Maatiyee 7:15 - New Testament

¹⁵ Yesu tasɩ-wɛ heyuu se: «Ɩɖɔkɩ mɩ-tɩ nɛ mbá pɛcɛtɩɣ se pɛkɛ náyaa yɔ. Pɔkɔŋ mɩ-cɔlɔ lɛ, pɛwɛ ɛzɩ heŋ, naze lɛ, pɛkɛ kpemtɔɔyɩsɩ kañadɩnaa.

Maatiyee 7:15 ပူးပေါင်းရင်းမြစ်များ

Maatiyee 10:17

Ɩkpa mɩ-tɩ nɛ ɛyáa, mbʋ́ pʋyɔɔ yɔ, pɔkɔŋ-mɩ wonaʋ tɔm ɖɩhʋyɛ nɛ polu-mɩ agbazɛɛ pɛ-Ɛsɔ ɖɩsɛyɛ ndɩ ndɩ taa.

Maatiyee 16:11

Pɩlabɩ ɛzɩma halɩ nɛ sɔnɔ ɩtatɩɩnɩda se pɩtɛkɛ tindine tɔm mɔyɔɔdaɣnɩ-mɩ? Meheyi-mɩ se ɩɖɔkɩ mɩ-tɩ nɛ Farɩsɩ ñɩma nɛ Saduki ñɩma pɔ-sɔsɔɔna.»

Maatiyee 16:6

Peeɖe ɛpaɣ-wɛ se: «Ɩɖɔkɩ mɩ-tɩ ɖeu nɛ Farɩsɩ ñɩma nɛ Saduki ñɩma pɔ-sɔsɔɔna.»

Maatiyee 24:11

Ɛyáa sakɩyɛ kɔŋ lɩʋ se pɛkɛ náyaa nɛ peyili ɛyáa sakɩyɛ.

Maatiyee 7:14

Đɛɛmɛnɖɛɛ nɛ nʋmɔsɔka patɩŋnaʋ wɛ kaɖɛ, ɛlɛ́, yee ɩtɩŋnɩ-wɛ yɔ, ihikiɣ wezuu. Ɛlɛ́, mbá panaɣ-wɛ yɔ, pɔtɔɖɔɔ.»

Luka 12:15

Pʋwayɩ lɛ, eheyi patɩŋa se: «Ɩɖɔkɩ mɩ-tɩ camɩyɛ nɛ ñɩm laɣzaɣ. Mbʋ́ pʋyɔɔ yɔ, paa ɛyʋ ɛwɛnɩ ñɩm ɛzɩma yɔ, e-wezuu caɣʋ ɛɛlɩɣnɩ pʋ-cɔlɔ.»

Luka 6:26

Pʋtɔɔ-mɩ! Mbá mɩ ɛyáa tɩŋa yɩɣyɩɣ-mɩ yɔ! Mbʋ́ pʋyɔɔ yɔ, ḿbʋ́ pɔ-cɔzɔnaa lakaɣ mbá pɛcɛtaɣ ɖɔɖɔ se pɛkɛ náyaa yɔ.»

Yohanɛɛsɩ 10:12

Weyi ɛ́lɛ́ tɛkɛ ninɖiɣyu nɛ ɛtatɩɣyɩ heŋ nɛ ɛlakɩ tʋmɩyɛ liidiye ɖeke yɔɔ yɔ, yee ɛna kpemtɔɔyaɣ woki heŋ wayɩ yɔ, eseɣ eyebi-i nɛ kowolo kakpa lɛɛŋ nɛ kamɩzɩ lɛɛŋ nɛ ñɩtʋ.

Tʋma Labʋ 13:40

Pʋ-yɔɔ meheyiɣ-mɩ se ɩɖɔkɩ mɩ-tɩ camɩyɛ, ɩtaayele nɛ tɔm ndʋ́ náyaa ma pa-takayɩsɩ taa yɔ, tɩtalɩ-mɩ. Ńdʋ́ lɛ se: ‹Mbá mɩ ɩtakpaɣ Ɛsɔ nɛ ɩyaa pʋyʋ yɔ, iwelesi nɛ ɩnɩɩ nɛ pɩɖɩɣzɩ-mɩ nɛ ɩmʋʋ yem! Mbʋ́ pʋyɔɔ yɔ, malakɩ tʋmɩyɛ sɔsɔɖɛ naɖɩyɛ mɩ-alɩwaatʋ taa nɛ paa nɔɔyʋ eheyi-mɩ ɖɩ-tɔm yɔ, iitisiɣ.› » «Maañɩnɩɣ se pɩtalɩ-mɩ ḿbʋ́.»

