Maatiyee 9:2 - New Testament

² Ɛtalaa lɛ, ɛnaɣ ɛyáa nabɛyɛ, powokaɣnɩ kalɩkalaɣ nakɛyɛ ɛ-cɔlɔ, kɛhɛnɩ ka-ñalʋʋ yɔɔ. Powokaɣnɩ-kɛ se ɛla nɛ kɔ-yɔɔ cɛ. Ɛnawa se ɛyáa ḿbá pɛwɛnɩ lidaʋ ɛ-yɔɔ lɛ, eheyi kalɩkalaɣ ŋ́gá se: «Man-taabalʋ! Đɔkɩ ña-tɩ, mbʋ́ pʋyɔɔ yɔ, menkpeɣ-ŋ ña-kɩwɛɛkɩm.»

Maatiyee 9:2 ပူးပေါင်းရင်းမြစ်များ

Maatiyee 14:27

Kpaagbaa ḿbʋ́ lɛ, eheyi-wɛ se: «Ɩɖɔkɩ mɩ-tɩ kpam, sɔɔndʋ ɛtaakpa-mɩ, ma.»

Maatiyee 4:24

Peeɖe ɛ-hɩɖɛ sɛ Siirii ɛjaɖɛ tɩŋa taa. Pʋ-yɔɔ pakpakaɣ mbá pɛwɛnɩ kʋdɔmɩŋ ndɩ ndɩ yɔ patɩŋa nɛ mbá pʋcɔzʋʋ-wɛ yɔ: eliikenaa nɛ abom tɔlɩyaa nɛ kalɩkalasɩ nɛ powokini ɛ-cɔlɔ nɛ ɛlakɩ nɛ pɔ-yɔɔ cɛkɩ.

Maatiyee 6:12

Kpeɣ-ɖʋ ɖa-kɩwɛɛkɩm ɛzɩ ɖikpeɣu ɖɔɖɔ mbá payʋsɩnɩ-ɖʋ yɔ.

Maatiyee 8:10

Yesu nɩ sɔɔja ɛnʋ ɛyɔɔdɩ ḿbʋ́ lɛ, ɛyɩɣyɩ-ɩ nɛ ɛkɛzɩ ɛ-tɩ nɛ ɛyáa mbá patɩŋaɣ-ɩ yɔ pɔ-yɔɔ nɛ ɛtɔ se: «Toovenim lɛ, meheyiɣ-mɩ se paa Izrɛɛlɩ ɛjaɖɛ taa maɣmaɣ yɔ, mantanada weyi ɛwɛnɩ lidaʋ nɛ pɩtalɩ-ɩ yɔ.

Maatiyee 8:16

Đanaɣ ɖanaa lɛ, ɛyáa kpaɣ eliikenaa sakɩyɛ nɛ powoni Yesu cɔlɔ nɛ ɛyɔɔdɩ nɛ aleewaa se pa-wayɩ nɛ ɛla nɛ kʋdɔndɩnaa tɩŋa payɩ yɔɔ cɛ ɖɔɖɔ.

Maatiyee 9:22

Ɛlabɩ ḿbʋ́ lɛ, Yesu kisi nɛ ɛna-ɩ nɛ eheyi-i se: «Mɛn-pɛlɛ! Đɔkɩ ña-tɩ! Lidaʋ ŋgʋ́ ŋwɛnɩ mɔ-yɔɔ yɔ, kɩlɩzɩ-ŋ pɩ-taa.» Kpaagbaa ḿbʋ́ lɛ, halʋ yɔɔ cɛ.

Maatiyee 9:5

Yee meheyi kalɩkalaɣ ŋ́gá se menkpeɣ-kɛ ka-kɩwɛɛkɩm yaa kakʋyɩ kɔɖɔ, tɩ-naalɛ tɩ-taa lɛ, ndʋ́ tɩfɛyɩ kaɖɛ?

Maatiyee 9:6

Mancaɣ mawɩlɩ-mɩ se Ɛyʋ Pɩyalʋ wɛnɩ ɖoŋ se ekpeɣ ɛyáa pa-kɩwɛɛkɩm kedeŋa yɔɔ cɩnɛ.» Peeɖe eheyi kalɩkalaɣ ŋ́gá se: «Ña! Kʋyɩ ŋkpaɣ ña-ñalʋʋ nɛ ŋkpe.»

Maarkɩ 1:32

Wɩsɩ ɖʋwa lɛ, pakpaɣ kʋdɔndɩnaa nɛ ɛyáa mbá pa-wayɩ wɛ aleewaa yɔ nɛ powoni-wɛ Yesu cɔlɔ Siimɔɔ nɛ Andree pɛ-tɛ peeɖe.

