Maatiyee 8:20 - New Testament

²⁰ Yesu cosi-i se: «Kpayaa ñɛwɛnɩ pɔŋ nɛ sumasɩ ñɛwɛnɩ ɖandʋ. Ɛlɛ́, Ɛyʋ Pɩyalʋ ma mɛnfɛyɩnɩ ñʋʋ ɖɩɖʋyɛ.»

Maatiyee 8:20 ပူးပေါင်းရင်းမြစ်များ

Maatiyee 12:32

Weyi ɛyɔɔdʋʋ Ɛyʋ Pɩyalʋ ma tɔm ɛzaɣ́tʋ yɔ, Ɛsɔ kpeɣiɣ-i. Ɛlɛ́, weyi ɛyɔɔdʋʋ Fezuu Kiɖeɖeu tɔm ɛzaɣ́tʋ yɔ, Ɛsɔ eekpeɣiɣ pʋdʋ sɔnɔ nɛ cee.»

Maatiyee 12:40

Mbʋ́ pʋyɔɔ yɔ, ɛzɩma mbʋ́ Yoonaasɩ caɣ kɩyakɩŋ naadozo wɩsɩ nɛ ɖoó kpakpayaɣ sɔsɔɔ taa yɔ, ḿbʋ́ ɖɔɖɔ Ɛyʋ Pɩyalʋ kɔŋ caɣʋ tɛtɛɛ kɩyakɩŋ naadozo wɩsɩ nɛ ɖoó.

Maatiyee 12:8

Mbʋ́ pʋyɔɔ yɔ, Ɛyʋ Pɩyalʋ ma mansɩm mbʋ́ pʋwɛɛ se pala kɩyakʋ kɩhɛzʋʋ wiye yɔ.»

Maatiyee 13:37

Peeɖe ecosi-wɛ se: «Weyi eɖu ɖomaɣ kɩbaŋga yɔ, ɛnʋ lɛ Ɛyʋ Pɩyalʋ ma.

Maatiyee 16:13

Pʋwayɩ lɛ, Yesu nɛ ɛ-tɔmkpɛlɩkɩyaa powolo Sezaaree Filiipu hɔɔlʋʋ taa. Pɩkɛdaa lɛ, ɛpɔzɩ-wɛ se: «Ɛyáa tɔŋ se Ɛyʋ Pɩyalʋ ma, ma lɛ anɩ?»

Maatiyee 16:27

Ɛyʋ Pɩyalʋ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ nɛ ɛhɛyɩ paa weyi mbʋ́ ɛlaba yɔ pʋ-yɔɔ.

Maatiyee 17:9

Pakʋyɩ pʋʋ yɔɔ nɛ petiki lɛ, ɛpaɣ-wɛ se: «Ɩtaaheyi nɔɔyʋ mbʋ́ ɩnawa yɔ nɛ pʋkɔɔ pɩsɩɩnɩ alɩwaatʋ ndʋ́ Ɛyʋ Pɩyalʋ fema nɛ ɛlɩɩnɩ sɩɖaa taa yɔ.»

Maatiyee 19:28

Peeɖe ecosi-wɛ se: «Toovenim lɛ, mankaɖɩɣ-mɩ se alɩwaatʋ ndʋ́ Ɛyʋ Pɩyalʋ ma mɔnkɔŋ mancaɣ men-kewiyaɣ kpelaɣ yɔɔ koboyaɣ taa yɔ, mbá mɩ ɩtɩŋaɣ ma-wayɩ yɔ, ɩkɔŋ caɣʋ awiya kpelisi hiu nɛ naalɛ yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ.

Maarkɩ 8:38

Yee fɛyɛ ɛkpa nɔɔyʋ ma nɛ mɔn-tɔm ɖɔ-yɔɔ lɛɛlɛɛyɔ ɛyáa mbá pɛkɛ kɩwɛɛkɩm laɖaa nɛ palakɩ acɛyɛ yɔ pɔ-cɔlɔ yɔ, ɖɩkaɣ kpaʋ ɖɔɖɔ Ɛyʋ Pɩyalʋ pʋdʋ yɔɔ, alɩwaatʋ ndʋ́ ɛ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ yɔ.»