Tʋma Labʋ 13:6

Paacɔ Ciiprɩ ɛjaɖɛ ńɖɩ́ ɖɩtɩŋa nɛ pɔkɔɔ patalɩ Paafɔɔsɩ tɛtʋ taa. Peeɖe pakatɩ tɩʋ nɔɔyʋ, payaɣ-ɩ se Baarɩ-Yesu. Ɛɛkɛ Yuda tʋ nɛ ɛkpakɩɣ ɛ-tɩ se ɛkɛ náyʋ.

Galaatɩ 2:4

Ɛlɛ́, mbá pɛcɛtaɣ se pɛkɛ Krɩstʋ ñɩma nɛ paasʋ ɖɛ-ŋgbɛyɛ taa yɔ, ḿbá yɔɔdaɣna se pʋwɛɛ se pɛpɛlɩ-ɩ. Ŋgʋ́, ɛyáa ḿbá, mɛsaɣ tɛɛ paasʋ ɖa-taa se pana ɛzɩma mbʋ́ pɩtɩŋnɩ Krɩstʋ Yesu yɔɔ nɛ ɖɩwɛɛ ɖa-tɩ yɔɔ yɔ. Pañɩnaɣ se ɖɩɖaɣnɩ pɩsʋʋ yomaa.

Efɛɛzɩ 4:14

Ḿbʋ́ yekina nɛ ɖɩɩtasɩɣ kɛʋ piya nzɩ́ pawɩlɩɣ-sɩ nɛ sɩɩsɩŋ mbʋ́ sɩla nɛ peyiliɣ-sɩ nɛ pʋcɔzʋʋ-sɩ yem yem yɔ.

Efɛɛzɩ 5:6

Itaayele nɔɔyʋ yili-mɩ nɛ ɛ-tɔm ndʋ́ tɩfɛyɩ wazaɣ nakɛyɛ yɔ: pʋ-yɔɔ Ɛsɔ pana kpaɣnɩ mbá paañaŋ-ɩ yɔ.

Filiipu 3:2

Ɩkpa mɩ-tɩ nɛ tʋmlaɖaa azaɣ́a, pɛkɛ hasɩ mancaaciwaa, pɛtɛpɛlɩ-wɛ siŋŋ.

Koloosi 2:8

Ɩkpa mɩ-tɩ ɖeu nɛ nabɛyɛ ɛtaacɛtɩ-mɩ nɛ pa-maɣmaɣ pɔ-lɔŋsɩnɖɛ tɔm. Cɛtɩm tɔm ńdʋ́, tɩɩwazɩɣ pʋyʋ. Ɛyáa sɔnzɩ nɛ kedeŋa yɔɔ cɩnɛ ɖoŋ pɔ-cɔlɔ tɩlɩnaa. Tɩtɛkɛ Krɩstʋ ñɩndʋ.

2 Timootee 3:13

Ɛlɛ́, kañadɩnaa nɛ cɛtɩyaa pɛtɛzɩɣ labʋ kɩdɛkɛdɩm nɛ pɛcɛtɩ lɛlaa, ɛlɛ́ pɔkɔŋ pa-maɣmaɣ cɛtʋʋ.

2 Timootee 4:3

Mbʋ́ pʋyɔɔ yɔ, alɩwaatʋ natʋyʋ kaɣ kɔm nɛ pɩɖɛɛ ɛyáa nɛ tɔm kɩbandʋ ndʋ́ pawɩlɩɣ-wɛ yɔ. Ɛlɛ́, ɛzɩma mbʋ́ pa-nɩŋgbaaŋ taa puu lɛ, pɔkɔŋ ñɩnʋʋ wɩlɩyaa ndɩ ndɩ se paba eheyi-wɛ mbʋ́ pa-maɣmaɣ pe-liu wɛɛ kpem yɔ nɛ pewelesi.

2 Pɩyɛ 3:17

Mɛ-ɛgbaɣdɩnaa mɩ lɛ, lɛɛlɛɛyɔ pɛkɛdɩ-mɩ ɛyáa kɩdɛkɛdɩŋ ɩnʋ ɩ-tɔm. Pʋ-yɔɔ lɛ, ɩkpa mɩ-tɩ nɛ wɛ. Pɩtɛkɛ ḿbʋ́ yɔ, pɔkɔŋ pepeɣzi-mɩ nɛ ɩtɩŋ-wɛ. Peeɖe ɩɩtasɩɣ wɛʋ mi-ɖeɖe mi-lidaʋ wɛnaʋ taa.

1 Yohanɛɛsɩ 4:1

Mɛ-ɛgbaɣdɩnaa! Yee nɔɔyʋ eheyi-mɩ se Fezuu Kiɖeɖeu ɖoŋ ɛyɔɔdʋʋna yɔ, ɩtaatisi kpaagbaa. Ɛlɛ́, ɩmaɣzɩ-ɩ nɛ ɩna se pɩkɛ toovenim na. Meheyiɣ-mɩ ḿbʋ́, mbʋ́ pʋyɔɔ yɔ, mbá pɛcɛtɩɣ se pɛkɛ náyaa yɔ palɩ kedeŋa yɔɔ sakɩyɛ.

Yuudi 1:4

Mɔyɔɔdʋʋ ḿbʋ́, mbʋ́ pʋyɔɔ yɔ, mbá paañaŋ Ɛsɔ yɔ pa-taa nabɛyɛ sʋ mɩ-hɛkʋ taa mɛsaɣ tɛɛ. Papɩsɩɣ ɖɛ-Ɛsɔ lootiye tɔm kiŋgila nɛ yaayala se peɖezini pa-acɛyɛ lakasɩ pe-wezuu caɣʋ taa. Pɔlɔʋ Yesu Krɩstʋ weyi e-ɖeke koŋ ɛkɛ ɖa-Wɩlɩyʋ nɛ ɖa-Kɩpaɣlʋ nɛ ɛcɔŋnɩ pɩtɩŋa pʋ-yɔɔ yɔ. Đooo lɔŋ pama ɛzɩma mbʋ́ pakʋʋ pɔ-tɔm yɔ.

Wɩlʋʋ 16:13

Peeɖe mana feziŋ kɩdɛkɛdɩŋ nɩɩyɩ naadozo, ɩwɛ ɛzɩ sayɛɛ yɔ. Ɩlɩɣaɣnɩ coojo nɛ kpɩnɛ nɛ weyi ɛcɛtɩɣ se ɛkɛ náyʋ yɔ pɔ-nɔsɩ taa.

Wɩlʋʋ 17:6

Peeɖe manawa se halʋ ɛnʋ ɛñɔ Ɛsɔ ñɩma nɛ Yesu aseɣɖe tɩnaa mbá pakʋ-wɛ yɔ pa-calɩm nɛ pʋkʋʋ-ɩ ɛzɩ sʋlʋm yɔ. Mana-ɩ lɛ, pɩɖɩɣzɩ-m yem ɖɩɣ ɖɩɣ.

Wɩlʋʋ 19:20

Peeɖe paba kpa kpɩnɛ nɛ weyi ɛcɛtɩɣ se ɛkɛ náyʋ nɛ ɛɛlaba hama lakasɩ ɖɩ-ɛsɩndaa yɔ. Sɩ-yɔɔ ɛtɩŋnaa nɛ ɛcɛtɩ mbá paalabɩ pɔ-yɔɔ kpɩnɛ yʋsaɣ nɛ poluŋuu ɖɩ-sɩʋ kpelaɣ tɛɛ yɔ. Pakpa-wɛ lɛ, pɔlɔ pa-naalɛ nɛ pɛ-ɛsɛ miŋ sɔsɔŋ weyi ɛ-taa wɛ tɩm nɛ ɛmʋʋ siŋŋ yɔ ɛ-taa.

Wɩlʋʋ 20:10

Eleeu weyi epeɣzaɣ-wɛ yɔ, pɛpɛɖɩ-ɩ miŋ sɔsɔŋ weyi ɛ-taa nɛ tɩm yɔ ɛ-taa. Peeɖe kpɩnɛ nɛ weyi ɛcɛtɩɣ se ɛkɛ náyʋ yɔ, pɛwɛɛ. Ḿbʋ́ panazɩɣ-wɛ wɩsɩ nɛ ɖoó pɩnzɩ ɛgbaŋ ɛgbaŋ.