Wɩlʋʋ 1:4 - New Testament

⁴ Ma Yohanɛɛsɩ, mɛnsɛɣnɩ Krɩstʋ aŋgba lʋbɛ wena awɛ Aazii hɔɔlʋʋ taa yɔ a-taa ñɩma: Ɛsɔ nɛ feziŋ lʋbɛ weyi ɩwɛ e-kewiyaɣ kpelaɣ ɛsɩndaa yɔ, palabɩ-mɩ lootiye nɛ pɛhɛzɩ mɩ-laŋa. Ɛnʋ wɛna, ɛnʋ kɛwɛna, ɛnʋ kaɣnɩ kɔm.

Wɩlʋʋ 1:4 ပူးပေါင်းရင်းမြစ်များ

Yohanɛɛsɩ 1:1

Pʋcɔ Ɛsɔ pazɩ kedeŋa labʋ lɛ, weyi payaɣ se Tɔm yɔ, ɛɛwɛɛ. Ɛɛwɛ Ɛsɔ cɔlɔ, ɛnʋ lɛ Ɛsɔ.

Tʋma Labʋ 19:10

Ɛlabɩ ḿbʋ́ pɩnzɩ naalɛ. Pʋ-yɔɔ Yuda ñɩma nɛ Grɛɛkɩ ñɩma mbá paawɛ Aazii egeetiye taa yɔ, patɩŋa payɩ panɩ tɔm ńdʋ́.

Tʋma Labʋ 2:9

Ŋgʋ́, ɖa-taa cɩnɛ ɖɩnaɣ mbá palɩnɩ Partɩ nɛ Meedii nɛ Elam nɛ Mezoopotamii nɛ Yudee nɛ Kapaadoosi nɛ Pɔntɩ nɛ Aazii egeetiye taa

Room 1:7

Room ñɩma mbá mɩ Ɛsɔ sɔɔlɩ-mɩ siŋŋ nɛ ɛ́yáa-mɩ se ɩkɛ ɛ-ñɩma yɔ, mɩtɩŋa payɩ mamaɣ takayaɣ kanɛ. Đa-Caa Ɛsɔ nɛ Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa!

1 Kɔrɛntɩ 1:3

Đɩsɛ-mɩ: ɖa-Caa Ɛsɔ nɛ ɖa-Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa!

2 Kɔrɛntɩ 1:2

Đɩsɛ-mɩ: ɖa-Caa Ɛsɔ nɛ Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa.

Ebree 13:8

Yesu Krɩstʋ wɛʋ yɔ, ɛɛlɛɣzɩɣ kaʋ. Ɛzɩma mbʋ́ ɛɛwɛ ɖooo lɔŋ yɔ, ḿbʋ́ ɛwɛɛ, ḿbʋ́ ɖɔɖɔ ɛwɛɣ tam.

Yakubu 1:17

Mbʋ́ pɩtɩŋa pahaɣ ɛyʋ nɛ pʋwɛ ɖeu pɩtɩɩfɛyɩ yɔ, Ɛsɔ weyi ɛwɛ ɛsɔdaa yɔ ɛ-cɔlɔ pɩlɩnaa. Ɛnʋ labɩnɩ wɩsɩ nɛ fenaɣ nɛ tɩɩnzɩ. Ɛɛlɛɣzɩɣ kaʋ: ɛfɛyɩ ɛzɩ kɩlɛmʋʋ yɔ.

Wɩlʋʋ 1:1

Mbʋ́ mbʋ́ Yesu Krɩstʋ wɩlaa yɔ, pʋ-tɔm pama takayaɣ kanɛ ka-taa. Ɛsɔ wɩlɩnɩ-ɩ-pʋ se ɛwɩlɩ ɛ-tʋmlaɖaa nɛ pana mbʋ́ pʋkɔŋ labʋ alɩwaatʋ pazɩ taa yɔ nɛ ɛtɩŋnɩ e-tiyiyu yɔɔ nɛ ɛwɩlɩ-pʋ ɛ-tʋmlaɖʋ Yohanɛɛsɩ.

