Wɩlʋʋ 12:9 - New Testament

⁹ Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.

Wɩlʋʋ 12:9 ပူးပေါင်းရင်းမြစ်များ

Maatiyee 13:39

Koyindu weyi ɛ́lɛ́ ɖu ñɩyʋʋ ɛzaɣ́ʋ ŋ́gʋ́ yɔ, ɛnʋ lɛ Satanɩ. Kʋmtʋ lɛ kedeŋa tɛm nɛ kʋnɖaa lɛ Ɛsɔ tiyiyaa.

Maatiyee 24:24

Mbʋ́ pʋyɔɔ yɔ, mbá pɛcɛtɩɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pɔkɔŋ lɩʋ nɛ pawɩlɩ kawɩlɩsɩ sɔsɔsɩ nɛ pala hama lakasɩ sɔsɔsɩ nɛ halɩ yee papɩzɩɣ yɔ, pɛcɛtɩ mbá Ɛsɔ lɩzaa se pɛkɛ ɛ-ñɩma yɔ.

Maatiyee 25:41

«Ɛkaɣ heyuu ɖɔɖɔ ɛ-nɩmɩyɛ yɔɔ ñɩma se: ‹Ɩkʋyɩ mɔn-cɔlɔ cɩnɛ nɛ ɩɖɛɛ poliŋ, Ɛsɔ wɩlɩ-mɩ kpalʋʋ! Iwolo miŋ weyi eeɖeŋ kaʋ yɔ ɛ-taa. Peeɖe Ɛsɔ ñɔɔzaa nɛ ɛɖaŋnɩ Satanɩ nɛ e-tiyiyaa!

Maatiyee 4:1

Pʋwayɩ lɛ, Fezuu Kiɖeɖeu tolisi Yesu nɛ kiwoni-i lakʋ taa se Satanɩ ɛtakɩ-ɩ.

Maatiyee 4:10

Yesu heyi-i se: «Satanɩ ɖɛɛ mɔ-yɔɔ! Mbʋ́ pʋyɔɔ yɔ, pama Ɛsɔtɔm Takayaɣ taa se: ‹Ña-Kɩpaɣlʋ Ɛsɔ ɖeke koŋ tɛɛ pʋwɛɛ se ŋluŋ nɛ ŋla ɛ-tʋmɩyɛ.› »

Maatiyee 4:5

Yesu cosi-i ḿbʋ́ lɛ, Satanɩ ɛnʋ ɛkpaɣ-ɩ ewoni-i Ɛsɔ tɛtʋ taa nɛ ɛkpazɩ-ɩ ɖooo Ɛsɔ ɖɩɣa ñʋʋ taa

Maatiyee 4:8

Ecosi ḿbʋ́ lɛ, Satanɩ ɛnʋ ɛtasɩ-ɩ kpaɣʋ nɛ ewoni-i pʋʋ ŋgʋ́ kʋkʋyɩ siŋŋ yɔ kʋ-ñʋʋ taa nɛ ɛwɩlɩ-ɩ kedeŋa yɔɔ ajɛya kpeekpe nɛ a-koboyaɣ

Luka 10:18

Peeɖe Yesu cosi-wɛ se: «Mana Satanɩ, ɛlɩnɩ ɛsɔdaa nɛ ɛtɔlɩ ɛzɩ tɛʋ ñɩlɩsʋʋ yɔ.

Luka 13:16

Halʋ ɛnɛ, ɛkɛ Abraham sayɩ weyi Satanɩ ɖʋ-ɩ kʋñɔŋ pɩnzɩ hiu nɛ lutozo yɔ. Pɩtaamʋnɩ se malɩzɩ-ɩ kʋñɔŋ ŋ́gʋ́ kɩ-taa kɩyakʋ kɩhɛzʋʋ wiye yaa we?»

Luka 22:3

Peeɖe Satanɩ lɩmaɣza sʋ Yudaasɩ weyi pakʋm-ɩ hɩɖɛ se Iskarɩyɔɔtɩ yɔ ɛ-taa. Ɛkɛ ɖɔɖɔ Yesu tɔmkpɛlɩkɩyaa hiu nɛ naalɛ taa lɛlʋ.

Luka 22:31

Peeɖe Yesu heyi Pɩyɛ se: «Siimɔɔ! Siimɔɔ! Tɩlɩ se Satanɩ pɔzɩ Ɛsɔ nʋmɔʋ se ɛtakɩ-mɩ ɛzɩ pafalʋʋ mɩla yɔ nɛ ɛna.

