Maatiyee 9:35 - New Testament

³⁵ Yesu cɔwaɣ tɛtʋ sɔsɔtʋ nɛ cikpetu patɩŋa pa-taa nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ taa nɛ ɛlakɩ nɛ kʋdɔndɩnaa ndɩ ndɩ nɛ ajamaa ndɩ ndɩ patɩŋa pɔ-yɔɔ cɛkɩ.

Maatiyee 9:35 ပူးပေါင်းရင်းမြစ်များ

Maatiyee 10:1

Nakʋyʋ wiye Yesu kpeɣli ɛ-tɔmkpɛlɩkɩyaa hiu nɛ naalɛ nɛ ɛha-wɛ ɖoŋ se pɔɖɔɔnɩnɩ aleewaa nɛ pala nɛ ɛyáa kʋdɔmɩŋ tɩŋa nɛ pɛ-ɛjandʋ tɩŋa pɛcɛ.

Maatiyee 11:1

Yesu tɛm ɛ-tɔmkpɛlɩkɩyaa hiu nɛ naalɛ kɛdʋʋ mbʋ́ etiyiɣ-wɛ se pala yɔ lɛ, ɛɖɛɛ nɛ ɛcɔʋ tɛtʋ ndɩ ndɩ ndʋ́ tɩwɛ egeetiye ńɖɩ́ ɖɩ-taa yɔ tɩ-taa nɛ ɛwɩlɩɣ nɛ esusuu ɛyáa Ɛsɔtɔm.

Maatiyee 11:5

yʋlʋmaa naɣ, tala tɩnaa ɖɔŋ camɩyɛ, canasɩ yɔɔ cɛkɩ, ndamaa nɩɣ, sɩɖaa feŋ nɛ posusuu kʋñɔndɩnaa Laŋhɛzɩyɛ Tɔm.

Maarkɩ 1:14

Paɖʋ Yohanɛɛsɩ salaka wayɩ lɛ, Yesu wolo Galilee egeetiye taa nɛ ɛpazɩ ɛyáa heyuu Ɛsɔ Laŋhɛzɩyɛ Tɔm.

Maarkɩ 6:56

Paa ewobi tɛtʋ cikpetu taa yaa sɔsɔtʋ taa yaa tɛyɛ yɔɔ yɔ, ɛyáa wokini pa-kʋdɔndɩnaa ɖenɖe ɛyáa kpeɣliɣ yɔ. Paɖaŋaɣ-ɩ se pewiini-i nɛ eyele potukuni e-toko nɔɔ maɣmaɣ. Toovenim mbá potukaɣnɩ-kʋ yɔ, patɩŋa pɔ-yɔɔ cɛkaɣ.

Maarkɩ 6:6

Peeɖe pɩɖɩɣzɩ-ɩ nɛ ɛzɩma mbʋ́ pɛfɛyɩnɩ lidaʋ ɛ-yɔɔ yɔ. Pʋwayɩ lɛ, Yesu cɔɔ tɛtʋ cikpetu ndɩ ndɩ ndʋ́ tɩwɛ Nazarɛɛtɩ cɔlɔ yɔ tɩ-taa nɛ ɛwɩlɩ nɛ eheyi ɛyáa Ɛsɔtɔm.

Luka 13:22

Pʋwayɩ lɛ, Yesu woki Yeruusalɛm. Ewokaɣ lɛ, ɛɖɔŋnɩ Ɛsɔtɔm susuu tɛtʋ sɔsɔtʋ nɛ cikpetu ndʋ́ ndʋ́ ɛtɩŋaɣnɩ tɩ-taa yɔ.

Tʋma Labʋ 10:38

Ɛsɔ kɛwɛ Nazarɛɛtɩ tʋ Yesu cɔlɔ nɛ eyele e-Fezuu Kiɖeɖeu tii ɛ-yɔɔ nɛ kɩha-ɩ ɖoŋ. Pʋ-yɔɔ ɛcɔwaɣ lona ndɩ ndɩ taa nɛ ɛlakɩ ɛyáa ɖeu nɛ eholuu mbá patɩŋa payɩ pɛwɛ Satanɩ nesi taa yɔ.

Tʋma Labʋ 2:22

Peeɖe Pɩyɛ tasɩ-wɛ heyuu se: «Izrɛɛlɩ ñɩma mɩ! Iwelesi nɛ ɩnɩɩ ndʋ́ meheyiɣ-mɩ yɔ: mɩ-maɣmaɣ ɩtɛm sɩm ḿbʋ́ se Nazarɛɛtɩ tʋ Yesu lɛ weyi Ɛsɔ wɩlɩ-mɩ e-ɖoŋ yɔ. Mbʋ́ pʋyɔɔ yɔ, ɛtɩŋnɩ ɛ-yɔɔ nɛ ɛla hama lakasɩ ndɩ ndɩ nɛ ɛwɩlɩ kawɩlɩsɩ mɩ-hɛkʋ taa.