Wɩlʋʋ 12:1 - New Testament

¹ Pɩwɩlɩ kawɩlɩsɩ sɔsɔsɩ nasɩyɩ ɛsɔdaa: halʋ nɔɔyʋ, wɩsɩ huuzi ɛ-yɔɔ ɛzɩ toko esuwa yɔ nɛ ɛsɩŋ fenaɣ yɔɔ nɛ ɛpa hulaɣ nakɛyɛ. Kɔ-yɔɔ nɛ tɩɩnzɩ hiu nɛ naalɛ.

Wɩlʋʋ 12:1 ပူးပေါင်းရင်းမြစ်များ

Maatiyee 12:38

Yesu tɛm yɔɔdʋʋ lɛ, paɣtʋ wɩlɩyaa taa nabɛyɛ nɛ Farɩsɩ ñɩma nabɛyɛ pɔpɔzɩ-ɩ se: «Wɩlɩyʋ! Đe-liu wɛɛ se ŋla ɛsɔdaa hama lakasɩ nasɩyɩ nɛ ɖɩna.»

Maatiyee 24:30

Peeɖe pɩwɩlɩɣ Ɛyʋ Pɩyalʋ kawɩlɩsɩ ɛsɔdaa nɛ ajɛya kpeekpe ɛyáa pazɩ tɩmʋʋ nɛ pana Ɛyʋ Pɩyalʋ nɛ e-ɖoŋ sɔsɔŋ nɛ e-koboyaɣ ɛsɔmɩndʋ yɔɔ, ɛɖɔŋ kɔm.

Maarkɩ 13:25

Tɩɩnzɩ kpɛzɩɣnɩ ɛsɔdaa nɛ sɩtɔlɩ nɛ mbʋ́ pʋwɛ ɛsɔdaa yɔ, pɩñamsɩ.

Luka 21:11

Tɛtʋ kɔŋ ñamsʋʋ siŋŋ nɛ ñɔɔsɩ nɛ kʋdɔmɩŋ weyi ɩɖɛɣ ɛyáa yɔ, palɩɩ ajɛya ndɩ ndɩ taa. Pʋkɔŋ wɩlʋʋ kawɩlɩsɩ ndɩ ndɩ ɛsɔdaa nɛ sɔɔndʋ kpa ɛyáa pɩtɩɩfɛyɩ.

Luka 21:25

Yesu tasɩ-wɛ heyuu se: «Pɩwɩlɩɣ kawɩlɩsɩ nasɩyɩ wɩsɩ nɛ fenaɣ nɛ tɩɩnzɩ pa-taa ɛsɔdaa. Tataa lɛ, teŋgu nɛ ku-hola pafalɩɣ ɖoŋ nɛ ɛyáa tɩŋa laŋa wɛɛkɩ pɩŋŋ.

Yohanɛɛsɩ 3:29

Ɩtɛm naʋ se weyi ɛkpaɣ halʋ yɔ, ɛnʋ lɛ halɩkpaɣyʋ. Meheyiɣ-mɩ se ma mɛwɛ ɛzɩ halɩkpaɣyʋ ɛgbaɣdʋ yɔ. Halɩkpaɣyʋ ɛgbaɣdʋ wɛɣ ɛ-cɔlɔ se ɛsɩnɩ-ɩ. Ɛ-taa hʋlʋmʋʋ siŋŋ alɩwaatʋ ndʋ́ ɛnɩɣ halɩkpaɣyʋ taŋ yɔ. Ḿbʋ́ ɖɔɖɔ man-taa tɛzɩ hʋlʋmʋʋ siŋŋ Weyi Ɛsɔ Lɩzaa Yɔ ɛ-yɔɔ.

Tʋma Labʋ 2:19

Mɔnkɔŋ wɩlʋʋ kawɩlɩsɩ nasɩyɩ ɛsɔdaa nɛ mala hama lakasɩ tataa. Calɩm kɔŋ kpɛdʋʋ nɛ miŋ mʋ nɛ ñɔsɩ ñɛyɩ.

Room 13:14

Ɩkpaɣ Kɩpaɣlʋ Yesu Krɩstʋ wɛtʋ ɛzɩ mi-you wondu yɔ. Ɩtaatasɩ yebu nɛ mɩ-maɣmaɣ mɩ-wɛtʋ hɔm-mɩ nɛ ɩla mbʋ́ mi-liu wɛɛ yɔ.

Room 3:22

Ńdʋ́ lɛ se: mbá patɩŋa payɩ pɛwɛnɩ lidaʋ Yesu Krɩstʋ yɔɔ yɔ, Ɛsɔ pɩsɩɣ-wɛ kʋtʋʋzaa. Mbʋ́ pʋyɔɔ yɔ, pɛfɛyɩ ndɩ nɛ ɖama:

2 Kɔrɛntɩ 11:2

Malakɩ mɩ-yɔɔ sʋsɩ ɛzɩ Ɛsɔ yɔ. Mbʋ́ pʋyɔɔ yɔ, ɩwɛ ɛzɩ pɛlɛ weyi ɛtasɩ abalʋ nɛ monsuu-i abalʋ kʋɖʋm yɔ. Abalʋ ɛnʋ lɛ Krɩstʋ.

Galaatɩ 3:27

Mbá mɩ mɩtɩŋa payɩ palabɩ lɩm sɔʋ sɔnzɩ Krɩstʋ yɔɔ yɔ, mɩ nɛ ɩ ɩpɩsɩ kʋɖʋm.

Galaatɩ 4:26

Ɛlɛ́, Yeruusalɛm ŋgʋ́ kʋkʋ wɛ ɛsɔdaa yɔ kɩ-taa ñɩma lɛ mbá pɛwɛ pa-tɩ yɔɔ yɔ, ŋ́gʋ́ wɛna ɛzɩ ɖo-ɖoo yɔ.

Galaatɩ 6:14

Ma lɛ, ɖa-Kɩpaɣlʋ Yesu Krɩstʋ sɩbʋ kaamaŋkaɣ yɔɔ yɔ, pi-ɖeke mankʋndʋʋna, nabʋyʋ fɛyɩ nɛ pɩtasɩnɩ-pʋ. Sɩm ḿbʋ́ pʋ-yɔɔ pɩtɩŋnaa nɛ kɩdɛkɛdɩm mbʋ́ pʋwɛ kedeŋa yɔɔ yɔ, pɩtatasɩ ɖoŋ nɩɩyɩ wɛnaʋ mɔ-yɔɔ nɛ ma ɖɔɖɔ mɛnkɛ sɩɖʋ pɩ-ɛsɩndaa.

Efɛɛzɩ 5:32

Tɔm tʋnɛ, tɩkɛ mɛsaɣ tɛɛ tɔm, tɩ-taa wɛ cukaŋ. Krɩstʋ nɛ ɛ-ŋgbɛyɛ taa ñɩma mamaɣzɩnaa nɛ mɔyɔɔdɩ ḿbʋ́.

Wɩlʋʋ 1:20

Ŋnaɣ tɩɩnzɩ lʋbɛ nzɩ́ ŋna me-nesi kɩbanzɩ taa yɔ nɛ kanɖʋnaa lʋbɛ mbá palabɩ-wɛ nɛ sika yɔ, pɔ-tɔm ndʋ́ tɩwɛ mɛsaɣ tɛɛ yɔ tɩ-tɔbʋʋ: tɩɩnzɩ lʋbɛ ńzɩ́ lɛ Ɛsɔ tiyiyaa mbá ɛsɩwa se pɔcɔnɩ Krɩstʋ aŋgba lʋbɛ ana a-yɔɔ yɔ. Piyele kanɖʋnaa lʋbɛ lɛ aŋgba ana a-lʋbɛ.»

Wɩlʋʋ 11:19

Peeɖe Ɛsɔ ɖɩɣa ŋgá kɛwɛ ɛsɔdaa yɔ, kɔ-nɔnɔɔ tʋlaa nɛ panaɣ ɛ-nɔɔ haʋ aɖakaɣ ka-taa. Tɛʋ ñɩlɩsaa nɛ kɔkɔɖɛ ya nɛ tɛʋ nazɩ nɛ tɛtʋ ñamsɩ nɛ ɖɔmbɛɛ tɔlɩ siŋŋ.

Wɩlʋʋ 12:3

Ɩna! Pɩwɩlɩ ɖɔɖɔ kawɩlɩsɩ lɛɛsɩ ɛsɔdaa: coojo sɔsɔ nɔɔyʋ, ɛsɛ cɩɩɩ ɛzɩ miŋ yɔ. Ɛwɛnɩ ñʋŋ lʋbɛ nɛ hɩŋ hiu nɛ ɛpa hulaɣ paa ɛ-ñʋʋ ŋgʋ́ kɩ-taa.

Wɩlʋʋ 15:1

Pʋwayɩ lɛ, mana yʋsaɣ sɔsɔɔ lɛɛka nakɛyɛ ɛsɔdaa, kɛfɛyɩ yɔɔdʋʋ: Ɛsɔ tiyiyaa lʋbɛ nabɛyɛ ɖɔkɩ kɛtɛzaɣ kʋñɔmɩŋ lʋbɛ. Ɩnʋ tɛŋna nɛ Ɛsɔ pana hɛɛ.

Wɩlʋʋ 21:14

Tɛtʋ ńdʋ́, ti-koloŋa kɛwɛnɩ tigila hiu nɛ naalɛ, pama a-yɔɔ Heɣa tiyiyaa hiu nɛ naalɛ hɩla.

Wɩlʋʋ 21:23

Pɩtatasɩ pɔzʋʋ se wɩsɩ yaa fenaɣ ɛñaɣ tɛtʋ ńdʋ́ tɩ-taa. Mbʋ́ pʋyɔɔ yɔ, Ɛsɔ koboyaɣ ñalɩmɩyɛ ñalɩɣ, tɩ-kanɖʋ lɛ Heɣa.