Luka 8:12

Ɛyáa nabɛyɛ wɛɛ, panɩɣ Ɛsɔtɔm ńdʋ́ lɛ, Satanɩ tɩŋ ɛhɔɔzɩ-tʋ pa-taa se pataakɔɔ petisi nɛ pehiɣ ñʋʋ yabʋ. Ḿbá wɛnɩ ɛzɩ nʋmɔʋ nɔɔ ɖenɖe pee tɔlaa yɔ.

Yohanɛɛsɩ 12:31

Lɛɛlɛɛyɔ, alɩwaatʋ talaa se pahʋʋnɩ kedeŋa ñɩma. Lɛɛlɛɛyɔ, pʋwɛɛ se pɔɖɔɔnɩ kedeŋa wiyaʋ.

Yohanɛɛsɩ 14:30

Maatasɩɣ-mɩ yɔɔdɩnaʋ nɛ pʋɖɔɔ, mbʋ́ pʋyɔɔ yɔ, kedeŋa wiyaʋ ɛzaɣ́ʋ alɩwaatʋ talaa. Ɛfɛyɩnɩ ɖoŋ nɩɩyɩ mɔ-yɔɔ.

Yohanɛɛsɩ 16:11

Ɛwɩlɩɣ-wɛ ɛzɩma mbʋ́ Ɛsɔ hʋʋ tɔm yɔ, ḿbʋ́ lɛ se ɛtɛm hʋnaʋ kedeŋa wiyaʋ.

Yohanɛɛsɩ 8:44

Mɩ-caa lɛ eleeu. Mbʋ́ e-liu wɛɛ yɔ, ḿbʋ́ ɩsɔɔlɩ labʋ. Ɛkɛ ɛyáa kʋyʋ ɖooo kiɖe tɛɛ. Ɛɛɖɔŋ toovenim nʋmɔʋ taa, mbʋ́ pʋyɔɔ yɔ, toovenim ḿbʋ́, pɩfɛyɩ ɛ-taa. Ɛkʋyʋʋ cɛtʋʋ lɛ, ɛyɔɔdʋʋ ɛzɩ ɛ-maɣmaɣ ɛwɛʋ yɔ: ɛkɛ cɛtɩyʋ, ɛ-cɔlɔ cɛtɩm lɩɣna.

Tʋma Labʋ 26:18

Mentiyiɣ-ŋ se ŋwolo ŋkuli pɛ-ɛsɛ nɛ ŋlɩzɩ-wɛ cɩkpɛndʋʋ taa nɛ ŋwoni-wɛ ñalɩmɩyɛ taa. Lɩzɩ-wɛ ɖɔɖɔ Satanɩ nesi taa nɛ ŋwoni-wɛ Ɛsɔ cɔlɔ. Yee pɛwɛnɩ lidaʋ mɔ-yɔɔ lɛ, Ɛsɔ kpeɣ-wɛ pa-kɩwɛɛkɩm nɛ ɛha-wɛ ñɩm mbʋ́ ɛsɩwa se ɛhaɣ ɛ-ñɩma yɔ.› »

Tʋma Labʋ 5:3

Peeɖe Pɩyɛ pɔzɩ-ɩ se: «Anaanɩyaasɩ! Pɩlabɩ ɛzɩma nɛ ŋyele nɛ Satanɩ peɣzi-ŋ nɛ halɩ ŋcɛtɩnɩ Fezuu Kiɖeɖeu taa nɛ ŋsɩɩ ña-tɩ tɛtʋ ndʋ́ ŋpɛdaa yɔ ti-liidiye hɔɔlʋʋ lɛɛkʋ?

Room 16:18

Mbʋ́ pʋyɔɔ yɔ, pɩtɛ ɛyáa ḿbá, paalakɩ ɖa-Kɩpaɣlʋ Krɩstʋ tʋmɩyɛ. Ɛlɛ́, pe-hiliŋ taa ɖeke pɔcɔŋna nɛ palakɩ nɔɔ leleŋ nɛ pɛcɛtɩɣnɩ mbá patasɩmdɩ pʋyʋ yɔ.

Room 16:20

Ŋgʋ́, Ɛsɔ weyi ɛhɛzɩɣ ɛyáa laŋa yɔ, ɛkɔŋ Satanɩ nuutuu alɩwaatʋ pazɩ taa nɛ efiɣni nɛ eluzi-i mɩ-tɛɛ. Đa-Kɩpaɣlʋ Yesu ɛlabɩ-mɩ lootiye.

2 Kɔrɛntɩ 11:14

Tɔm tʋnɛ tɩfɛyɩ piti. Mbʋ́ pʋyɔɔ yɔ, Satanɩ maɣmaɣ ñapɩsɩɣ ɛ-tɩ Ɛsɔ tiyiyu weyi ɛñɩlɩsɩɣ yɔ.

2 Kɔrɛntɩ 11:3

Ɛlɛ́, sɔɔndʋ kpaɣ-m se ɛzɩma mbʋ́ ɖʋm kowobi ɛcɛtɩ Ɛɛvɩ nɛ ɛ-lɛɣtʋ yɔ, nɔɔyʋ ɛɛtaakɔɔ eliɣti mɩ-lɩmaɣza nɛ iyele Krɩstʋ weyi ɩsɔɔlɩ-ɩ nɛ mɩ-laŋɩyɛ tɩŋa yem fɛɛɛ yɔ.

2 Kɔrɛntɩ 12:7

Pʋ-yɔɔ lɛ, pʋcɔ mantaakpazɩ man-tɩ mbʋ́ mbʋ́ Ɛsɔ wɩlɩ-m yɔ pʋ-yɔɔ lɛ, paɖʋ-m kʋdɔŋ nɛ kɩsalɩɣ-m, ŋ́gʋ́ lɛ Satanɩ tiyiyu.

2 Kɔrɛntɩ 2:11

Malabɩ ḿbʋ́ se Satanɩ ɛtaawɛnɩ waɖɛ ɖɔ-yɔɔ. Mbʋ́ pʋyɔɔ yɔ, ɖɩtɛm sɩm mbʋ́ ɛcaɣ labʋ yɔ.

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

Efɛɛzɩ 4:14

Ḿbʋ́ yekina nɛ ɖɩɩtasɩɣ kɛʋ piya nzɩ́ pawɩlɩɣ-sɩ nɛ sɩɩsɩŋ mbʋ́ sɩla nɛ peyiliɣ-sɩ nɛ pʋcɔzʋʋ-sɩ yem yem yɔ.

2 Tesalooniki 2:3

Ɩtaayele nɛ nɔɔyʋ yili-mɩ natʋyʋ taa kaʋ. Mbʋ́ pʋyɔɔ yɔ, pʋcɔ kɩyakʋ ŋ́gʋ́ kɩtalɩ lɛ, ɛyáa haɣ Ɛsɔ siɣ́ye nɛ Kañadʋ weyi ɛkɔŋ tɛmnaʋ asayʋʋ yɔ, ɛlɩzɩ ɛ-tɩ nɛ pana-ɩ.

1 Timootee 2:14

Pɩtɛkɛ Aɖam pɛcɛtaa, ɛlɛ́, halʋ pɛcɛtaa nɛ eyele ɖɔm mbʋ́ Ɛsɔ ɖʋwa yɔ pʋ-yɔɔ.

2 Timootee 3:13

Ɛlɛ́, kañadɩnaa nɛ cɛtɩyaa pɛtɛzɩɣ labʋ kɩdɛkɛdɩm nɛ pɛcɛtɩ lɛlaa, ɛlɛ́ pɔkɔŋ pa-maɣmaɣ cɛtʋʋ.

Ebree 2:14

Yee ḿbʋ́, ɛzɩma mbʋ́ ɛyáa ḿbá pɛkɛ kedeŋa yɔɔ cɩnɛ ñɩma yɔ, ḿbʋ́ ɖɔɖɔ Yesu ɛnʋ ɛ-maɣmaɣ ɛkɔm ɛzɩ ɛyʋ yɔ nɛ ɛkɔɔ ɛsɩ. Ɛlabɩ ḿbʋ́ se ɛpɩsɩ weyi ɛɛɖɔkɩ sɩm ɖoŋ yɔ ɛjam: ɛnʋ lɛ Satanɩ.

1 Pɩyɛ 5:8

Ɩcaɣnɩ mɩ-ɛsɛ! Ɩwɛɛ kpekpeka! Mi-koyindu Satanɩ wɛɛ ɛcɔʋ. Ɛñɩnɩɣ se ɛkpa nɔɔyʋ ɛzɩ ñɔɔsɩ wɩɣʋ tɔɔyʋʋ nɛ kɩmakɩ kubusi nɛ kɩñɩnɩɣ pʋyʋ se kʋtɔɔ yɔ.

1 Yohanɛɛsɩ 5:19

Đɩnawa se ɖɩkɛ Ɛsɔ ñɩma nɛ piyele kedeŋa ñɩma tɩŋa payɩ ñɛwɛɛ Satanɩ nesi taa.

