Wɩlʋʋ 1:9 - New Testament

⁹ Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.

Wɩlʋʋ 1:9 ပူးပေါင်းရင်းမြစ်များ

Maatiyee 20:23

Yesu pɩsɩnɩ-wɛ se: «Toovenim ɩkɔŋ tɔɔʋ kʋñɔŋ ŋgʋ́ mɔntɔkɩ yɔ. Ɛlɛ́, ma-nɩwaŋ yɔɔ nɛ ma-nɩmɩyɛ yɔɔ caɣʋ ñɩndʋ lɛ, pɩtɛkɛ mahaɣnɩ nʋmɔʋ. Mbá man-Caa liu wɛɛ se pacaɣ lona ana a-taa yɔ, ḿbá cakɩna.»

Maarkɩ 10:39

Pocosi-i se: «Ɛɛɛ! Đɩpɩzɩɣ ɖɩtɔɔ-kʋ.» Yesu pɩsɩnɩ-wɛ se: «Toovenim ɩkɔŋ tɔɔʋ kʋñɔŋ sɔsɔʋ ŋgʋ́ mɔntɔkɩ yɔ nɛ ɩnɩɩ siziŋ weyi manɩɣ yɔ.

Yohanɛɛsɩ 16:33

Meheyi-mɩ tɔm ńdʋ́ tɩtɩŋa payɩ se ɩwɛɛ laŋhɛzɩyɛ taa ma nɛ mɩ ɖɛ-kpɛndʋʋ taa. Ɩkɔŋ nɩʋ siziŋ kedeŋa yɔɔ cɩnɛ. Ɛlɛ́, ɩɖɔkɩ mɩ-tɩ kpam! Mbʋ́ pʋyɔɔ yɔ, mɛntɛm kɔ-yɔɔ ɖoŋ tɩŋa wabʋ!»

Tʋma Labʋ 1:15

Nakʋyʋ wiye taabalaa kpeɣlaa ɛzɩ patɩɩkpeɣluu yɔ, paatalɩ ɛzɩ mɩnʋʋ nɛ nɩɩlɛ yɔ. Pɩkɛdaa lɛ, Pɩyɛ kʋyɩ ɛsɩŋ pɛ-hɛkʋ taa nɛ eheyi-wɛ se:

Tʋma Labʋ 14:22

Patalaa lɛ, peyele pɩla peeɖe Krɩstʋ wayɩ tɩŋɩyaa hʋnʋm nɛ pa-laŋa hɛɛ. Paaheyi-wɛ se pɔ́ɖɔ́kɩ lidaʋ ŋgʋ́ pɛwɛnɩ Yesu yɔɔ yɔ nesi naalɛ kpam. Paatasɩ-wɛ heyuu se pʋwɛɛ se pɔtɔɔ kʋñɔŋ siŋŋ nɛ pʋcɔ pasʋʋ Ɛsɔ Kewiyaɣ taa.

Room 8:17

Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.

Room 8:25

Ɛlɛ́, yee mbʋ́ ɖɩɩnaɣ yɔ ɖɩɖaŋaa yɔ, ɖɩɖaŋɩɣ-pʋ nesi naalɛ kpam.

2 Kɔrɛntɩ 1:7

Pʋ-yɔɔ lɛ, ɖɩtaɣ-mɩ liu siŋŋ, mbʋ́ pʋyɔɔ yɔ, ɖɩtɛm naʋ se ɛzɩma mbʋ́ ɖa nɛ mɩ ɖɩtɔkɩ kʋñɔmɩŋ yɔ, ḿbʋ́ ɖɔɖɔ Ɛsɔ hɛzɩɣ mɩ-laŋa ɛzɩ ɛhɛzʋʋ ɖa-ñɩna yɔ.

Filiipu 1:7

Pʋmʋnaa se mamaɣzɩ mɩtɩŋa mɩ-yɔɔ ḿbʋ́. Mɔnsɔɔlɩ-mɩ siŋŋ, mbʋ́ pʋyɔɔ yɔ, lootiye nɖɩ́ Ɛsɔ labɩ-mɩ yɔ, ma nɛ mɩtɩŋa payɩ ɛlabɩ-ɖɩ paa lɛɛlɛɛyɔ mɛwɛʋ salaka taa yɔ, yaa maawɛʋ man-tɩ yɔɔ nɛ malʋkɩ Laŋhɛzɩyɛ Tɔm yɔɔ nɛ mawɩlɩɣ ɛyáa se tɩkɛ toovenim yɔ.

Filiipu 4:14

Paa ḿbʋ́ yɔ, ɩlabɩ ɖeu nɛ ɩsɩnɩ-m man-kʋñɔmɩŋ taa.

