Room 2:3 - New Testament

³ Weyi ña ŋmaɣzɩɣ se lɛlaa ɛɛlakɩ camɩyɛ nɛ ŋlakɩ ɛzɩ palakʋʋ yɔ, ŋmaɣzɩɣ se ŋkɔŋ lɩʋ Ɛsɔ tɔm hʋʋ taa yaa we?

Room 2:3 ပူးပေါင်းရင်းမြစ်များ

Maatiyee 23:33

Đʋmaa mɩ! Ɛzɩma ɩlakɩ nɛ Ɛsɔ ɛtaakʋ mɩ-tɔm nɛ ɛɖʋ-mɩ kʋñɔŋ maatɛŋ taa?

Maatiyee 26:53

Ŋtatɩlɩ se manpɩzaɣ se mayaa man-Caa se ɛkɔɔ ɛsɩnɩ-m nɛ halɩ etiyini-m e-tiyiyaa tikasɩ hiu nɛ naalɛ kpaagbaa yaa we?

Luka 12:14

Peeɖe Yesu pɩsɩnɩ-ɩ se: «Man-taabalʋ ña! Aɖʋ-m se mahʋʋ mɩ-tɔm nɛ mantayɩ-mɩ mɩ-ñɩm?»

Luka 22:58

Pɩlabɩ fele lɛ, abalʋ nɔɔyʋ na-ɩ ɖɔɖɔ nɛ ɛ́lɛ́ tɔ se: «Ña ɖɔɖɔ, ŋkɛ ɛyáa panɛ pa-taa lɛlʋ.» Ɛlɛ́, Pɩyɛ cosi-i se: «Aayɩ! Mɛnfɛyɩ pa-taa.»

Luka 22:60

Ɛlɛ́, Pɩyɛ cosi-i se: «Abalʋ ña! Mantasɩ tɔm ndʋ́ ŋcaɣ yɔɔdʋʋ yɔ. Ɛtɩyɔɔdaɣ ḿbʋ́ lɛ, kalɩmɔʋ koo.»

Room 1:32

Ŋgʋ́, pasɩm paɣtʋ ndʋ́ Ɛsɔ ɖʋwa yɔ ɖeu. Ńdʋ́ lɛ se: mbá palakɩ lakasɩ ńzɩ́ yɔ, pʋmʋnaa se pakʋ-wɛ. Pɩtasɩɩnɩ se pɛwɛɛ palakɩ lakasɩ ńzɩ́, ɛlɛ́, pɛwɛɛ patɩnɩɣ ɖɔɖɔ mbá palakɩ-sɩ yɔ pɔ-yɔɔ.

Room 2:1

Weyi ña ŋmaɣzɩɣ se lɛlaa ɛɛlakɩ camɩyɛ yɔ, paa ŋkɛ anɩ yɔ, natʋyʋ fɛyɩ se ŋwaɣna. Mbʋ́ pʋyɔɔ yɔ, alɩwaatʋ ndʋ́ ŋmaɣzɩɣ se lɛlaa ɛɛlakɩ camɩyɛ nɛ ŋlakɩ ɖɔɖɔ ɛzɩ ḿbá yɔ, ŋkʋʋ ña-maɣmaɣ ñɔ-tɔm.

Room 2:2

Đɩnawa se Ɛsɔ hʋʋnɩ mbá palakɩ ḿbʋ́ yɔ nɛ toovenim.

Room 9:20

Ña ɛyʋ lɛ, ña anɩ nɛ ŋtɔ se ŋkɛlɛsɩɣ Ɛsɔ? Cʋʋ ñanaɣ pɔzʋʋ weyi ɛma-kɛ yɔ se: pɩlabɩ ɛzɩma nɛ ŋma-m ḿbʋ́ yaa we?

1 Tesalooniki 5:3

Ɛyáa kɔŋ yɔɔdʋʋ se: «Lɛɛlɛɛyɔ, laŋhɛzɩyɛ wɛɛ, you nakʋyʋ fɛyɩ!» Alɩwaatʋ ńdʋ́ʋ́ asayʋʋ nakʋyʋ tuduu-wɛ yem ɛzɩ halʋ howa tʋ wɩzasɩ yɔ nɛ paapɩzɩɣ palɩɩ kɩ-taa.

Ebree 12:25

Yee ḿbʋ́, ɩɖɔkɩ mɩ-tɩ! Ɩtaakizi se iiwelesiɣni Ɛsɔ weyi ɛyɔɔdʋʋnɩ-mɩ yɔ. Mbʋ́ pʋyɔɔ yɔ, Izrɛɛlɩ ñɩma kizaa se paawelesiɣni weyi eheyaɣ-wɛ kedeŋa yɔɔ cɩnɛ mbʋ́ ɛwɩlɩ-ɩ yɔ nɛ patatʋlɩ nɩŋgbaŋʋʋ hɔm taa. Pʋ-yɔɔ lɛ, yee ɖa ɖahaɣ siɣ́ye weyi ɛyɔɔdʋʋnɩ-ɖʋ nɛ ɛsɔdaa yɔ yɔ, ɖɩɩpɩzɩɣ ɖɩlɩɩ pɩ-taa ɖɔɖɔ.

Ebree 2:3

Yee ḿbʋ́ pʋwɛɛ lɛ, ɛzɩma ɖa ɖapɩzɩɣ ɖɩlɩɩ pɩ-taa alɩwaatʋ ndʋ́ ɖɩtakpaɣ ñʋʋ yabʋ siŋŋ tɔm tʋnɛ nɛ ɖɩyaa pʋyʋ yɔ? Kɩpaɣlʋ Yesu calɩnɩ pʋ-tɔm yɔɔdʋʋ nɛ mbá panɩ-tʋ yɔ, paɖaɣnɩ-ɖʋ-tʋ heyuu se tɩkɛ toovenim.