Room 4:3 - New Testament

³ Ɛlɛ́, pama Ɛsɔtɔm Takayaɣ taa se: «Abraham wɛnɩ lidaʋ Ɛsɔ yɔɔ yɔɔ, ɛ́lɛ́ kpaɣ-ɩ se ɛkɛ kʋtʋʋzʋ.»

Room 4:3 ပူးပေါင်းရင်းမြစ်များ

Maatiyee 20:9

Mbá powobi hayɩm taa ɖanaɣ ñɩɣtʋ kagbaanzɩ yɔɔ yɔ, ɛhɛyɩ paa pa-taa weyi liidiye pɔɔyaɣ.

Maarkɩ 12:10

Peeɖe ɛpɔzɩ-wɛ se: «Ɩtakalɩ tɔm ndʋ́ pama Ɛsɔtɔm Takayaɣ taa yɔ yaa we? Ńdʋ́ lɛ se: ‹Pɩyɛ nɖɩ́ kuduyiŋ mayaa kpaɣaɣ pɔlɔ yɔ, ńɖɩ́ pɩsɩnɩ ɖɩkɩlɩ wazaɣ nɛ pɩkɩlɩ atɩŋa payɩ lɛɛlɛɛyɔ.

Room 10:11

Ḿbʋ́ pama Ɛsɔtɔm Takayaɣ taa se: «Paa weyi ɛwɛnɩ lidaʋ ɛ-yɔɔ yɔ, ɛɛkaɣ fɛyɛ tɔɔʋ.»

Room 11:2

Ɛsɔ tɔlɔ ɛ-ñɩma mbá ɛɛlɩzɩ ɖooo lɔŋ yɔ. Pɩlakɩ-m ɛzɩ ɩsɩm Ɛsɔtɔm Takayaɣ taa ɖenɖe pamawa se Elii kpiɖaɣ Izrɛɛlɩ ñɩma yɔɔ Ɛsɔ ɛsɩndaa yɔ.

Room 4:11

Pʋwayɩ pɛpɛlɩ-ɩ nɛ pɩkɛnɩ-ɩ yʋsaɣ: ŋ́gá wɩlɩɣna se Ɛsɔ kpaɣ-ɩ se ɛkɛ kʋtʋʋzʋ lidaʋ ŋgʋ́ ɛɛwɛna nɛ pʋcɔ pɛpɛlɩ-ɩ yɔ kʋ-yɔɔ. Ḿbʋ́ yebina nɛ Abraham kɛ mbá pɛtɛpɛlɩ-wɛ nɛ pɛwɛnɩ lidaʋ Ɛsɔ yɔɔ nɛ ɛ́lɛ́ kpaɣ-wɛ se pɛkɛ kʋtʋʋzaa yɔ patɩŋa payɩ pɔ-cɔzɔ.

Room 4:5

Weyi ɛ́lɛ́ ñaalakɩ naɖɩyɛ se papɩsɩ-ɩ kʋtʋʋzʋ, ɛlɛ́, ɛwɛnɩ lidaʋ Ɛsɔ yɔɔ yɔ, ɛpɩsɩɣ kʋtʋʋzʋ ɛ-ɛsɩndaa. Mbʋ́ pʋyɔɔ yɔ, Ɛsɔ pɩsɩɣnɩ kɩwɛɛkɩm laɖaa kʋtʋʋzaa.

Room 4:9

Yuda ñɩma koboyaɣ ɖeke tɔm pɔyɔɔdʋʋ ḿbʋ́ yaa we? Yaa kedeŋa yɔɔ ɛyáa lɛlaa pɩzɩɣ pehiɣ koboyaɣ ŋ́gá ɖɔɖɔ? Ɖɩyɔɔdɩ lɛɛlɛɛyɔ se: «Abraham wɛnɩ lidaʋ Ɛsɔ yɔɔ yɔɔ ɛ́lɛ́ kpaɣ-ɩ se ɛkɛ kʋtʋʋzʋ.»

Room 9:17

Pama Ɛsɔtɔm Takayaɣ taa se Ɛsɔ heyi Ejiptɩ wiyaʋ sɔsɔ se: «Ña-maɣmaɣ mɛncɛlɩ kewiyaɣ se mantɩŋnɩ ñɔ-yɔɔ nɛ mawɩlɩ ɛyáa mon-ɖoŋ nɛ ma-hɩɖɛ sɛɛ kedeŋa kpeekpe yɔɔ.»

Yakubu 2:23

Ḿbʋ́ tɔm ndʋ́ pama Ɛsɔtɔm Takayaɣ taa yɔ, tɩlaba. Ńdʋ́ lɛ se: «Abraham wɛnɩ lidaʋ Ɛsɔ yɔɔ yɔɔ, ɛ́lɛ́ kpaɣ-ɩ se ɛkɛ kʋtʋʋzʋ.» Đɔɖɔ lɛ, ɩtɩlɩ se Ɛsɔ ya-ɩ se ɛ-taabalʋ.

Yakubu 4:5

Ɩmaɣzɩɣ se Ɛsɔtɔm Takayaɣ taa tɔm tʋnɛ, tɩfɛyɩ wazaɣ naa we? Ńdʋ́ lɛ se: «Ɛsɔ ñɩnɩɣ fezuu ŋgʋ́ ɛha-ɖʋ yɔ nɛ sʋsɩ.»