Wɩlʋʋ 1:5 - New Testament

⁵ Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa

Wɩlʋʋ 1:5 ပူးပေါင်းရင်းမြစ်များ

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Maatiyee 28:18

Peeɖe Yesu woba pɔ-cɔlɔ nɛ eheyi-wɛ se: «Ɛsɔ ha-m ɖoŋ tɩŋa payɩ ɛsɔdaa nɛ tataa.

Yohanɛɛsɩ 13:1

Kifeŋaɣ se pɔtɔɔ Paska Kazandʋ. Ɛlɛ́, Yesu na se ɛ-alɩwaatʋ talaa se ɛkʋyɩ kedeŋa kanɛ kɔ-yɔɔ nɛ ewolo ɛ-Caa cɔlɔ. Ɛɛsɔɔlɩ ɛ-ñɩma mbá pɛwɛ kɔ-yɔɔ yɔ kámaɣ́ fɛyɩ.

Yohanɛɛsɩ 13:34

Manɖʋʋ-mɩ paɣtʋ kɩfatʋ. Ńdʋ́ lɛ se: ɩsɔɔlɩ ɖama. Ɩsɔɔlɩ ɖama ɛzɩ mɔnsɔɔlʋʋ-mɩ yɔ.

Yohanɛɛsɩ 15:9

Mɔnsɔɔlɩ-mɩ ɛzɩ Caa sɔɔlʋʋ-m yɔ. Pʋ-yɔɔ lɛ, iyele nɛ mɔnsɔɔlɩ-mɩ tam.

Yohanɛɛsɩ 18:37

Pilaatɩ tasɩ-ɩ pɔzʋʋ se: «Yee ḿbʋ́ ŋkɛ wiyaʋ sɔsɔ na?» Ecosi-i se: «Ñɔyɔɔdʋʋnɩ ḿbʋ́. Ma lɛ, mɔnkɔm kedeŋa yɔɔ nɛ palʋlɩ-m se malɩzɩ aseɣɖe toovenim yɔɔ. Weyi ɛsɔɔlɩ toovenim yɔ, ewelesiɣni-m.»

Yohanɛɛsɩ 3:11

Peeɖe Yesu heyi-i se: «Toovenim lɛ, meheyiɣ-ŋ se mbʋ́ ɖɩsɩma yɔ, pʋ-tɔm ɖɩyɔɔdʋʋ, mbʋ́ ɖɩnanɩ ɖɛ-ɛsɛ yɔ, pɩ-aseɣɖe ɖɩlɩzɩɣ. Ɛlɛ́, mɩ miitisiɣ.

Yohanɛɛsɩ 3:16

Mbʋ́ pʋyɔɔ yɔ, Ɛsɔ sɔɔlɩ ɛyáa siŋŋ. Pʋ-yɔɔ ɛha ɛ-Pɩyalʋ ɛgbamɩyɛ se weyi ɛwɛnɩ lidaʋ ɛ-yɔɔ lɛ, ɛtaatɛŋɛlɩ, ɛlɛ́, ehiɣ wezuu maatɛŋ.

Yohanɛɛsɩ 3:32

Ɛyɔɔdʋʋ mbʋ́ pɩtɩŋa payɩ ɛnawa nɛ ɛnɩɩ yɔ pʋ-tɔm. Ɛlɛ́, nɔɔyʋ eetisiɣ aseɣɖe nɖɩ́ ɛlɩzɩɣ yɔ.

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Tʋma Labʋ 26:23

Ńdʋ́ lɛ se: ‹Weyi Ɛsɔ Lɩzaa Yɔ, ɛkɔŋ siziŋ nɩʋ nɛ ɛsɩ. Ɛnʋ calɩɣnɩ fem nɛ ɛlɩɩnɩ sɩɖaa taa nɛ ɛkɛdɩ Yuda ñɩma nɛ mbá pɛtɛkɛ Yuda ñɩma yɔ ñalɩmɩyɛ tɔm.› »