Yuudi 1:9

Ŋgʋ́, Ɛsɔ tiyiyu sɔsɔ Miicɛɛlɩ maɣmaɣ taatʋʋ Satanɩ alɩwaatʋ ndʋ́ Mooyiizi sɩba nɛ ɛ nɛ ɩ poyou yɔ. Pɔhɔŋaɣnɩ ɖama tɔm se pana weyi ɛkpakɩɣ-ɩ yɔ. Pɩtatɩɩlabɩ-ɩ se ɛhʋʋnɩ-ɩ nɛ ɛtʋʋ-ɩ. Ɛlɛ́, eheyi-i yem se: «Kɩpaɣlʋ ɛɖʋ-ŋ kʋñɔŋ!»

Wɩlʋʋ 12:12

Pʋ-yɔɔ lɛ, ɛsɔdaa nɛ mbá mɩ ɩwɛ peeɖe yɔ, mɩ-taa ɛhʋlʋmɩ! Mbá mɩ ɩwɛ tɛtʋ yɔɔ nɛ teŋgu taa yɔ, pʋtɔɔ-mɩ! Mbʋ́ pʋyɔɔ yɔ, eleeu tibi mɩ-cɔlɔ. Ɛnawa se alɩwaatʋ pazɩ yem pɩkazɩ-ɩ, pʋ-yɔɔ ɛ-pana kpawa pɩŋŋ.»

Wɩlʋʋ 12:3

Ɩna! Pɩwɩlɩ ɖɔɖɔ kawɩlɩsɩ lɛɛsɩ ɛsɔdaa: coojo sɔsɔ nɔɔyʋ, ɛsɛ cɩɩɩ ɛzɩ miŋ yɔ. Ɛwɛnɩ ñʋŋ lʋbɛ nɛ hɩŋ hiu nɛ ɛpa hulaɣ paa ɛ-ñʋʋ ŋgʋ́ kɩ-taa.

Wɩlʋʋ 12:7

Peeɖe you nakʋyʋ pazɩ ɛsɔdaa. Miicɛɛlɩ nɛ e-tiyiyaa poyouni coojo nɛ coojo nɛ ɛ́lɛ́ ñɩma paba ñoyouni-wɛ.

Wɩlʋʋ 12:8

Ɛlɛ́, Miicɛɛlɩ nɛ e-tiyiyaa pawabɩ-wɛ. Pʋ-yɔɔ pɔɖɔnɩ-wɛ ɛsɔdaa nɛ patatasɩ wɛnaʋ ɖɩjaɣyɛ peeɖe.

Wɩlʋʋ 13:14

Đɩcɛzaɣ kedeŋa yɔɔ ɛyáa nɛ hama lakasɩ nzɩ́ coojo ha-ɖɩ waɖɛ se ɖɩla kajalaɣ ñɩnɖɛ ɛsɩndaa yɔ. Điheyaɣ-wɛ ɖɔɖɔ se pama sɩʋ kpelaɣ nakɛyɛ nɛ paɖʋnɩ kpɩnɛ nɖɩ́ paalom sɩɣa nɛ ɖɩɖaɣnɩ wɛʋ wezuu yɔ hɩɖɛ.

Wɩlʋʋ 16:14

Ɩkɛ aleewaa feziŋ weyi ɩwɩlɩɣ kawɩlɩsɩ yɔ. Iwoki kedeŋa kpeekpe yɔɔ awiya cɔlɔ se ikpeɣli-wɛ nɛ pala you Ɛsɔ Đoŋ Tɩŋa Tʋ kɩyakʋ sɔsɔʋ wiye.

Wɩlʋʋ 18:2

Eholaɣ ɖoŋ se: «Tɩtɔlaa! Babilooni tɛtʋ sɔsɔtʋ tɔlaa! Tɩpɩsɩ aleewaa ɖɩjaɣyɛ. Peeɖe feziŋ kɩdɛkɛdɩŋ tɩŋa nɛ sumasɩ kɩdɛkɛdɩsɩ nɛ nzɩ́ ɛyáa ɛɛcaɣ kpem yɔ patɩŋa pɛwɛɛ.

Wɩlʋʋ 18:23

Kanɖʋnaa ñalɩmɩyɛ ɛɛtasɩɣ naʋ. Paatasɩɣ nɩʋ mbá pakpaɣ ɖama fam nɛ fam yɔ pa-taŋ. Mbʋ́ pʋyɔɔ yɔ: tɩ-taa tadɩyɛ laɖaa kɛkɛnɩ sɔsaa kedeŋa yɔɔ, nɛ tiyili ajɛya tɩŋa payɩ nɛ ti-efeletu.

