Wɩlʋʋ 13:14 - New Testament

¹⁴ Đɩcɛzaɣ kedeŋa yɔɔ ɛyáa nɛ hama lakasɩ nzɩ́ coojo ha-ɖɩ waɖɛ se ɖɩla kajalaɣ ñɩnɖɛ ɛsɩndaa yɔ. Điheyaɣ-wɛ ɖɔɖɔ se pama sɩʋ kpelaɣ nakɛyɛ nɛ paɖʋnɩ kpɩnɛ nɖɩ́ paalom sɩɣa nɛ ɖɩɖaɣnɩ wɛʋ wezuu yɔ hɩɖɛ.

Wɩlʋʋ 13:14 ပူးပေါင်းရင်းမြစ်များ

2 Tesalooniki 2:4

Ɛkɔŋ kpazʋʋ ɛ-tɩ se ɛkɩlɩ mbʋ́ pɩtɩŋa payɩ ɛyáa kpakɩɣ se Ɛsɔ yɔ yaa poluŋuu pɩ-tɛɛ yɔ. Halɩ ewoki ɛsʋʋ Ɛsɔ ɖɩɣa taa nɛ ɛcaɣ se ɛ-maɣmaɣ lɛ Ɛsɔ.

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.

Wɩlʋʋ 13:1

Pʋwayɩ lɛ, mana kpɩnɛ naɖɩyɛ, ɖɩlɩɣaɣnɩ teŋgu taa. Đɩñɔ hɩŋ hiu nɛ ɖɩwɛnɩ ñʋŋ lʋbɛ. Paa hɩlʋʋ ŋgʋ́ kʋ-nɔɔ taa nɛ awiya hulaɣ, pama paa ñʋʋ ŋgʋ́ kʋ-yɔɔ hɩla wena atʋʋ Ɛsɔ yɔ.

Wɩlʋʋ 13:15

Ɛha-ɖɩ waɖɛ se ɖɩla nɛ sɩʋ kpelaɣ ŋgá pama ɛzɩ kajalaɣ kpɩnɛ ńɖɩ́ yɔ, kɛwɛɛ wezuu nɛ kɔyɔɔdɩ nɛ kala nɛ mbá patɩŋa payɩ paaluŋuu kɛ-tɛɛ yɔ, pasɩ.

Wɩlʋʋ 13:8

Pʋ-yɔɔ kedeŋa yɔɔ ɛyáa kpeekpe kɔŋ luŋuu ɖɩ-tɛɛ. Ḿbá lɛ mbá patɩŋa payɩ patama pa-hɩla wezuu takayaɣ taa ɖooo ɛzɩ Ɛsɔ labʋ kedeŋa yɔ. Takayaɣ ŋ́gá lɛ Heɣa ŋgá palawa yɔ ka-ñɩŋga.

Wɩlʋʋ 14:11

Miŋ sɔsɔŋ ɛnʋ, ɛ-ñɔsɩ ñɛyɩɣ pɩnzɩ ɛgbaŋ ɛgbaŋ. Mbá poluŋuu kpɩnɛ nɛ ɖɩ-sɩʋ kpelaɣ pɛ-tɛɛ yɔ nɛ mbá palabɩ pɔ-yɔɔ ɖɩ-hɩɖɛ yʋsaɣ yɔ, paahɛzɩɣ wɩsɩ nɛ ɖoó.»

Wɩlʋʋ 14:9

Peeɖe mana tozo tʋ, ɛtɩŋaɣ kajalaɣ ñɩma wayɩ nɛ eholuu ɖoŋ se: «Yee nɔɔyʋ eluŋ kpɩnɛ nɛ ɖɩ-sɩʋ kpelaɣ pɛ-tɛɛ nɛ pala e-kiɖe taa yaa e-nesi yɔɔ yʋsaɣ yɔ,

Wɩlʋʋ 15:2

Đɔɖɔ lɛ, mana nabʋyʋ, pʋwɛ ɛzɩ teŋgu yɔ, pɩñɩlɩzɩɣ ɛzɩ ñɩnʋʋ yɔ, pisidini miŋ. Mana ɖɔɖɔ mbá pawabɩ kpɩnɛ nɛ ɖɩ-sɩʋ kpelaɣ nɛ ɖɩ-hɩɖɛ ñʋʋ yɔ, pasɩŋ teŋgu ŋ́gʋ́ kʋ-nɔɔ. Pɔɖɔkɩ pe-nesi taa Ɛsɔ cɩmɩŋ.

Wɩlʋʋ 16:13

Peeɖe mana feziŋ kɩdɛkɛdɩŋ nɩɩyɩ naadozo, ɩwɛ ɛzɩ sayɛɛ yɔ. Ɩlɩɣaɣnɩ coojo nɛ kpɩnɛ nɛ weyi ɛcɛtɩɣ se ɛkɛ náyʋ yɔ pɔ-nɔsɩ taa.

Wɩlʋʋ 16:2

Peeɖe kajalaɣ tʋ woba nɛ ehuti ɛ-caɖaɣ kedeŋa yɔɔ nɛ piyele kɩcɩkpɩŋ kɩdɛkɛdɩŋ weyi ɩnazɩɣ ɛyáa yɔ, ɩkpa mbá palabɩ pɔ-yɔɔ kpɩnɛ yʋsaɣ nɛ poluŋuu ɖɩ-sɩʋ kpelaɣ tɛɛ yɔ.

Wɩlʋʋ 18:23

Kanɖʋnaa ñalɩmɩyɛ ɛɛtasɩɣ naʋ. Paatasɩɣ nɩʋ mbá pakpaɣ ɖama fam nɛ fam yɔ pa-taŋ. Mbʋ́ pʋyɔɔ yɔ: tɩ-taa tadɩyɛ laɖaa kɛkɛnɩ sɔsaa kedeŋa yɔɔ, nɛ tiyili ajɛya tɩŋa payɩ nɛ ti-efeletu.

Wɩlʋʋ 19:20

Peeɖe paba kpa kpɩnɛ nɛ weyi ɛcɛtɩɣ se ɛkɛ náyʋ nɛ ɛɛlaba hama lakasɩ ɖɩ-ɛsɩndaa yɔ. Sɩ-yɔɔ ɛtɩŋnaa nɛ ɛcɛtɩ mbá paalabɩ pɔ-yɔɔ kpɩnɛ yʋsaɣ nɛ poluŋuu ɖɩ-sɩʋ kpelaɣ tɛɛ yɔ. Pakpa-wɛ lɛ, pɔlɔ pa-naalɛ nɛ pɛ-ɛsɛ miŋ sɔsɔŋ weyi ɛ-taa wɛ tɩm nɛ ɛmʋʋ siŋŋ yɔ ɛ-taa.

Wɩlʋʋ 2:10

Sɔɔndʋ ɛtaakpa-wɛ nɛ kʋñɔŋ ŋgʋ́ pɔkɔŋ tɔɔʋ yɔ. Nɩɩ se eleeu kɔŋ ñɛ-ŋgbɛyɛ taa ñɩma nabɛyɛ ɖʋʋ salaka se ɛtakɩ-mɩ nɛ ɛna. Ɩkɔŋ nɩʋ siziŋ kɩyakɩŋ hiu. Ɩla mbʋ́ pʋpɔzʋʋ yɔ nɛ pʋkɔɔ pɩsɩɩnɩ mɩ-sɩm wiye nɛ maha-mɩ wezuu hulaɣ.

Wɩlʋʋ 20:10

Eleeu weyi epeɣzaɣ-wɛ yɔ, pɛpɛɖɩ-ɩ miŋ sɔsɔŋ weyi ɛ-taa nɛ tɩm yɔ ɛ-taa. Peeɖe kpɩnɛ nɛ weyi ɛcɛtɩɣ se ɛkɛ náyʋ yɔ, pɛwɛɛ. Ḿbʋ́ panazɩɣ-wɛ wɩsɩ nɛ ɖoó pɩnzɩ ɛgbaŋ ɛgbaŋ.

Wɩlʋʋ 3:10

Ɛzɩma mbʋ́ meheyi-wɛ se pɔ́ɖɔ́kɩ pa-tɩ nɛ petisi pɔ́ɖɔ́kɩ tɔm ńdʋ́ yɔ, ma ɖɔɖɔ mɔnɖɔkʋʋ-wɛ. Mɔnɖɔkʋʋ-wɛ alɩwaatʋ ndʋ́ pʋkɔŋ takʋʋ kedeŋa kpeekpe yɔɔ ɛyáa se pɩna pa-wayɩ yɔ.