Room 3:25

Ɛnʋ Ɛsɔ ɖʋwa se pɛkpɛdɩ ɛ-calɩm nɛ pɩtɩŋnɩ pʋ-yɔɔ nɛ ɛñalɩ mbá patɩŋa payɩ pɛwɛnɩ lidaʋ ɛ-yɔɔ yɔ, pa-kɩwɛɛkɩm. Ḿbʋ́ ɛwɩlɩnɩ ɛzɩma mbʋ́ ɛtʋʋzaa yɔ. Ɛɖɔkɩ ɛ-hɔyɛ ɖooo lɔŋ nɛ ɛtɔhɔ mbá paalabɩ kɩwɛɛkɩm yɔ pa-nɩŋgbaaŋ. Ɛñɩnɩɣ se ɛwɩlɩ ɛzɩma mbʋ́ ɛtʋʋzaa yɔ alɩwaatʋ tʋnɛ tɩ-taa nɛ paa weyi ɛsɩm-ɩ ḿbʋ́ nɛ ɛkpɛndɩ ɛpɩsɩ weyi ɛwɛnɩ lidaʋ Yesu yɔɔ yɔ kʋtʋʋzʋ.

Room 8:37

Ɛlɛ́, pɩtɩŋa payɩ pɩ-taa lɛ, pɩtɩŋnɩ weyi ɛsɔɔlɩ-ɖʋ yɔ ɛ-yɔɔ nɛ ɖɩwa kpaagbaa kpem.

1 Kɔrɛntɩ 6:11

Ḿbʋ́ mɩ-taa lɛlaa lakaɣ. Ɛlɛ́ lɛɛlɛɛyɔ, Ɛsɔ ñalɩ mɩ-kɩwɛɛkɩm nɛ ɛpɩsɩ-mɩ ɛ-ñɩma nɛ pɩtɩŋnɩ e-Fezuu Kiɖeɖeu yɔɔ nɛ ɩkɛ kʋtʋʋzaa ɛ-ɛsɩndaa Kɩpaɣlʋ Yesu Krɩstʋ yɔɔ.

Galaatɩ 2:20

Paa ḿbʋ́ yɔ, mɛwɛ wezuu. Pɩtɛkɛ mɔn-cɔlɔ pɩlɩnaa, ɛlɛ́, Krɩstʋ wezuu wɛnɩ man-taa. Alɩwaatʋ ndʋ́ mɛwɛ wezuu kedeŋa yɔɔ cɩnɛ yɔ, Ɛsɔ Pɩyalʋ weyi ɛsɔɔlɩ-m nɛ ɛsɩ mɔ-yɔɔ yɔ, ɛ-yɔɔ mɛwɛnɩ lidaʋ.

Efɛɛzɩ 2:4

Ɛlɛ́, ɛnaɣ ɛyáa pʋtɔdɩyɛ pɩŋŋ, ɛsɔɔlɩ-ɖʋ kámaɣ́ fɛyɩ.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Koloosi 1:18

Ɛnʋ lɛ ñʋʋ nɛ e-tomnaɣ lɛ ɛ-ŋgbɛyɛ taa ñɩma. Ɛnʋ lɛ kiɖe, ɛnʋ calɩnɩ fem nɛ sɩɖaa taa se ɛkɛ kajalaɣ tʋ pɩtɩŋa pɩ-taa.

1 Timootee 6:13

Ɛsɔ weyi ɛhaɣ pɩtɩŋa payɩ wezuu yɔ nɛ Krɩstʋ Yesu weyi ɛkaɖɩ toovenim kpayɩ wiyaʋ sɔsɔ Pilaatɩ ɛsɩndaa yɔ pɛ-ɛsɩndaa lɛ, meheyiɣ-ŋ se:

1 Timootee 6:15

Alɩwaatʋ ndʋ́ Ɛsɔ ɖʋwa yɔ tɩtalɩɣ lɛ, eyele nɛ Krɩstʋ pɩsɩ ɛkɔɔ. Ɛnʋ lɛ Ɛsɔ weyi ɛwɛ laŋhɛzɩyɛ taa yɔ. E-ɖeke koŋ ɛcɔŋnɩnɩ pɩtɩŋa pʋ-yɔɔ. Ɛnʋ lɛ awiya taa Wiyaʋ nɛ kɩpaɣlaa taa Kɩpaɣlʋ.

