Wɩlʋʋ 1:20 - New Testament

²⁰ Ŋnaɣ tɩɩnzɩ lʋbɛ nzɩ́ ŋna me-nesi kɩbanzɩ taa yɔ nɛ kanɖʋnaa lʋbɛ mbá palabɩ-wɛ nɛ sika yɔ, pɔ-tɔm ndʋ́ tɩwɛ mɛsaɣ tɛɛ yɔ tɩ-tɔbʋʋ: tɩɩnzɩ lʋbɛ ńzɩ́ lɛ Ɛsɔ tiyiyaa mbá ɛsɩwa se pɔcɔnɩ Krɩstʋ aŋgba lʋbɛ ana a-yɔɔ yɔ. Piyele kanɖʋnaa lʋbɛ lɛ aŋgba ana a-lʋbɛ.»

Wɩlʋʋ 1:20 ပူးပေါင်းရင်းမြစ်များ

Maatiyee 13:11

Yesu cosi-wɛ se: «Ɛsɔ taha-wɛ lɛɣtʋ se panɩɩ e-Kewiyaɣ tɔm ndʋ́ tɩwɛ mɛsaɣ tɛɛ yɔ, tɩ-tɔbʋʋ yɔɔ mɔyɔɔdʋʋnɩ-wɛ ḿbʋ́. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ.

Luka 8:10

Peeɖe ecosi-wɛ se: «Ɛsɔ Kewiyaɣ tɔm wɛ mɛsaɣ tɛɛ. Ɛlɛ́ mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ. Piyele lɛlaa yɔ, panɩɣ-tʋ lɛ, tɩkɛnɩ-wɛ aduwa. Pɩlakɩ ḿbʋ́ se: ‹Pɔcɔnɩ camɩyɛ, ɛlɛ́, pataana nɛ pewelesi camɩyɛ, ɛlɛ́, pataanɩɩ pʋ-tɔbʋʋ.› »

Room 11:25

Man-taabalaa, mancaɣ se mawɩlɩ-mɩ mbʋ́ pɩɩwɛ mɛsaɣ tɛɛ yɔ nɛ ɩtaakpaɣ mɩ-tɩ se ɩkɛ lɔŋsɩnɖaa: Izrɛɛlɩ ñɩma lɛlaa tamaa, paapɩzɩɣ panɩɩ. Ɛlɛ́, pɛwɛɣ ḿbʋ́ nɛ pʋkɔɔ pɩsɩɩnɩ alɩwaatʋ ndʋ́ mbá Ɛsɔ lɩzɩ mbá pɛtɛkɛ Yuda ñɩma yɔ pa-taa yɔ patɩŋa payɩ pehiɣ ñʋʋ yabʋ yɔ.

Wɩlʋʋ 1:11

«Ma mbʋ́ ŋnaɣ yɔ pʋ-tɔm takayaɣ nakɛyɛ taa nɛ ŋtiyini Krɩstʋ aŋgba lʋbɛ anɛ a-taa ñɩma. Ana yɔ: Efɛɛzɩ ñɩnɖɛ nɛ Smiirnɩ ñɩnɖɛ nɛ Pɛɛrgam ñɩnɖɛ nɛ Tiyaatiiri ñɩnɖɛ nɛ Saardɩ ñɩnɖɛ nɛ Filaadɛlfii ñɩnɖɛ nɛ Laodisee ñɩnɖɛ.»

Wɩlʋʋ 1:16

Ɛɖɔkɩ tɩɩnzɩ lʋbɛ e-nesi kɩbanzɩ taa nɛ ɛ-nɔɔ taa lɩɣ sɩɣa ŋgá kɔ-nɔɔ taa cʋlʋtaa nɛ kapɩɣ cenje yɔ. Ɛ-ɛsɩndaa ñɩlɩsaɣ ɛzɩ wɩsɩ ñakʋʋ ɖoŋ alɩwaatʋ ndʋ́ sisiɣa yɔ.

Wɩlʋʋ 1:4

Ma Yohanɛɛsɩ, mɛnsɛɣnɩ Krɩstʋ aŋgba lʋbɛ wena awɛ Aazii hɔɔlʋʋ taa yɔ a-taa ñɩma: Ɛsɔ nɛ feziŋ lʋbɛ weyi ɩwɛ e-kewiyaɣ kpelaɣ ɛsɩndaa yɔ, palabɩ-mɩ lootiye nɛ pɛhɛzɩ mɩ-laŋa. Ɛnʋ wɛna, ɛnʋ kɛwɛna, ɛnʋ kaɣnɩ kɔm.

