Maatiyee 9:6 - New Testament

⁶ Mancaɣ mawɩlɩ-mɩ se Ɛyʋ Pɩyalʋ wɛnɩ ɖoŋ se ekpeɣ ɛyáa pa-kɩwɛɛkɩm kedeŋa yɔɔ cɩnɛ.» Peeɖe eheyi kalɩkalaɣ ŋ́gá se: «Ña! Kʋyɩ ŋkpaɣ ña-ñalʋʋ nɛ ŋkpe.»

Maatiyee 9:6 ပူးပေါင်းရင်းမြစ်များ

Maatiyee 4:24

Peeɖe ɛ-hɩɖɛ sɛ Siirii ɛjaɖɛ tɩŋa taa. Pʋ-yɔɔ pakpakaɣ mbá pɛwɛnɩ kʋdɔmɩŋ ndɩ ndɩ yɔ patɩŋa nɛ mbá pʋcɔzʋʋ-wɛ yɔ: eliikenaa nɛ abom tɔlɩyaa nɛ kalɩkalasɩ nɛ powokini ɛ-cɔlɔ nɛ ɛlakɩ nɛ pɔ-yɔɔ cɛkɩ.

Maatiyee 8:20

Yesu cosi-i se: «Kpayaa ñɛwɛnɩ pɔŋ nɛ sumasɩ ñɛwɛnɩ ɖandʋ. Ɛlɛ́, Ɛyʋ Pɩyalʋ ma mɛnfɛyɩnɩ ñʋʋ ɖɩɖʋyɛ.»

Maatiyee 9:2

Ɛtalaa lɛ, ɛnaɣ ɛyáa nabɛyɛ, powokaɣnɩ kalɩkalaɣ nakɛyɛ ɛ-cɔlɔ, kɛhɛnɩ ka-ñalʋʋ yɔɔ. Powokaɣnɩ-kɛ se ɛla nɛ kɔ-yɔɔ cɛ. Ɛnawa se ɛyáa ḿbá pɛwɛnɩ lidaʋ ɛ-yɔɔ lɛ, eheyi kalɩkalaɣ ŋ́gá se: «Man-taabalʋ! Đɔkɩ ña-tɩ, mbʋ́ pʋyɔɔ yɔ, menkpeɣ-ŋ ña-kɩwɛɛkɩm.»

Maatiyee 9:5

Yee meheyi kalɩkalaɣ ŋ́gá se menkpeɣ-kɛ ka-kɩwɛɛkɩm yaa kakʋyɩ kɔɖɔ, tɩ-naalɛ tɩ-taa lɛ, ndʋ́ tɩfɛyɩ kaɖɛ?

Maatiyee 9:7

Abalʋ ɛnʋ ɛkʋyɩ nɛ ekpe ɛ-tɛ.

Maarkɩ 2:10

Mancaɣ mawɩlɩ-mɩ se Ɛyʋ Pɩyalʋ wɛnɩ ɖoŋ se ekpeɣ ɛyáa pa-kɩwɛɛkɩm kedeŋa yɔɔ cɩnɛ.» Peeɖe eheyi kalɩkalaɣ ŋ́gá se:

Maarkɩ 2:7

«Ɛyʋ ɛnɛ ɛcalɩ ɛ-taa se we nɛ ɛyɔɔdʋʋ ḿbʋ́? Ɛwɛɛkɩɣ Ɛsɔ hɩɖɛ! Apɩzɩɣ ekpeɣ kɩwɛɛkɩm nɛ pɩtasɩnɩ Ɛsɔ?»

Luka 5:21

Ɛlɛ́, paɣtʋ wɩlɩyaa nɛ Farɩsɩ ñɩma papazɩ miduu pe-liŋ tɛɛ nɛ pɔpɔzʋʋ ɖama se: «Ɛnɛ ɛkɛ anɩ nɛ ɛwɛɛkɩɣ Ɛsɔ hɩɖɛ ḿbʋ́? Apɩzɩɣ nɛ ekpeɣ kɩwɛɛkɩm nɛ pɩtasɩnɩ Ɛsɔ?»

Yohanɛɛsɩ 10:28

Mahaɣ-ɩ wezuu maatɛŋ, ɩɩtɛŋɛlɩɣ kaʋ. Nɔɔyʋ ɛɛkaɣ-ɩ lɛɣʋ me-nesi taa.

Yohanɛɛsɩ 17:2

Mbʋ́ pʋyɔɔ yɔ, ŋha-m waɖɛ ɛyáa tɩŋa yɔɔ se maha mbá patɩŋa payɩ ŋɖʋzɩ me-nesi taa yɔ wezuu maatɛŋ.

Yohanɛɛsɩ 5:27

Ɛha-m waɖɛ se mahʋʋnɩ ɛyáa tɔm, mbʋ́ pʋyɔɔ yɔ, ma lɛ Ɛyʋ Pɩyalʋ.

Yohanɛɛsɩ 5:8

Peeɖe Yesu heyi-i se: «Kʋyɩ ŋkpaɣ ña-ñalʋʋ nɛ ŋɖɔ!»

Tʋma Labʋ 5:31

Efezi-i lɛ, ɛkpazɩ-ɩ nɛ ɛcaɣzɩ lone kɩbanɖɛ taa ɛ-cɔlɔ nɛ ɛpɩsɩ-ɩ Wiyaʋ Sɔsɔ weyi ɛkɛ Ñʋʋ Yaɖʋ yɔ se ɛwɩlɩ Izrɛɛlɩ ñɩma nʋmɔʋ nɛ pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm.

Tʋma Labʋ 9:34

Ɛlɛ́, eheyi-i se: «Enee! Yesu Krɩstʋ yeki nɛ ña-kʋdɔŋ cɛ, kʋyɩ ŋkpiyi ña-ñalʋʋ.» Kpaagbaa ḿbʋ́ lɛ, Enee kʋyɩ.

2 Kɔrɛntɩ 2:10

Yee nɔɔyʋ ɛyʋsaa nɛ ikpeɣ-i yɔ, ma ɖɔɖɔ menkpeɣiɣ-i. Ma lɛ, yee pɩɩwɛɛ se menkpeɣ nɔɔyʋ yɔ, mɛntɛm-ɩ kpeɣu mɩ-yɔɔ ɛzɩ pʋmʋnaʋ se mala Krɩstʋ ɛsɩndaa yɔ.

2 Kɔrɛntɩ 5:20

Pʋ-yɔɔ lɛ, ɖɩkɛ Krɩstʋ tiyiyaa. Ɛsɔ tɩŋɩɣnɩ ɖɔ-yɔɔ nɛ etendiɣ ɛyáa alɩwaatʋ ndʋ́ ɖiheyiɣ-wɛ se: «Đitendiɣ-mɩ, itisi nɛ mɩ nɛ Ɛsɔ iceɣ Krɩstʋ yɔɔ.

Efɛɛzɩ 4:32

Ɛlɛ́, ɩla ɖama hɛɛɛ nɛ ɩna ɖama pʋtɔdɩyɛ. Ikpeɣ ɖama ɛzɩ Ɛsɔ kpeɣu-mɩ yɔ, mɩ nɛ Krɩstʋ mɩ-kpɛndʋʋ taa.

Koloosi 3:13

Ɩɖɔkɩ ɖama camɩyɛ nɛ ikpeɣiɣ ɖama. Yee nɔɔyʋ ɛyʋsɩnɩ-ŋ yɔ, pʋwɛɛ se ŋkpeɣ-i ɛzɩ Kɩpaɣlʋ kpeɣu-mɩ ɖɔɖɔ yɔ.