2 Tesalooniki 3:5

Kɩpaɣlʋ eyele nɛ Ɛsɔ sɔɔlɩm nɛ Krɩstʋ hɔyɛ ɖɔkʋʋ pɛwɛɛ mɩ-lɩmaɣza taa.

2 Timootee 1:8

Pʋ-yɔɔ lɛ, fɛyɛ ɛtaakpa-ŋ nɛ ɖa-Kɩpaɣlʋ yɔɔ aseɣɖe lɩzʋʋ yaa weyi ma paɖʋ salaka ɛ-yɔɔ yɔ mɔ-yɔɔ. Ɛlɛ́, Yesu Laŋhɛzɩyɛ Tɔm yɔɔ lɛ, tisi nɛ pɩtɩŋnɩ ɖoŋ weyi Ɛsɔ ha-ŋ yɔ ɛ-yɔɔ nɛ ŋtɔɔ kʋñɔŋ ɖɔɖɔ ɛzɩ ma yɔ.

Ebree 10:36

Ɩɖɔkɩ mɩ-hɔ kpam nɛ ɩla mbʋ́ Ɛsɔ liu wɛɛ yɔ nɛ ihiɣ mbʋ́ ɛɖʋwa se ɛhaɣ-mɩ yɔ.

1 Pɩyɛ 5:1

Lɛɛlɛɛyɔ, mɔyɔɔdʋʋnɩ mɩ-taa mbá pɛkɛ Krɩstʋ ŋgbɛyɛ taa sɔsaa yɔ. Ma ɖɔɖɔ mɛnkɛ ɖɩ-taa sɔsɔ. Mananɩ mɛ-ɛsɛ kʋñɔŋ ŋgʋ́ Krɩstʋ tɔwaa yɔ. Ɛsɔ kɔŋ-m haʋ ɖɔɖɔ koboyaɣ ŋgá ɛkɔŋ lɩzʋʋ nɛ ɛwɩlɩ-ɖʋ yɔ. Pʋ-yɔɔ meheyiɣ-mɩ se:

Wɩlʋʋ 1:1

Mbʋ́ mbʋ́ Yesu Krɩstʋ wɩlaa yɔ, pʋ-tɔm pama takayaɣ kanɛ ka-taa. Ɛsɔ wɩlɩnɩ-ɩ-pʋ se ɛwɩlɩ ɛ-tʋmlaɖaa nɛ pana mbʋ́ pʋkɔŋ labʋ alɩwaatʋ pazɩ taa yɔ nɛ ɛtɩŋnɩ e-tiyiyu yɔɔ nɛ ɛwɩlɩ-pʋ ɛ-tʋmlaɖʋ Yohanɛɛsɩ.

Wɩlʋʋ 1:2

Ɛ́lɛ́ lɩzɩnɩ mbʋ́ pɩtɩŋa payɩ ɛnawa yɔ pɩ-aseɣɖe: ɛlɩzɩ-ɖɩ Ɛsɔtɔm nɛ nɖɩ́ Yesu Krɩstʋ ñalɩzaa yɔ pɔ-yɔɔ.

Wɩlʋʋ 1:4

Ma Yohanɛɛsɩ, mɛnsɛɣnɩ Krɩstʋ aŋgba lʋbɛ wena awɛ Aazii hɔɔlʋʋ taa yɔ a-taa ñɩma: Ɛsɔ nɛ feziŋ lʋbɛ weyi ɩwɛ e-kewiyaɣ kpelaɣ ɛsɩndaa yɔ, palabɩ-mɩ lootiye nɛ pɛhɛzɩ mɩ-laŋa. Ɛnʋ wɛna, ɛnʋ kɛwɛna, ɛnʋ kaɣnɩ kɔm.

Wɩlʋʋ 1:6

nɛ eyele ɖɩkɛ kewiyaɣ taa ñɩma nɛ cɔjɔnaa ɛ-Caa Ɛsɔ tʋmɩyɛ taa. Ɛnʋ lɛ, ɛwɛɛ koboyaɣ taa nɛ ɛwɛɛ ɖoŋ pɩnzɩ ɛgbaŋ ɛgbaŋ! Pɩla ḿbʋ́!

Wɩlʋʋ 11:7

Pɔkɔŋ pɛtɛ pa-aseɣɖe lɩzʋʋ lɛ, kpɩnɛ nɖɩ́ ɖɩlɩɣnɩ asayʋʋ pɔʋ taa yɔ, ɖiyooni-wɛ nɛ ɖɩwabɩ-wɛ nɛ ɖɩkʋ-wɛ pasɩ.

Wɩlʋʋ 12:11

Pɩtɩŋnɩ Heɣa calɩm nɛ aseɣɖe nɖɩ́ ɖa-taabalaa lɩzaa yɔ pɔ-yɔɔ nɛ pawabɩ-ɩ. Đɔɖɔ lɛ, patakpaɣ pe-wezuu payaa pʋyʋ nɛ petisi se yee paa sɩm yɔ, pasɩ.

Wɩlʋʋ 12:17

Peeɖe ɛ-pana kpanɩ halʋ ɛnʋ nɛ ewolo eyouni e-liɖe taa ñɩma mbá pakazaa yɔ. Ḿbá ɖɔmnɩ Ɛsɔ paɣtʋ yɔɔ nɛ palɩzɩ Yesu yɔɔ aseɣɖe.

Wɩlʋʋ 13:10

Yee pʋɖʋwa se nɔɔyʋ ɛsʋʋ salaka yɔ, ɛsʋʋ ka-taa ɖɔɖɔ. Yee pʋɖʋwa se pakʋ nɔɔyʋ nɛ sɩɣa yɔ, pakʋʋ-ɩ nɛ kɛ ɖɔɖɔ. Pʋnɛ pɩ-taa panaɣ Ɛsɔ ñɩma tɩ ɖɔkʋʋ nɛ pe-lidaʋ wɛnaʋ.

Wɩlʋʋ 14:12

Cɩnɛ panaɣ ɛzɩma mbʋ́ Ɛsɔ ñɩma mbá pɔɖɔŋ ɛ-paɣtʋ yɔɔ nɛ pɛwɛnɩ lidaʋ Yesu yɔɔ yɔ pɔɖɔkɩ pa-tɩ yɔ.

Wɩlʋʋ 19:10

Peeɖe mɔntɔlɩ ɛ-naŋgbanzɩ tɛɛ se moluŋ ɛ-tɛɛ. Ɛlɛ́, eheyi-m se: «Taala ḿbʋ́! Mɛnkɛ Ɛsɔ tʋmlaɖʋ ɛzɩ ña nɛ ña-taabalaa mbá pɔɖɔkɩ aseɣɖe nɖɩ́ Yesu lɩzaa yɔ. Ɛsɔ tɛɛ pʋwɛɛ se ŋluŋ!» Aseɣɖe nɖɩ́ Yesu lɩzɩɣ yɔ, ńɖɩ́ seɣtiɣni náyaa.

Wɩlʋʋ 20:4

Mana ɖɔɖɔ kewiyisi kpelisi nasɩyɩ: mbá powokaɣ pacakɩ sɩ-yɔɔ yɔ, paha-wɛ ɖoŋ se pahʋʋnɩ ɛyáa tɔm. Đɔɖɔ lɛ, mana mbá pɛsɛtɩ pa-ñʋŋ yɔ pa-ciyamnaa. Paakʋ-wɛ, mbʋ́ pʋyɔɔ yɔ, palɩzaɣ Yesu aseɣɖe nɛ posusuu Ɛsɔtɔm. Ḿbá taaluŋni kpɩnɛ yaa ɖɩ-sɩʋ kpelaɣ pɛ-tɛɛ, patala pe-kila taa yaa pe-nesi yɔɔ ɖɩ-yʋsaɣ. Pefema nɛ pa nɛ Krɩstʋ pɔtɔɔ kewiyaɣ pɩnzɩ kutoku.

Wɩlʋʋ 3:10

Ɛzɩma mbʋ́ meheyi-wɛ se pɔ́ɖɔ́kɩ pa-tɩ nɛ petisi pɔ́ɖɔ́kɩ tɔm ńdʋ́ yɔ, ma ɖɔɖɔ mɔnɖɔkʋʋ-wɛ. Mɔnɖɔkʋʋ-wɛ alɩwaatʋ ndʋ́ pʋkɔŋ takʋʋ kedeŋa kpeekpe yɔɔ ɛyáa se pɩna pa-wayɩ yɔ.

Wɩlʋʋ 6:9

Pʋwayɩ lɛ, Heɣa ŋ́gá kɛkpɛzɩ nesi ñɩɣʋ kagbaanzɩ ñɩmbʋ nɛ manaɣ lone nɖɩ́ palaɣ ɖɩ-taa yɔ, ɖɩ-tɛɛ mbá paakʋ-wɛ yɔ pa-ciyamnaa. Ɛsɔtɔm nɛ aseɣɖe nɖɩ́ palɩzaa yɔ, pɔ-yɔɔ paakʋ-wɛ.

Wɩlʋʋ 7:14

Ɛlɛ́, moncosi-i se: «Đajaa! Ñasɩmna.» Peeɖe eheyi-m se: «Ḿbá tɔɔnɩ kʋñɔŋ sɔsɔʋ. Pɔcɔtɩ po-tokonaa kitibaa waa waa nɛ pahʋlɩsɩ-wɛ Heɣa calɩm taa.