Luka 12:8

«Meheyiɣ-mɩ se weyi ɛkaɖɩɣ ɛyáa taa se mantɩnɩ-ɩ yɔ, Ɛyʋ Pɩyalʋ ma mankaɖɩɣ ɖɔɖɔ Ɛsɔ tiyiyaa ɛsɩndaa se mantɩnɩ-ɩ.

Luka 18:8

Mankaɖɩɣ-mɩ se: eɖeziɣ-wɛ lɔŋ. Ɛlɛ́, alɩwaatʋ ndʋ́ Ɛyʋ Pɩyalʋ kɔŋ kedeŋa yɔɔ cɩnɛ yɔ, ɛnaɣ ɛyáa mbá pɛwɛnɩ lidaʋ Ɛsɔ yɔɔ yɔ yaa we?»

Luka 2:12

Ɩɩnaɣ mbʋ́ pɩwɩlɩɣ-mɩ nɛ ɩtɩlɩ yɔ: ɩtalɩɣ lɛ, paɖʋ pɩɣa pɩcɩɩcɩyɩm ɛnʋ pɩsaʋ taa nɛ pɛhɛzɩ-kɛ ɖenɖe paɖʋʋ wondu tɔɔnaɣ yɔ.

Luka 2:16

Peeɖe pakpaɣ seya nɛ powolo pamaɣnɩ Maarɩɩ nɛ Yozɛɛfʋ nɛ pɩɣa pɩcɩɩcɩyɩm ɛnʋ. Pɛhɛzɩ-ɩ ɖenɖe paɖʋʋ wondu tɔɔnaɣ yɔ.

Luka 2:7

Peeɖe ɛlʋlɩ ɛ-kajalaɣ pɩɣa, kɛkɛ abalɩbɩɣa. Ɛlʋlɩ-kɛ wondu kalakʋ taa nɛ ɛɖʋ-kɛ pɩsaʋ taa nɛ ɛhɛzɩ-kɛ ɖenɖe paɖʋʋ wondu tɔɔnaɣ yɔ. Mbʋ́ pʋyɔɔ yɔ, pataahiɣ ɖɩsʋyɛ agɔmaa ɖɩɣa taa.

Luka 21:36

Pʋ-yɔɔ lɛ, ɩcaɣnɩ mɩ-ɛsɛ nɛ ɩsɛɛ Ɛsɔ alɩwaatʋ kpeekpe nɛ ihiɣ ɖoŋ nɛ ɩpɩzɩ ɩlɩɩ mbʋ́ pʋkɔŋ labʋ yɔ pɩ-taa nɛ iwolo Ɛyʋ Pɩyalʋ cɔlɔ.»

Luka 8:3

nɛ Cuuza weyi ɛkɛ Eroodi ɖɩɣa yɔɔ cɔnɩyʋ yɔ ɛ-halʋ Yoana nɛ Sʋzaana nɛ halaa lɛlaa sakɩyɛ mbá pakpakaɣ pa-ñɩm nɛ pasɩŋnɩ Yesu nɛ ɛ-tɔmkpɛlɩkɩyaa yɔ.

Luka 9:58

Peeɖe Yesu cosi-i se: «Pudanaa wɛnɩ pɔŋ nɛ sumasɩ ñɛwɛnɩ ɖandʋ, ɛlɛ́, Ɛyʋ Pɩyalʋ fɛyɩnɩ ñʋʋ ɖɩɖʋyɛ.»

Yohanɛɛsɩ 1:51

Yesu tasɩ yɔɔdʋʋ se: «Toovenim lɛ, mankaɖɩɣ-mɩ se ɩkɔŋ naʋ ɛsɔdaa tʋlaa nɛ Ɛsɔ tiyiyaa tɩŋɩɣnɩ Ɛyʋ Pɩyalʋ ma mɔ-yɔɔ nɛ pakpaɣ nɛ petiki.»

