Maatiyee 9:11 - New Testament

¹¹ Ŋgʋ́, Farɩsɩ ñɩma nabɛyɛ kana-wɛ ḿbʋ́. Peeɖe pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma nɛ mɩ-caa nɛ tikee mʋyaa nɛ kɩwɛɛkɩm laɖaa lɛlaa pɛkpɛndɩ nɛ pɔtɔkɩ?»

Maatiyee 9:11 ပူးပေါင်းရင်းမြစ်များ

Maatiyee 11:19

Ɛyʋ Pɩyalʋ ñɔkɔma nɛ ɛtɔkɩ nɛ ɛñɔʋ lɛ, ɩɖaɣnɩɣ yɔɔdʋʋ se: ‹Ɩnaɣʋ ɛyʋ ɛnɛ yɔ, tɔkɩyɛ nɛ ñɔtʋ pɔ-yɔɔ ɖeke ɛmaɣzɩɣ. Ɛkɛ ɖɔɖɔ tikee mʋyaa nɛ kɩwɛɛkɩm laɖaa lɛlaa pa-taabalʋ.› Ɛlɛ́, pasɩŋ Ɛsɔ lɔŋsɩnɖɛ nɛ ɛ-lakasɩ kɩbanzɩ.»

Maatiyee 5:46

Yee mbá pɔsɔɔlɩ-mɩ yɔ pe-ɖeke ɩsɔɔlʋʋ lɛ, kɩhɛyʋʋ ŋgʋ́ ɩɖaŋɩɣ Ɛsɔ cɔlɔ yɔ? Halɩ tikee mʋyaa maɣmaɣ ñɔsɔɔlʋʋ mbá pɔsɔɔlɩ-wɛ yɔ.

Maatiyee 9:10

Pɩkɛdaa lɛ, Yesu wolo ɖɩɣa nɛ ɛcaɣ tɔɔnaɣ ɖɩtɔɔyɛ. Tikee mʋyaa sakɩyɛ nɛ kɩwɛɛkɩm laɖaa lɛlaa paawɛ peeɖe nɛ pa nɛ ɩ nɛ ɛ-tɔmkpɛlɩkɩyaa pɔtɔkɩ tɔɔnaɣ.

Maarkɩ 2:16

Alɩwaatʋ ńdʋ́ lɛ, Yuda ñɩma paɣtʋ wɩlɩyaa mbá pɛkɛ Farɩsɩ ŋgbɛyɛ taa ñɩma yɔ paawɛɛ. Pɛ-ɛsɩndaa Yesu nɛ kɩwɛɛkɩm laɖaa nɛ tikee mʋyaa pɔtɔkaɣ tɔɔnaɣ. Peeɖe pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma ɛ nɛ tikee mʋyaa nɛ kɩwɛɛkɩm laɖaa pɛkpɛndɩ pɔtɔkɩ?»

Luka 19:7

Mbá patɩŋa pana ḿbʋ́ yɔ, pɩtamaɣ-wɛ nɛ pemidiɣ pa-taa pe-ɖeke se: «Halɩ ɛkʋyaa nɛ ewolo ɛsʋʋ kɩwɛɛkɩm laɖʋ tɛ!»

Luka 5:30

Peeɖe pɩtɛkɛdɩnɩ Farɩsɩ ñɩma nɛ paɣtʋ wɩlɩyaa mbá pɛkɛ pɔ-hɔɔlʋʋ taa ñɩma yɔ nɛ pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma mɩ nɛ tikee mʋyaa nɛ kɩwɛɛkɩm laɖaa lɛlaa ɩkpɛndɩ ɩtɔkɩ nɛ ɩñɔʋ?»

Tʋma Labʋ 11:3

se: «Pɩlabɩ ɛzɩma nɛ ŋwolo mbá pɛtɛkɛ Yuda ñɩma yɔ pɛ-tɛ nɛ ña nɛ wɛ ɩtɔɔ?»

Galaatɩ 2:15

Đa lɛ, Yuda ñɩma liɖe taa palʋlɩ-ɖʋ. Đɩfɛyɩ ɛzɩ lila lɛɛna taa ñɩma. Paba ñaaɖɔŋ Ɛsɔ paɣtʋ yɔɔ.

Ebree 5:2

Ɛpɩzɩɣ ɛnɩɩ mbá paasɩŋ nɛ mbá pelebi nʋmɔʋ yɔ pɔ-tɔm taa. Mbʋ́ pʋyɔɔ yɔ, ɛ-maɣmaɣ ɛwɛnɩ ɛjandʋ ɖɔɖɔ.

2 Yohanɛɛsɩ 1:10

Pʋ-yɔɔ lɛ, meheyiɣ-mɩ se yee nɔɔyʋ ɛkɔm mɩ-cɔlɔ nɛ ɛɛwɩlɩɣ-mɩ se Krɩstʋ pɩsɩ ɛyʋ nɛ ɛkɔɔ kedeŋa yɔɔ yɔ, ɩtaatisi nɛ ɛsʋʋ mɩ-tɛ, ɩtaacazɩ-ɩ sɛʋ.