Ebree 10:29

Yee pʋwɛ ḿbʋ́ lɛ, weyi ɛyakɩ Ɛsɔ Pɩyalʋ naŋgbaŋaɣ nɛ ɛtʋʋ-ɩ yɔ, ɛbɛ pɩtɛŋnɩ-ɩ? Ɛtakpaɣ nɔɔ haʋ calɩm nɛ ɛ́yáa pʋyʋ. Ŋgʋ́, ḿbʋ́ pɩsɩnɩ-ɩ cɩɖɩcɩɖɩ tʋ. Ɛtʋ ɖɔɖɔ Fezuu Kiɖeɖeu ŋgʋ́ kɩlakɩ-ɖʋ lootiye yɔ.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

1 Pɩyɛ 1:19

Ɛlɛ́, Krɩstʋ weyi ɛwɛ ɛzɩ heɣa ŋgá kɔ-yɔɔ fɛyɩ azuluma yaa pɩtacam ko-ɖoli yɔ, ɛnʋ pala ɖɔ-yɔɔ. Kɩlaʋ ŋ́gʋ́ kɩkɩlɩnɩ wazaɣ.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.

1 Yohanɛɛsɩ 4:10

Mbʋ́ pɩwɩlɩɣ sɔɔlɩm ḿbʋ́ kpem yɔ lɛ se: ɛnʋ calɩnɩ-ɖʋ sɔɔlʋʋ nɛ etiyi ɛ-Pɩyalʋ se ɛkɔɔ ɛsɩ ɖɔ-yɔɔ nɛ ɛpɩzɩ ekpeɣ-ɖʋ ɖa-kɩwɛɛkɩm.

Wɩlʋʋ 11:15

Pɩkɛdaa lɛ, Ɛsɔ tiyiyu lʋbɛ ñɩnʋ hʋlɩ ɛgandɩyɛ nɛ puholuuni ɛsɔdaa kpaŋŋ kpaŋŋ se: «Pɛcɛlɩ kedeŋa kewiyaɣ ɖa-Kɩpaɣlʋ nɛ Weyi Ɛlɩzaa Yɔ. Ɛtɔkɩ-kɛ pɩnzɩ ɛgbaŋ ɛgbaŋ!»

Wɩlʋʋ 11:3

Meyeki nɛ ma-aseɣɖe tɩnaa naalɛ suu kʋñɔŋ wondu nɛ pɛkɛ náyaa kɩyakɩŋ kutoku nɛ nasɩlɛ nɛ nɩɩnʋwa nɛ hiu.»

Wɩlʋʋ 17:14

Pɔkɔŋ yonaʋ Heɣa, ɛlɛ́, kawakɩ-wɛ. Mbʋ́ pʋyɔɔ yɔ, kɛkɛ kɩpaɣlaa taa Kɩpaɣlʋ nɛ awiya taa Wiyaʋ. Mbá Ɛsɔ ya-wɛ nɛ ɛlɩzɩ-wɛ nɛ pɔɖɔŋ ɛ-nʋmɔʋ taa nɛ pa nɛ kɛ pɛwɛɛ yɔ, pawakɩ-wɛ ɖɔɖɔ.»

Wɩlʋʋ 19:11

Pʋwayɩ lɛ, mana ɛsɔdaa tʋlaa nɛ kpaŋnɔ kʋhʋlʋm nɔɔyʋ lɩɩ. Weyi ɛcaɣ-ɩ yɔ, payaɣ-ɩ se Weyi Ɛlakɩ Mbʋ́ Ɛɖʋwa yɔ nɛ Toovenim Tʋ. Ɛhʋʋ tɔm nɛ ɛlakɩ you nɛ toovenim.

Wɩlʋʋ 19:16

Pama e-toko sɔsɔʋ nɛ e-yuye pɔ-yɔɔ hɩɖɛ naɖɩyɛ. Ńɖɩ́ lɛ se: awiya taa Wiyaʋ nɛ kɩpaɣlaa taa Kɩpaɣlʋ.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.

Wɩlʋʋ 3:14

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Laodisee Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma payaɣ se Pɩla Ḿbʋ́ nɛ mɛnkɛ aseɣɖe tʋ weyi ɛlakɩ mbʋ́ pʋpɔzʋʋ yɔ nɛ ɛtɛ ɛkɛ toovenim tʋ yɔ, weyi ma mɛnkɛ mbʋ́ pɩtɩŋa payɩ Ɛsɔ laba yɔ pi-kiɖe yɔ, mɔntɔŋna se:

Wɩlʋʋ 7:14

Ɛlɛ́, moncosi-i se: «Đajaa! Ñasɩmna.» Peeɖe eheyi-m se: «Ḿbá tɔɔnɩ kʋñɔŋ sɔsɔʋ. Pɔcɔtɩ po-tokonaa kitibaa waa waa nɛ pahʋlɩsɩ-wɛ Heɣa calɩm taa.