Yohanɛɛsɩ 12:34

Peeɖe ɛyáa samaɣ cosi-i se: «Đɩkalɩ ɖa-paɣtʋ takayaɣ taa se Weyi Ɛsɔ Lɩzaa yɔ, ɛwɛɣ wezuu tam lɛ, ɛzɩma ñɔtɔŋ se pʋwɛɛ se pakpazɩ Ɛyʋ Pɩyalʋ ɖaʋ yɔɔ yɔ? Ɛ́lɛ́ lɛ anɩ?»

Yohanɛɛsɩ 13:31

Yudaasɩ lɩwa lɛ, Yesu yɔɔdɩ se: «Lɛɛlɛɛyɔ Ɛyʋ Pɩyalʋ hɩɖɛ sɛwa nɛ pɩtɩŋnɩ ɛ-yɔɔ nɛ Ɛsɔ ñɩnɖɛ sɛɛ.

Yohanɛɛsɩ 3:13

Nɔɔyʋ takpa ɛsɔdaa wiɖiyi kaʋ nɛ pɩtasɩnɩ Ɛyʋ Pɩyalʋ, ɛnʋ lɩnɩnɩ ɛsɔdaa nɛ etii.

Yohanɛɛsɩ 3:14

Ɛzɩma mbʋ́ Mooyiizi kopuzi ɖʋm weyi ɛlabɩnɩ ñɩ́ɣ́yʋ́ʋ yɔ ɖaʋ yɔɔ lakʋ taa, ḿbʋ́ ɖɔɖɔ pʋwɛɛ se pala Ɛyʋ Pɩyalʋ,

Yohanɛɛsɩ 6:27

Ɩtaala tʋmɩyɛ tɔɔnaɣ ŋgá kɛwɛɛkɩɣ yɔ kɔ-yɔɔ. Ɛlɛ́, ɩla ŋgá kacakɩ tam nɛ kahaɣ wezuu maatɛŋ yɔ kɔ-yɔɔ. Ɛyʋ Pɩyalʋ kɔŋnɩ-mɩ-kɛ haʋ, mbʋ́ pʋyɔɔ yɔ, Caa Ɛsɔ ñɩɣ ɛ-yɔɔ nesi.»

Yohanɛɛsɩ 6:53

Peeɖe Yesu heyi-wɛ se: «Toovenim lɛ, mankaɖɩɣ-mɩ se: yee ɩtɔtɔɔ Ɛyʋ Pɩyalʋ ma mon-tomnaɣ nɛ ɩñɔɔ man-calɩm yɔ, ɩɩwɛɣ wezuu.

Yohanɛɛsɩ 6:62

Yee ḿbʋ́ lɛ, ɛzɩma pɩkaɣ labʋ alɩwaatʋ ndʋ́ ɩnaɣ Ɛyʋ Pɩyalʋ kitiɣ ɛkpa ɖenɖe ɛɛwɛɛ yɔ?

Tʋma Labʋ 7:56

Peeɖe eheyi-wɛ se: «Iwelesi nɛ ɩnɩɩ: ɛsɔdaa tʋlaa nɛ manaɣ Ɛyʋ Pɩyalʋ sɩŋ Ɛsɔ cɔlɔ lone kɩbanɖɛ taa.»

2 Kɔrɛntɩ 8:9

Mbʋ́ pʋyɔɔ yɔ, ɩsɩm lootiye nɖɩ́ Kɩpaɣlʋ Yesu Krɩstʋ labɩ-ɖʋ yɔ. Ɛnʋ weyi ɛɛkɛ ñɩm tʋ yɔ, ɛpɩsɩ ɛ-tɩ kʋñɔndʋ mɩ-yɔɔ se pɩtɩŋnɩ ɛ-kʋñɔndʋtʋ yɔɔ nɛ ɩkɛ ñɩm tɩnaa.