Maatiyee 9:17 - New Testament

¹⁷ Ɛtasɩ yɔɔdʋʋ ɖɔɖɔ se: «Paasuu sʋlʋm pɛŋ weyi ɩtɔwaa yɔ ɩ-taa. Pɩtɛkɛ ḿbʋ́, pʋkɔŋ se pɩpɩɣ yɔ, pɩyasɩɣ-ɩ nɛ sʋlʋm wɛɛkɩ pikpe tataa yem. Ɛlɛ́, pɛŋ weyi ɩtɔtɔɔ yɔ, ɩ-taa posuu nɛ pɩtɩŋa payɩ pʋwɛɛ pi-ɖeɖe camɩyɛ.»

Maatiyee 9:17 ပူးပေါင်းရင်းမြစ်များ

Maatiyee 9:16

Yesu tasɩ-wɛ heyuu se: «Paakpakɩɣ pɩsaʋ kɩfalʋʋ hɔɔlaɣ nɛ pɔtɔnɩ wonuu kɩbɩnʋʋ. Pɩtɛkɛ ḿbʋ́, pɔcɔtʋʋ lɛ, hɔɔlaɣ ŋgá kasʋʋ nɛ kɔhɔ kɩbɩnʋʋ nɛ kɩtɛzɩ cɩyʋʋ.»

Maatiyee 9:18

Yesu yɔɔdaɣnɩ Lɩm Sɔʋ Sɔnzɩ Laɖʋ Yohanɛɛsɩ tɔmkpɛlɩkɩyaa ḿbʋ́ lɛ, Yuda ñɩma sɔsɔ nɔɔyʋ wolo eluŋ ɛ-tɛɛ nɛ ɛtɔ se: «Mɛn-pɛlɛ sɩba lɛɛlɛɛyɔ. Ɛlɛ́, kɔɔ ɖiwolo nɛ ŋtɩnɩ ñe-nesi ɛ-yɔɔ nɛ efe.»

Maarkɩ 2:22

Ɛtasɩ-wɛ heyuu ɖɔɖɔ se: «Paasuu sʋlʋm pɛŋ weyi ɩtɔwaa yɔ ɩ-taa. Pɩtɛkɛ ḿbʋ́, pʋkɔŋ se pɩpɩɣ lɛ, pɩyasɩɣ-ɩ nɛ sʋlʋm wɛɛkɩ pikpe tataa yem nɛ pɛŋ ñala asayʋʋ ɖɔɖɔ. Ɛlɛ́, pɛŋ weyi ɩtɔtɔɔ yɔ, ɩ-taa posuu.»

Luka 5:37

Paasuu sʋlʋm pɛŋ weyi ɩtɔwaa yɔ ɩ-taa. Pɩtɛkɛ ḿbʋ́, pʋkɔŋ se pɩpɩɣ yɔ, pɩyasɩɣ-ɩ nɛ sʋlʋm wɛɛkɩ pikpe tataa yem nɛ pɛŋ ñala asɛyʋʋ ɖɔɖɔ.

Luka 5:38

Pɛŋ weyi ɩtɔtɔɔ yɔ, ɩ-taa posuu.