Maarkɩ 10:49

Ɛlɛ́, Yesu sɩŋ nɛ ɛtɔ se payaa-ɩ, nɛ peheyi yʋlʋm ɛnʋ se: «Ñaɣ pana ŋkʋyɩ, Yesu yaɣ-ŋ.»

Maarkɩ 5:34

Ɛlɛ́, Yesu heyi-i se: «Mɛn-pɛlɛ! Lidaʋ ŋgʋ́ ŋwɛnɩ mɔ-yɔɔ yɔ, kɩyabɩ ña-ñʋʋ. Kpemni laŋhɛzɩyɛ, ña-kʋdɔŋ cɛba kɩtɩŋa.»

Maarkɩ 6:50

Mbʋ́ pʋyɔɔ yɔ, patɩŋa pana-ɩ lɛ, sɔɔndʋ kpa-wɛ siŋŋ. Ɛlɛ́, Yesu heyi-wɛ kpaagbaa se: «Ɩɖɔkɩ mɩ-tɩ kpam, sɔɔndʋ ɛtaakpa-mɩ, ma Yesu.»

Yohanɛɛsɩ 16:33

Meheyi-mɩ tɔm ńdʋ́ tɩtɩŋa payɩ se ɩwɛɛ laŋhɛzɩyɛ taa ma nɛ mɩ ɖɛ-kpɛndʋʋ taa. Ɩkɔŋ nɩʋ siziŋ kedeŋa yɔɔ cɩnɛ. Ɛlɛ́, ɩɖɔkɩ mɩ-tɩ kpam! Mbʋ́ pʋyɔɔ yɔ, mɛntɛm kɔ-yɔɔ ɖoŋ tɩŋa wabʋ!»

Yohanɛɛsɩ 2:25

Pɩtaapɔzɩ se pacazɩ-ɩ heyuu ɛyáa tɔm. Mbʋ́ pʋyɔɔ yɔ, ɛ-maɣmaɣ ɛsɩm mbʋ́ pʋwɛ pa-taa yɔ.

Yohanɛɛsɩ 21:5

Pɩkɛdaa lɛ, ɛpɔzɩ-wɛ se: «Men-piya! Ɩkpa kpakpasɩ naa we?» Pocosi-i se: «Aayɩ.»

Tʋma Labʋ 14:9

Abalʋ ɛnʋ ewelesaɣ tɔm ndʋ́ Pɔɔlɩ yɔɔdaɣ yɔ. Ɛ́lɛ́ cɔnɩ-ɩ pɩŋŋ lɛ, ɛna se ɛwɛnɩ lidaʋ Ɛsɔ yɔɔ se ɛpɩzɩɣ ɛla nɛ ɛ-yɔɔ cɛ.

Tʋma Labʋ 19:12

Halɩ pakpakɩɣ tokonaa nɛ kɛdɛɛkasɩ mbá potukuni-i yɔ nɛ potukuuni kʋdɔndɩnaa nɛ pɔ-yɔɔ cɛkɩ nɛ aleewaa seɣ pa-wayɩ.

Tʋma Labʋ 23:11

Papɩsɩnɩ-ɩ nɛ ɖoó yu lɛ, Kɩpaɣlʋ wolo ɛ-cɔlɔ nɛ eheyi-i se: «Đɔkɩ ña-tɩ kpam! Ɛzɩma mbʋ́ ŋlɩzɩ ma-aseɣɖe Yeruusalɛm yɔ, ḿbʋ́ ɖɔɖɔ pʋwɛɛ se ŋlɩzɩ-ɖɩ Room.»

Room 5:11

Pɩtasɩɩnɩ pi-ɖeke, ɛlɛ́, ɖɩtɩŋɩɣnɩ ɖa-Kɩpaɣlʋ Yesu Krɩstʋ yɔɔ nɛ ɖɩkʋndʋʋnɩ Ɛsɔ. Mbʋ́ pʋyɔɔ yɔ, ɛ-yɔɔ pɩtɩŋnaa nɛ ɖa nɛ Ɛsɔ ɖɛ-hɛkʋ taa ñɔɔzɩ lɛɛlɛɛyɔ.

Yakubu 2:18

Ɛlɛ́, yee nɔɔyʋ ɛtɔm se: «ɛwɛnɩ lidaʋ Ɛsɔ yɔɔ nɛ ma malakɩ lakasɩ kɩbanzɩ yɔ» mɔnpɔzʋʋ pʋdʋ se: «Wɩlɩ-m ɛzɩma mbʋ́ ŋwɛnɩ lidaʋ Ɛsɔ yɔɔ nɛ ŋŋlakɩ lakasɩ kɩbanzɩ yɔ nɛ ma mawɩlɩ-ŋ ɛzɩma mbʋ́ mɛwɛnɩ lidaʋ ɛ-yɔɔ yɔ nɛ ma-lakasɩ kɩbanzɩ yɔ.»