Wɩlʋʋ 1:11

«Ma mbʋ́ ŋnaɣ yɔ pʋ-tɔm takayaɣ nakɛyɛ taa nɛ ŋtiyini Krɩstʋ aŋgba lʋbɛ anɛ a-taa ñɩma. Ana yɔ: Efɛɛzɩ ñɩnɖɛ nɛ Smiirnɩ ñɩnɖɛ nɛ Pɛɛrgam ñɩnɖɛ nɛ Tiyaatiiri ñɩnɖɛ nɛ Saardɩ ñɩnɖɛ nɛ Filaadɛlfii ñɩnɖɛ nɛ Laodisee ñɩnɖɛ.»

Wɩlʋʋ 1:17

Mana-ɩ lɛ, mɔntɔlɩ ɛ-tɛɛ ɛzɩ mansɩba yɔ. Peeɖe ɛtɩnɩ e-nesi kɩbanzɩ mɔ-yɔɔ nɛ ɛtɔ se: «Sɔɔndʋ ɛtaakpa-ŋ! Ma lɛ Nʋmɔɖɛyʋ nɛ Ɛɖɩɣyɛ.

Wɩlʋʋ 1:20

Ŋnaɣ tɩɩnzɩ lʋbɛ nzɩ́ ŋna me-nesi kɩbanzɩ taa yɔ nɛ kanɖʋnaa lʋbɛ mbá palabɩ-wɛ nɛ sika yɔ, pɔ-tɔm ndʋ́ tɩwɛ mɛsaɣ tɛɛ yɔ tɩ-tɔbʋʋ: tɩɩnzɩ lʋbɛ ńzɩ́ lɛ Ɛsɔ tiyiyaa mbá ɛsɩwa se pɔcɔnɩ Krɩstʋ aŋgba lʋbɛ ana a-yɔɔ yɔ. Piyele kanɖʋnaa lʋbɛ lɛ aŋgba ana a-lʋbɛ.»

Wɩlʋʋ 1:8

Kɩpaɣlʋ Ɛsɔ Đoŋ Tɩŋa Tʋ tɔŋna se: «Ma lɛ Nʋmɔɖɛyʋ nɛ Ɛɖɩɣyɛ.» Ɛnʋ wɛna, ɛnʋ kɛwɛna, ɛnʋ kaɣnɩ kɔm.

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.

Wɩlʋʋ 16:5

Peeɖe manɩ Ɛsɔ tiyiyu weyi ɛcɔŋnɩ lɩm yɔɔ yɔ, ɛyɔɔdaɣ se: «Weyi ña ŋwɛɛ nɛ ŋŋwɛɛ yɔ, ŋtʋʋzaa. Weyi ña ŋwɛ cɩɖɩcɩɖɩ yɔ, mbʋ́ ŋlaba ɛzʋnɔ nɛ ŋhʋʋnɩ ɛyáa yɔ, pʋtʋʋzaa.

Wɩlʋʋ 2:12

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Pɛɛrgam Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ sɩɣa ŋgá kɔ-nɔɔ taa cʋlʋtaa nɛ kapɩɣ cenje yɔ, mɔntɔŋna se:

Wɩlʋʋ 2:18

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Tiyaatiiri Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Ma Ɛsɔ Pɩyalʋ, weyi ma mɛ-ɛsɛ ɖeɣ miŋ pelu pelu ɛzɩ miŋ nzʋlʋmɩyɛ nɛ ma-naŋgbanzɩ wɛɛ ɛzɩ ñɩ́ɣ́yʋ́ʋ kazɩnzɩŋa ñɩŋgʋ yɔ, mɔntɔŋna se:

Wɩlʋʋ 2:8

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Smiirnɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Nʋmɔɖɛyʋ nɛ Ɛɖɩɣyɛ nɛ maasɩba nɛ menfe yɔ, mɔntɔŋna se:

Wɩlʋʋ 22:16

Ma Yesu lɛ, meheyi men-tiyiyu se ewolo ma-aŋgba taa nɛ ɛlɩzɩ-mɩ aseɣɖe ɖɩnɛ. Mɛnkɛ Daaviidi liɖe taa tʋ, ma lɛ tɩmbalʋʋ ŋgʋ́ kɩñɩlɩsɩɣ yɔ.»

Wɩlʋʋ 22:8

Ma Yohanɛɛsɩ, manɩnɩ wondu ńdʋ́ tɩ-tɔm. Manɩ tɩ-tɔm nɛ mana-tʋ lɛ, mɔntɔlɩ Ɛsɔ tiyiyu weyi ɛwɩlaɣ-m-tʋ yɔ ɛ-naŋgbanzɩ tɛɛ se moluŋ ɛ-tɛɛ.

Wɩlʋʋ 3:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Saardɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ Ɛsɔ feziŋ ɩnʋ ɩ-lʋbɛ nɛ tɩɩnzɩ ńzɩ́ sɩ-lʋbɛ yɔ, mɔntɔŋna se: mansɩm mbʋ́ ñɛ-ŋgbɛyɛ taa ñɩma lakɩ yɔ: pa-hɩɖɛ sɛwa se pɛwɛ wezuu, ɛlɛ́, pasɩba.

Wɩlʋʋ 3:14

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Laodisee Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma payaɣ se Pɩla Ḿbʋ́ nɛ mɛnkɛ aseɣɖe tʋ weyi ɛlakɩ mbʋ́ pʋpɔzʋʋ yɔ nɛ ɛtɛ ɛkɛ toovenim tʋ yɔ, weyi ma mɛnkɛ mbʋ́ pɩtɩŋa payɩ Ɛsɔ laba yɔ pi-kiɖe yɔ, mɔntɔŋna se:

Wɩlʋʋ 3:7

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Filaadɛlfii Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Ɛsɔ ñɩnʋ nɛ toovenim tʋ nɛ mɔnɖɔkɩ wiyaʋ sɔsɔ Daaviidi nɔnɔɔ ñɩmɩyɛ nɛ yee mantʋlaa, nɔɔyʋ ɛɛpɩzɩɣ ɛɖɩɣ nɛ yee manɖɩɣaa, nɔɔyʋ ɛɛpɩzɩɣ ɛtʋlɩ yɔ, mɔntɔŋna se:

Wɩlʋʋ 4:5

Tɛʋ ñɩlɩsʋʋ nɛ kɔkɔɖɛ nɛ tɛʋ nazʋʋ palɩɣaɣnɩ kewiyaɣ kpelaɣ ŋgá kɛwɛ hɛkʋ taa yɔ kɔ-yɔɔ. Pɔsɔbɩ kanɖʋnaa lʋbɛ mbá panaɣ camɩyɛ yɔ kɛ-ɛsɩndaa: ḿbá lɛ Ɛsɔ feziŋ lʋbɛ.

Wɩlʋʋ 4:8

Kpɩna ana, a-naanza aawɛnɩ keŋ loɖo loɖo. Aawɛnɩ ɛsɛ yʋʋʋ a-taa nɛ a-yɔɔ nɛ awɛɛ ateɣ hendu wɩsɩ nɛ ɖoó se: «Cɩɖɩcɩɖɩ, cɩɖɩcɩɖɩ, Ɛsɔ wɛnɩ cɩɖɩcɩɖɩ. Kɩpaɣlʋ Ɛsɔ Đoŋ Tɩŋa Tʋ weyi ɛɛwɛɛ yɔ, ɛnʋ wɛna, ɛkaɣ kɔm nee.»

Wɩlʋʋ 5:6

Peeɖe mana ɖɔɖɔ Heɣa nakɛyɛ sɩŋ kewiyaɣ kpelaɣ nɛ kpɩna ana a-naanza nɛ sɔsaa pɛ-hɛkʋ taa. Kɛwɛ ɛzɩ pala-kɛ yɔ. Kɔñɔ hɩŋ lʋbɛ nɛ kɛwɛnɩ ɛsɛ lʋbɛ. Ana lɛ Ɛsɔ feziŋ lʋbɛ weyi etiyi-i kedeŋa kpeekpe yɔɔ yɔ.

Wɩlʋʋ 8:2

Mɔncɔnaa lɛ, manaɣ Ɛsɔ tiyiyaa mbá pasɩŋɩɣ ɛ-ɛsɩndaa yɔ, pɛwɛ lʋbɛ. Pɛcɛlaɣaɣ-wɛ agandɛɛ lʋbɛ.