaa lɛ, manɩɣ pʋyɔɔdʋʋnɩ kewiyaɣ kpelaɣ yɔɔ se: «Mbá mɩ mɩtɩŋa payɩ ɩkɛ ɖɛ-Ɛsɔ tʋmlaɖaa nɛ ɩsɔɔndʋʋ-ɩ yɔ, ajamaa nɛ ɖoŋ tɩnaa ɩsam-ɩ!»

Wɩlʋʋ 20:12

Mana ɖɔɖɔ sɩɖaa: ɖoŋ tɩnaa nɛ ajamaa pasɩŋ kewiyaɣ kpelaɣ ŋ́gá kɛ-ɛsɩndaa. Pukuli takayɩsɩ nasɩyɩ. Pukuli lɛɛka ɖɔɖɔ, ŋ́gá lɛ wezuu takayaɣ. Mbʋ́ sɩɖaa laba yɔ, pʋ-tɔm paama takayɩsɩ ńzɩ́ sɩ-taa, pʋ-yɔɔ pahʋʋnɩ-wɛ.

Wɩlʋʋ 20:4

Mana ɖɔɖɔ kewiyisi kpelisi nasɩyɩ: mbá powokaɣ pacakɩ sɩ-yɔɔ yɔ, paha-wɛ ɖoŋ se pahʋʋnɩ ɛyáa tɔm. Đɔɖɔ lɛ, mana mbá pɛsɛtɩ pa-ñʋŋ yɔ pa-ciyamnaa. Paakʋ-wɛ, mbʋ́ pʋyɔɔ yɔ, palɩzaɣ Yesu aseɣɖe nɛ posusuu Ɛsɔtɔm. Ḿbá taaluŋni kpɩnɛ yaa ɖɩ-sɩʋ kpelaɣ pɛ-tɛɛ, patala pe-kila taa yaa pe-nesi yɔɔ ɖɩ-yʋsaɣ. Pefema nɛ pa nɛ Krɩstʋ pɔtɔɔ kewiyaɣ pɩnzɩ kutoku.

Wɩlʋʋ 6:15

Piyele kedeŋa yɔɔ awiya sɔsɔna nɛ ñʋndɩnaa nɛ sɔɔjanaa ñʋndɩnaa nɛ ñɩm tɩnaa nɛ ɖoŋ tɩnaa nɛ yomaa nɛ mbá pɛwɛ pa-tɩ yɔɔ yɔ, patɩŋa payɩ pɛmɛlɩɣ pɔŋ nɛ pʋŋ ɛwasɩ pa-taa.

Wɩlʋʋ 7:3

«Ɩtaawɛɛkɩ tataa yaa teŋgu taa yaa tɩŋ yɔɔ nabʋyʋ nɛ pʋkɔɔ pɩsɩɩnɩ alɩwaatʋ ndʋ́ ɖɩñɩɣ nesi ɖɛ-Ɛsɔ tʋmlaɖaa kila taa yɔ.»