Wɩlʋʋ 19:20

Peeɖe paba kpa kpɩnɛ nɛ weyi ɛcɛtɩɣ se ɛkɛ náyʋ nɛ ɛɛlaba hama lakasɩ ɖɩ-ɛsɩndaa yɔ. Sɩ-yɔɔ ɛtɩŋnaa nɛ ɛcɛtɩ mbá paalabɩ pɔ-yɔɔ kpɩnɛ yʋsaɣ nɛ poluŋuu ɖɩ-sɩʋ kpelaɣ tɛɛ yɔ. Pakpa-wɛ lɛ, pɔlɔ pa-naalɛ nɛ pɛ-ɛsɛ miŋ sɔsɔŋ weyi ɛ-taa wɛ tɩm nɛ ɛmʋʋ siŋŋ yɔ ɛ-taa.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.

Wɩlʋʋ 2:24

‹Ɛlɛ́, meheyiɣ Tiyaatiiri ñɩma mbá mɩ ɩɩɖɔŋ tɔm ńdʋ́ tɩ-yɔɔ ɛzɩ lɛlaa yɔ nɛ ɩtatazɩ Satanɩ ñɩndʋ ndʋ́ lɛlaa mbá pɔtɔŋ se tɩ-taa wɛ cukaŋ yɔ tɩ-taa yɔ se maatasɩɣ-mɩ sɔzʋʋ sʋʋtʋ natʋyʋ.

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!

Wɩlʋʋ 20:10

Eleeu weyi epeɣzaɣ-wɛ yɔ, pɛpɛɖɩ-ɩ miŋ sɔsɔŋ weyi ɛ-taa nɛ tɩm yɔ ɛ-taa. Peeɖe kpɩnɛ nɛ weyi ɛcɛtɩɣ se ɛkɛ náyʋ yɔ, pɛwɛɛ. Ḿbʋ́ panazɩɣ-wɛ wɩsɩ nɛ ɖoó pɩnzɩ ɛgbaŋ ɛgbaŋ.

Wɩlʋʋ 20:8

Ɛlɩɣ lɛ, epeɣzi Gɔɔgɩ nɛ Maagɔɔgɩ, pʋ-tɔbʋʋ se kedeŋa kpeekpe yɔɔ ajɛya taa ñɩma. Ekpeɣliɣ-wɛ se pala you. Pɔɖɔ ɛzɩ teŋgu nɔɔ kañɩŋa yɔ.

Wɩlʋʋ 3:9

Na! Mɔnkɔŋ ɖʋzʋʋ Satanɩ ŋgbɛyɛ taa ñɩma nabɛyɛ pe-nesi taa. Pɔtɔŋ se pɛkɛ Yuda ñɩma, ɛlɛ́, pɛtɛkɛ ḿbʋ́, pɛkɛ cɛtɩyaa. Na! Mɔnkɔŋ yebu nɛ pɔkɔɔ poluŋ ñɛ-tɛɛ nɛ pɔyɔɔdɩnɩ pɔ-nɔsɩ se mɔnsɔɔlɩ-ŋ.

Wɩlʋʋ 9:1

Kagbaanzɩ ñɩnʋ hʋlɩ ɛgandɩyɛ lɛ, mana tɩɩŋa nakɛyɛ, kɛkpɛzɩnɩ ɛsɔdaa nɛ kɔtɔlɩ kedeŋa yɔɔ. Pɛcɛlɩ-kɛ asayʋʋ pɔʋ nɔnɔɔ ñɩmɩyɛ.

Wɩlʋʋ 9:20

Piyele ɛyáa mbá pɩkazɩ kedeŋa yɔɔ se kʋñɔmɩŋ ɩnʋ ɩtakʋ-wɛ yɔ, peteyele mbʋ́ palaɣkaɣ yɔ. Peteyele aleewaa nɛ sɩʋ kpelisi nzɩ́ palabɩnɩ sika nɛ nzɩ́ palabɩnɩ liidiye nɛ nzɩ́ palabɩnɩ ñɩ́ɣ́yʋ́ʋ kazɩnzɩŋa ñɩŋgʋ yɔ nɛ nzɩ́ pasaɣnɩ pɛɛ nɛ nzɩ́ pasaɣnɩ ɖasɩ yɔ, sɩ-tɛɛ luŋuu. Ŋgʋ́, sɩɩpɩzɩɣ sɩna yaa sɩnɩɩ yaa sɩɖɔ.