Wɩlʋʋ 1:3 - New Testament

³ Weyi ɛkalɩɣ tɔm ndʋ́ tɩlɩnɩ Ɛsɔ cɔlɔ nɛ pama-tʋ takayaɣ kanɛ ka-taa yɔ, ehiɣ ɛ-tɩ! Mbá paba ñewelesiɣ-tʋ nɛ pɔɖɔkʋʋ-tʋ yɔ, pehiɣ pa-tɩ! Mbʋ́ pʋyɔɔ yɔ, alɩwaatʋ wɩzɩ talʋʋ.

Wɩlʋʋ 1:3 ပူးပေါင်းရင်းမြစ်များ

Maatiyee 24:15

Yesu tasɩ-wɛ heyuu se: «Alɩwaatʋ natʋyʋ ɩkɔŋ naʋ tɛyɔkɩyʋ weyi ɛtatʋʋzɩ Ɛsɔ ɛsɩndaa kpem yɔ, ɛsɩŋ lone kaɖɛ ñɩnɖɛ taa. Ɛ-tɔm náyʋ Daanɩyɛɛlɩ yɔɔdaa. Weyi ɛkalɩɣ tɔm ńdʋ́ yɔ, pʋwɛɛ se ɛnɩɩ tɩ-tɔbʋʋ.

Luka 11:28

Peeɖe Yesu cosi-i se: «Mbá panɩɣ Ɛsɔtɔm nɛ pɔɖɔŋ tɩ-yɔɔ yɔ, ḿbá manaɣ se pehiɣ pa-tɩ.»

Room 13:11

Ɩla ḿbʋ́, mbʋ́ pʋyɔɔ yɔ, ɩnawa se alɩwaatʋ ndʋ́ Ɛsɔ yakɩ ɖa-ñʋʋ yɔ, tɩtalaa se ifemni mi-ɖom yɔɔ. Mbʋ́ pʋyɔɔ yɔ, ɖa-ñʋʋ yabʋ ñɔtɩnɩ-ɖʋ nɛ pɩkɩlɩ ɛzɩ alɩwaatʋ ndʋ́ ɖɩɩcalɩ wɛnaʋ lidaʋ Yesu yɔɔ yɔ.

Room 13:12

Đoo ɖɛwa nɛ tɛʋ caɣ fem. Pʋ-yɔɔ lɛ, ɖɩhɔzɩ mbʋ́ ɖɩlakaɣ cɩkpɛndʋʋ taa yɔ nɛ ɖɩlɔ nɛ pɩsɛɣ ɖɩkpaɣ hɔzɩŋ weyi ɖɩɩlabɩnɩ you wɩsɩ taa yɔ.

1 Pɩyɛ 4:7

Pɩtɩŋa payɩ pɩwɩzɩ tɛm. Pʋ-yɔɔ lɛ, ɩɖɔkɩ mɩ-tɩ nɛ ɩcaɣnɩ mɩ-ɛsɛ nɛ ɩpɩzɩ ɩsɛɛ Ɛsɔ.

2 Pɩyɛ 3:8

Ɛlɛ́, mɛ-ɛgbaɣdɩnaa, tɔm natʋyʋ wɛɛ, pɩfɛyɩ se ɩsɔɔ-tʋ kaʋ. Ńdʋ́ lɛ se: Kɩpaɣlʋ ɛsɩndaa lɛ, evemiye kʋɖʋmɖɩyɛ wɛ ɛzɩ pɩnzɩ kutoku nɛ pɩnzɩ kutoku ñɛwɛɛ ɛzɩ evemiye kʋɖʋmɖɩyɛ yɔ.

Wɩlʋʋ 22:10

Ɛlɛ́, ɛtasɩ-m heyuu se: «Taamɛsɩ tɔm ndʋ́ tɩlɩnɩ Ɛsɔ cɔlɔ nɛ pama takayaɣ kanɛ ka-taa yɔ ña-taa. Mbʋ́ pʋyɔɔ yɔ, alɩwaatʋ ndʋ́ tɔm ńdʋ́ tɩlakɩ yɔ, tɩwɩzɩ talʋʋ.

Wɩlʋʋ 22:12

Yesu tɔŋ se: «Na! Pɩkazɩ pazɩ, mɔnkɔŋ! Mɛnkpɛndɩɣnɩ kɩhɛyʋʋ nɛ mɛhɛyɩ paa weyi mbʋ́ ɛlaba yɔ pʋ-yɔɔ.

Wɩlʋʋ 22:20

Yesu weyi ɛtɔm se tɔm tʋnɛ tɩkɛ toovenim yɔ, ɛtɔm se: «Ɛɛ, pɩkazɩ pazɩ, mɔnkɔŋ.» Pɩla ḿbʋ́! Kɩpaɣlʋ Yesu, kɔɔ!

Wɩlʋʋ 3:11

Pɩkazɩ pazɩ, mɔnkɔŋ. Pɔɖɔkɩ mbʋ́ pɛwɛna yɔ kpam nɛ nɔɔyʋ ɛtaakɔɔ ɛlɛɣ pa-wabɩyɛ hulaɣ.