Wɩlʋʋ 17:5

Pama e-kiɖe taa hɩɖɛ naɖɩyɛ. Paanɩɣ ɖɩ-tɔbʋʋ, ńɖɩ́ lɛ se: «Babilooni tɛtʋ sɔsɔtʋ, halaa mbá pɛpɛdɩɣ pa-tɩ yɔ nɛ kedeŋa yɔɔ azuluma po-ɖoo.»

Wɩlʋʋ 17:7

Ɛlɛ́, Ɛsɔ tiyiyu pɔzɩ-m se: «Pɩlabɩ ɛzɩma nɛ pɩɖɩɣzɩɣ-ŋ ḿbʋ́? Malɩzɩɣ-ŋ halʋ nɛ kpɩnɛ nɖɩ́ ɖɩwɛnɩ ñʋŋ lʋbɛ nɛ hɩŋ hiu nɛ ɛcaɣ-ɖɩ yɔ pɛ-mɛsaɣ tɛɛ tɔm tɔbʋʋ.

Wɩlʋʋ 2:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Efɛɛzɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɔnɖɔkɩ tɩɩnzɩ ńzɩ́ sɩ-lʋbɛ me-nesi kɩbanzɩ taa nɛ mɔnɖɔŋ sika kanɖʋnaa ḿbá pa-lʋbɛ pɛ-hɛkʋ taa yɔ, mɔntɔŋna se:

Wɩlʋʋ 2:12

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Pɛɛrgam Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ sɩɣa ŋgá kɔ-nɔɔ taa cʋlʋtaa nɛ kapɩɣ cenje yɔ, mɔntɔŋna se:

Wɩlʋʋ 2:18

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Tiyaatiiri Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Ma Ɛsɔ Pɩyalʋ, weyi ma mɛ-ɛsɛ ɖeɣ miŋ pelu pelu ɛzɩ miŋ nzʋlʋmɩyɛ nɛ ma-naŋgbanzɩ wɛɛ ɛzɩ ñɩ́ɣ́yʋ́ʋ kazɩnzɩŋa ñɩŋgʋ yɔ, mɔntɔŋna se:

Wɩlʋʋ 2:5

Pʋ-yɔɔ lɛ, pɔtɔzɩ ɖenɖe pucoɖi-wɛ yɔ, pɛlɛɣzɩ wɛtʋ nɛ pala mbʋ́ palakaɣ kajalaɣ taa yɔ. Pɩtɛkɛ ḿbʋ́, mɔnkɔŋ pɔ-cɔlɔ nɛ mɛlɛɣ pa-kanɖʋ.

Wɩlʋʋ 2:8

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Smiirnɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Nʋmɔɖɛyʋ nɛ Ɛɖɩɣyɛ nɛ maasɩba nɛ menfe yɔ, mɔntɔŋna se:

Wɩlʋʋ 3:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Saardɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ Ɛsɔ feziŋ ɩnʋ ɩ-lʋbɛ nɛ tɩɩnzɩ ńzɩ́ sɩ-lʋbɛ yɔ, mɔntɔŋna se: mansɩm mbʋ́ ñɛ-ŋgbɛyɛ taa ñɩma lakɩ yɔ: pa-hɩɖɛ sɛwa se pɛwɛ wezuu, ɛlɛ́, pasɩba.

Wɩlʋʋ 3:14

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Laodisee Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma payaɣ se Pɩla Ḿbʋ́ nɛ mɛnkɛ aseɣɖe tʋ weyi ɛlakɩ mbʋ́ pʋpɔzʋʋ yɔ nɛ ɛtɛ ɛkɛ toovenim tʋ yɔ, weyi ma mɛnkɛ mbʋ́ pɩtɩŋa payɩ Ɛsɔ laba yɔ pi-kiɖe yɔ, mɔntɔŋna se:

Wɩlʋʋ 3:7

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Filaadɛlfii Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Ɛsɔ ñɩnʋ nɛ toovenim tʋ nɛ mɔnɖɔkɩ wiyaʋ sɔsɔ Daaviidi nɔnɔɔ ñɩmɩyɛ nɛ yee mantʋlaa, nɔɔyʋ ɛɛpɩzɩɣ ɛɖɩɣ nɛ yee manɖɩɣaa, nɔɔyʋ ɛɛpɩzɩɣ ɛtʋlɩ yɔ, mɔntɔŋna se: