Wɩlʋʋ 10:1 - New Testament

¹ Pʋwayɩ lɛ, mantasɩ Ɛsɔ tiyiyu nɔɔyʋ naʋ, ɛwɛ ɖoŋ. Ɛlɩnɩ ɛsɔdaa nɛ etiki, ehu ɛsɔmɩndʋ. Ɛ-ñʋʋ taa wɛ tɩŋgaɣyʋʋ nɛ ɛ-ɛsɩndaa wɛɛ ɛzɩ wɩsɩ yɔ nɛ ɛ-naŋgbanzɩ ñɛwɛɛ ɛzɩ miŋ sɔsɔŋ nzʋlʋmɛɛ yɔ.

Wɩlʋʋ 10:1 ပူးပေါင်းရင်းမြစ်များ

Maatiyee 17:2

Peeɖe ɛlɛɣzɩ pɛ-ɛsɩndaa nɛ ɛ-ɛsɩndaa ñɩlɩsɩɣ ɛzɩ wɩsɩ yɔ nɛ e-wondu hʋlʋmɩ layɩ layɩ ɛzɩ fenaɣ yɔ.

Luka 21:27

Peeɖe panaɣ Ɛyʋ Pɩyalʋ nɛ e-ɖoŋ sɔsɔŋ nɛ e-koboyaɣ ɛsɔmɩnʋʋ nakʋyʋ yɔɔ, ɛɖɔŋ kɔm.

Tʋma Labʋ 26:13

Wiyaʋ! Mɛwɛ nʋmɔʋ ŋ́gʋ́ kɩ-taa nɛ pʋkɔɔ ɛzɩ wɩsɩ siɣu yɔ lɛ, mana ñalɩmɩyɛ naɖɩyɛ lɩnɩ ɛsɔdaa yem nɛ ɖɩñalɩ ma nɛ man-taabalaa ɖɔ-yɔɔ ñammm. Ñalɩmɩyɛ ńɖɩ́, ɖɩɩkɩlɩ wɩsɩ ñalɩmɩyɛ ɖoŋ.

Wɩlʋʋ 1:7

Ɩcɔnɩ ɩna, ɛkɔŋ naɣ yɔ ɛsɔmɩndʋ yɔɔ! Ɛyáa tɩŋa kɔŋ-ɩ naʋ, halɩ pɩkpɛndɩnɩ mbá paasɔbɩ ɛ-hʋyʋʋ taa kɩkpɛzɩŋ yɔ. Ajɛya kpeekpe taa ɛyáa kɔŋ wiu ɛ-yɔɔ. Toovenim, pʋkɔŋ labʋ ḿbʋ́! Pɩla ḿbʋ́!

Wɩlʋʋ 18:1

Pʋwayɩ lɛ, mana Ɛsɔ tiyiyu lɛlʋ, ɛlɩnɩ ɛsɔdaa nɛ etiki. Ɛwɛnɩ ɖoŋ siŋŋ nɛ e-koboyaɣ ñalɩmɩyɛ ñalɩ kedeŋa yɔɔ.

Wɩlʋʋ 18:21

Peeɖe Ɛsɔ tiyiyu ɖoŋ tʋ nɔɔyʋ kpaɣ pɩyɛ nɖɩ́ ɖɩwɛ ɛzɩ namɩyɛ sɔsɔɖɛ yɔ nɛ ɛlɔ teŋgu taa nɛ ɛtɔ se: «Ḿbʋ́ pɔkɔŋ lɔʋ Babilooni tɛtʋ sɔsɔtʋ, nɛ tɩyɔɔkɩ tam kʋɖʋmʋm yem kɛlɛʋ! Paatasɩɣ-tʋ naʋ kaʋ.

Wɩlʋʋ 20:1

Pʋwayɩ lɛ, mana Ɛsɔ tiyiyu nɔɔyʋ lɩnɩ ɛsɔdaa nɛ etiki. Ɛɖɔkɩ asayʋʋ pɔʋ nɔɔ ñɩmɩyɛ nɛ yoŋgbasɩ sɔsɔsɩ nasɩyɩ e-nesi taa.

Wɩlʋʋ 4:3

Pʋdʋ ñɩlɩsaɣ pelu pelu ɛzɩ ñɩɣlɩ́m pɩyɛ nɖɩ́ ɖɩwɛ maɖʋ maɖʋ nɛ ɖɩwɛɛ kpʋzʋyɛɛ yɔ. Tɩŋgaɣyʋʋ nakʋyʋ kɔcɔ kewiyaɣ kpelaɣ ŋ́gá nɛ kɩta. Kɩñɩlɩsɩɣ ɛzɩ ñɩɣlɩ́m pɩyɛ nɖɩ́ ɖɩwɛ yuulee ɛzɩ tɩŋ hatʋ yɔ.

Wɩlʋʋ 5:2

Mana ɖɔɖɔ Ɛsɔ tiyiyu ɖoŋ tʋ nɔɔyʋ, ɛpɔzaɣnɩ hola se: «Amʋnaa se ɛkpɛzɩ ɖenɖe ɖenɖe pañɩɣ nesi yɔ nɛ ekuli takayaɣ ŋ́gá»

Wɩlʋʋ 8:13

Mantasɩ cɔnaʋ lɛ, manaɣ keziye naɖɩyɛ, ɖɩkʋyaɣ ɖooo ɛsɔdaa nɛ manɩɣ ɖɩyɔɔdʋʋ ɖoŋ se: «Pʋtɔɔ-wɛ! Pʋtɔɔ-wɛ! Pʋtɔɔ kedeŋa yɔɔ ñɩma, agandɛɛ wena Ɛsɔ tiyiyaa naadozo mbá pɩkazaa yɔ, pɔkɔŋ hʋlʋʋ yɔ a-yɔɔ!»