Maatiyee 8:27 - New Testament

²⁷ Peeɖe ɛ-tɔmkpɛlɩkɩyaa ḿbá payɩɣyɩ-ɩ siŋŋ nɛ pɔpɔzʋʋ pa-tɩ se: «Ɛbɛ ɛnɛ ɛkɛnaa kpem nɛ pɩkpɛndɩnɩ heɣlim nɛ lɩm nɛ pañaŋ-ɩ?»

Maatiyee 8:27 ပူးပေါင်းရင်းမြစ်များ

Maatiyee 14:33

nɛ Yesu tɔmkpɛlɩkɩyaa mbá paawɛ kɩ-taa yɔ, powolo poluŋ ɛ-tɛɛ nɛ pɔtɔŋ se: «Toovenim lɛ, ña lɛ Ɛsɔ Pɩyalʋ!»

Maatiyee 15:31

Ɛyáa na ndamaa kaayɔɔdasɩ yɔɔdaɣ nɛ mbá pe-nesi camaa yɔ pɔ-yɔɔ cɛ nɛ taladɩnaa ɖɔŋ camɩyɛ nɛ yʋlʋmaa ñanaɣ lɛ, payɩɣyɩɣ-ɩ pɩŋŋ nɛ pasaŋ Izrɛɛlɩ ñɩma Ɛsɔ.

Maatiyee 8:10

Yesu nɩ sɔɔja ɛnʋ ɛyɔɔdɩ ḿbʋ́ lɛ, ɛyɩɣyɩ-ɩ nɛ ɛkɛzɩ ɛ-tɩ nɛ ɛyáa mbá patɩŋaɣ-ɩ yɔ pɔ-yɔɔ nɛ ɛtɔ se: «Toovenim lɛ, meheyiɣ-mɩ se paa Izrɛɛlɩ ɛjaɖɛ taa maɣmaɣ yɔ, mantanada weyi ɛwɛnɩ lidaʋ nɛ pɩtalɩ-ɩ yɔ.

Maatiyee 8:26

Ɛlɛ́, ɛkʋyɩ nɛ ɛpɔzɩ-wɛ se: «Pɩlabɩ ɛzɩma nɛ sɔɔndʋ kpaɣ-mɩ ḿbʋ́? Mi-lidaʋ wɛ kpaagbaa ñɩɩɩ!» Ɛlɛ́, eholini heɣlim nɛ lɩm nɛ pɩhɛɛ pɩtɩŋa niɣ niɣ.

Maatiyee 8:28

Pʋwayɩ lɛ, patalɩnɩ pa-kpɩyʋʋ Gadaraa ɛjaɖɛ taa kidiiliŋ lɛɛkʋ yɔɔ nɛ petii. Peeɖe ɛyáa naalɛ nabɛyɛ lɩnɩ pɩlaŋ taa nɛ pakatɩɣ Yesu. Pekem aleewaa. Nɔɔyʋ takatɩɣ se ɛtɩŋnɩ pɔ-cɔlɔ, mbʋ́ pʋyɔɔ yɔ, paawɛ kañatʋ siŋŋ.

Maarkɩ 1:27

Peeɖe pɩlabɩ ɛyáa tɩŋa piti pɩŋŋ nɛ pɔpɔzʋʋ ɖama se: «Ɛbɛ lɛ ḿbʋ́? Ɛwɩlɩɣ tɔm kɩfatʋ nɛ abalɩtʋ! Halɩ pɩkpɛndɩnɩ aleewaa nɛ pañaŋ-ɩ.»

Maarkɩ 6:51

Ɛyɔɔdɩ ḿbʋ́ lɛ, ɛkpa pɔ-cɔlɔ kpɩyʋʋ taa nɛ ɛcaɣ nɛ heɣlim hɛɛ kpaagbaa. Peeɖe pɩlabɩ ɛ-tɔmkpɛlɩkɩyaa piti pɩŋŋ.

Maarkɩ 7:37

Ḿbʋ́ labɩnɩ ɛyáa piti pɩŋŋ nɛ pɔtɔŋ se: «Mbʋ́ ɛlakɩ yɔ, pɩtɩŋa pʋwɛ ɖeu. Ɛlakɩ nɛ ndamaa nɩɣ nɛ kaayɔɔdasɩ yɔɔdʋʋ.»